بشكل أو بآخر اكيد سمعت مصطلح (العمل الحر) او (فري لانسينج)، أو لما تسأل حد بتشتغل ايه؟ يقولك بكل فخر أنا فري لانسر!

وبلا شك فرصة انك تكون فري لانسر دى فرصة عظيمة جدا، وغيرت قوانين اللعبة كلها فيما يخص الشغل والكارير وزيادة الدخل.

فى المقال ده هنتكلم عن كل ما يخص العمل الحر و نجاوب على السؤال الشهير "ازاى اشتغل فري لانسر"، وهتعرف ازاى تزود دخلك وتقبض بالدولار حتى لو كنت طالب.

عايزك تركز فى المقال جدا واحفظه عندك فى مكان آمين، عشان بعدها مش هتحتاج غير التطبيق فقط وهيكون الطريق واضح قدامك جدا.

جاهز تدخل للعمل الحر، وتعرف كل ما يخص هذا العالم؟ يلا بينا!

معنى فري لانسر

الفري لانسر هو شخص عنده مهاره ما أو خبرة في مجال معين وبيقدمها بمقابل مادي سواء لأشخاص أو شركات عن بُعد!
بمعنى انك مش لازم تكون متواجد فى الشركة نفسها، وتقدر تشتغل من اى مكان.
يعنى باختصار انت مدير نفسك، والرقيب عليها.

كورسات لمجالات العمل الحر

فى مجال العمل الحر انت تقدر تشتغل فى اى مجال نفسك فيه حتى لو مكنش مجال دراستك في الكلية،
يعنى انت ممكن تكون كلية اداب بس بتشتغل فى مجال الجرافيك ديزاين، او فى كلية تجارة وبتشتغل فى مجال البرمجة!
المهم تكون شاطر فى المجال اللى حابب تبدأ فيه.. باختصار فى العمل الحر لا مجال للواسطة!

ليه تفكر انك تكون فريلانسر؟

الحقيقة فى اكتر من سبب عشان تفكر تبدأ فى العمل الحر وتبقى فري لانسر، منهم:

• إن العمل الحر وسيلة ممتازة جدا ليك سواء كنت طالب او موظف عشان تزود دخلك، وتكون مصدر دخل جانبي ليك.
• سهولة البدء يعنى لو عندك مهارة في أي مجال فانت مش محتاج اكتر من كدة!
• تقدر تحصل على ربح بشكل سريع من خلال أول عميل ليك.
• حرية العمل من أى مكان ومع الوقت ممكن تسيب شغلك وتبقي فري لانسر بشكل كامل.
• المرونة، يعنى تقدر تشتغل فى وقت فراغك أو بشكل كامل، يعنى انت اللى بتختار طريقة الشغل اللى تناسبك.

قد يهمك أيضا: اختبار تحليل الشخصية وتحديد التخصص الجامعي

معتقدات خاطئة ومخاوف عن العمل الحر مخلياك مش عايز تبدأ

في مخاوف ومعتقدات خاطئة بتيجي في بالك قبل ما تبدأ فى العمل الحر، منها:

• مش عارف أبدأ في مجال ايه؟
• خايف بعد ما اختار مجال معين واتعلمه، ميكنش المجال المناسب ليا
• خايف من الخسارة
• مش عارف ابدأ ازاى بخطوات صح
• معنديش خبرة أقدمها ولا بعرف لغات
• معنديش خبرة فى اى مجال وبالتالى مش هيجيلي شغل!
• مش عارف ازاى اجيب أول عميل!

كورسات مدفوعة مجانا

كل المخاوف والمعتقدات دى وغيرهم بيكونوا سبب رئيسي انك متبداش، وللأسف أغلبهم وهم أو طريقة تفكير خاطئة.

يعنى على سبيل المثال، طريقة التفكير اللي بتقول خايف من الخسارة!
بدل ما تفكر فيها بالشكل ده، فكر فيها كتجربة واستثمار في نفسك هيفيدك جدا على المدى البعيد. واسأل نفسك هل الصح انى مطورش من نفسي واتعلم مجال جديد خوفاً من الخسارة، ولا الخسارة الحقيقة انى مبدأش أصلا وأفضل واقف مكانى محلك سر!

وفي طريقة تفكير غلط ومعتقد سائد معطل ناس كتير وهو "هجيب أول عميل ازاى فى وسط المنافسة دى كلها!"

ودى حلها باختصار ان الشخص اللى انت شايفة جامد فى المجال الفلاني وبتقول ان محدش هيسيبه وهيجيلك انت،
كان فى يوم من الايام زيك بالظبط، ميعرفش اى حاجة ولسة مبتدأ، ولو فكر بنفس طريقتك عمره ما كان وصل للي هو فيه..

ثانيا فى مبدأ اسمه مبدأ الوفرة، المبدأ ده ربنا سبحانه وتعالى أنعم علينا بيه، وهو ان اى حد بيجتهد وبيتعب هيلاقي نتيجة تعبه، وان فى ناس هتحبك انت بأسلوبك وطريقة شغلك. يعنى فكر فيها كده لو كل الناس بتحب مدرس واحد بس،
يبقي كدة باقي المدرسين مش هتلاقي شغل، ولا بتلاقي فى وفرة واختلاف أذواق!
يعنى واحد هيحبه والتانى هيحب مدرس غيره وهكذا.

ايه وظائف فري لانسر المتاحة؟ (مجالات العمل الحر)

اضغط على زر التالى بالأسفل لتكمل المقال

↚

تقريباً عدد الوظائف غير محدود فى عالم العمل الحر، وفي وظائف لا تخطر على بالك موجودة، يعنى اطمن أيا كان المهارة اللى بتعرف تعملها هتقدر تجيب منها فلوس كفري لانسر. وهتلاقي هنا افضل مجالات العمل على الانترنت

27 ألف كورس مجانا

مجال التصميم

1- تصميم لوجوهات

2- رسم شخصيات كارتون

3- تصميم أغلفة كتب

4- تصميم مواقع

5- تصوير ومعالجة صور

6- تصميم فلايرز وبروشورز

7- تصميم كروت شخصية

8- تصميم هندسى

9- عمل بريزنتيشن Powerpoint

10 - معالجة وتعديل صور بالفوتوشوب

11- تصميم 3 دى موديل

12 - تصميم تى شيرتات

13- تعليم تصميم عن بعد

الكتابة والترجمة

1- كتابة محتوى لمواقع

2- ترجمة محتوى

3- كتابة اخبار

4- كتاب سفيهات

5- كتابة تقييم عن منتج أو خدمة

6- نطق اى كلام مكتوب باللغة والعكس تحويل اى كلام منطوق للكتابة

الفيديو والانيميشن

1- عمل اعلانات

2- عمل شغل ثرى دى

3- عمل رسوم متحركة

4- تعديل ومعالجة فيديوهات

5- تحويل ملفات من امتداد الى امتداد تانى (بوربوينت إلى فيديو مثلا)

الصوتيات:

1- تعديل ومعالجة الملفات الصوتية (الهندسة الصوتية

2- دروس موسيقى

3 - مؤثرات صوتية

4 - تعليق صوتى

البرمجة ومتعلقاتها:

1- تطوير مواقع

2- شغل ووردبريس

3- تطبيقات موبايل

4- نظم ادارة محتوى

5- تحويل ملفات

6- قواعد بيانات

7- تطبيقات ديسك توب

8 - تحليل بيانات وتقارير

9- دعم فنى

التسويق الرقمى ومتعلقاته:

1- تحليل مواقع SEO

2- إعلانات مدفوعة PPC

3- سوشيال ميديا

4- كتابة محتوى متوافق مع محركات البحث

5- تجارة دومينات

6- استضافة مواقع

7- تجارة الكترونية

8- تسويق الكترونى

دعاية واعلان:

1-امسك بانر عليها اسم المنتج فى صورة او فيديو

2- بانرات دعائية

3- ارسال حملات SMS

4- عمل فيديوهات دعائية

البيزنس:

1- كتابة خطة عمل

2- استشارات فى ادارة الاعمال

3- دراسة السوق

4- سكرتارية

5- استشارات قانونية

6- استشارات مالية

تخصصات منوعة:

1- نصائح تربوية

2- نصائح لتربية الحيوانات الأليفة

3- نصائح صحية

4- نصائح نفسية

5- نصائح سياحية

6- نصائح تخسيس

فى مجالات تاني كتير بس دول مجرد أمثلة!

ازاي اشتغل فري لانسر (خطة عمل واضحة)؟

عشان تبدأ محتاج يبقي عندك مهارة في أي مجال من المجالات المذكورة فوق، او مجالات غيرهم.

تعلم كتابة المحتوي

يعنى مهاراتك هي المنتج اللى العميل هيشتريه، فلازم يبقي عندك منتج كويس "مهارة او خبرة".

ولكن فى حالة ان معندكش اى مهارة ونفسك تتعلم وتشتغل وتزود دخلك، يبقي هتعمل الخطوات دى:

• هتحدد المهارة أو المجال اللى حابب تتعلم وتشتغل فيه. طب لو انت مش عارف بتحب مجال ايه! اختار اي مجال حاسس انك مشدود ليه اكتر وابدء اتعلمه.
• هتبدأ تتعلمها من خلال موقع Udemy أو Lynda او Skillshare
  ليه ال3 دول تحديدا؟ لأنهم أفضل مواقع موجودة تعلمك مهارات معينة بشكل عملى مش اكاديمي زى كورسيرا مثلاً
  وطبيعتهم مناسبة جدا لمجالات العمل الحر، يعنى لو عايز تتعلم كتابة محتوى، هتقدر تحترفه من خلال أي موقع منهم وتقريبا بشكل مجاني! (هتلاقي شرح لكل موقع فيهم بالتفصيل فى اخر المقال)
• هتذاكره وتتعلمه كويس جدا، وتحط لنفسك خطة تعليمية و deadline تتعلم خلاله، عشان الوقت ميسرقكش.
  يعنى مثلا من شهر 1 لشهر 2 أكون تعلمت أساسيات التصميم والفوتوشوب، ومن شهر 2ل3 أكون قدرت اتعامل على البرنامج وأعمل أول تصميم ليا وهكذا.
• هتبدأ تطبق اللى بتتعلمه عشان تقوي البورتفوليو بتاعك ويجيلك شغل بسهولة.

لو بتدور على مجالات سهلة التعلم والبدء فيها كفري لانسر شوف الفيديو ده

شوف الفيديو من هنا

فى حالة ان عندك مهارة او خبرة فى مجال ما، يبقي انت جاهز للبدء مباشرة ودى هنتكلم فيها فى الخطوة الجاية.

ازاى تحصل على أول شغل ليك ك فري لانسر

هنتكلم دلوقتي عن الأساسيات اللي لازم تعملها عشان توصل لأول عميل (بغض النظر عن الموقع اللى هتختاره)، انت بالظبط عامل زى النجار اللى لازم يبقى معاه عدته عشان أول ما يجيله الشغل يبقي جاهز على طول.

1. اعمل حساب على موقع من مواقع العمل الحر. (تقدر بردو تشتغل فري لانسر خارج المواقع دي، علي سبيل المثال عن طريق ترشيحات ناس اشتغلت معاهم قبل كدة)
2. ظبط الاكونت بتاعك هناك على حسب المنصة اللي هتستخدمها
3. سوق لنفسك على جروبات الفيس بوك المتعلقة بمجالك
4. اعمل حساب على لينكدان واعرض شغلك عليه
5. شوف دايرة علاقاتك ومعارفك واعمل براندينج قوي لشغلك.

أهم مواقع العمل الحر (عربي وانجليزي)

فكرت كتير قبل ما اكتب الجزء ده من المقال، هل الصح اني أقولك كل مواقع العمل الحر العربي والانجليزي زي أغلب الناس وتتوه ما بينهم، ولا نمسك موقع واحد ونشرحه باستضافة بتطبيق عملي! ولقيت ان الحل التاني هو الأنسب ليك، خاصة أن أغلب اللي هيقرأ المقالة دى هيكون مبتدئ وعايز خطوات عملية. (بس ده لا يمنع اني هقولك قائمة بمواقع العمل الحر بعدها)

الموقع الأول اللى برشحه دايما للمبتدئين هو موقع خمسات، وموقع خمسات هو موقع عربي مشهور جدا فى الوطن العربي. بتقدم خدماتك عليه ب 5 دولار كبداية.

عشان مطولش عليك فى الشرح، أنا عملتلك فيديو شرح بالتفصيل لكل ما يخص موقع خمسات من اول التسجيل لحد ما تقدم خدماتك وتسوقها وتقبض أول فلوس ليك من العمل الحر.

شوف الفيديو بتركيز جدا وطبق كل خطوة فيه وهتبقي بدأت رحلتك في العمل الحر على أساس قوي.

أولا: مواقع العمل الحر العربية

• خمسات
• منجز (من اقوي مواقع العمل الحر - هنا شرح شامل للموقع)
• مستقل
• نبش
• بيكاليكا
• Soundeals
• زينانو
• خدمات

ثانياً: مواقع العمل الحر الأجنبية

1. Elance
2. Upwork
3. Freelancer
4. Guru
5. Ifreelance
6. People per hour
7. Tuts plus jobs
8. Pro blogger
9. Freelance writing gigs
10. Smashing jobs
11. Fiverr
12. Freelanced
13. Freelance-writing-jobs-online
14. Pitch me
15. Text broker
16. Art wanted
17. 99Designs
18. Simply hired
19. Tutor
20. Authentic jobs
21. Design crowd

كورسات تساعدك لتصبح فري لانسر وتبدأ فى العمل الحر باحترافية

دلوقتى انت عرفت صورة عامة عن مجال الفريلانس، واكيد بتسأل ازاى تبدأ فى المجال باحترافيه وتعرف تفاصيل اكتر عنه.

فى كورس ممتاز جدا مقدم من موقع مهارة تك بشكل مجانى لفترة محدودة عن العمل الحر

تقدر تحجز فيه من هنا: http://bit.ly/2SDPKzS

بس الكورس مش هيفتح معاك الا لما تعمل حساب على الموقع، وعشان تعمل حساب مجانى، شوف الفيديو ده

شروط العمل الحر ك فرى لانسر

1- اوعى تكذب على العملاء
2- أوعى تغش العملاء
3- كن سريع الاستجابة للعملاء
4- تواصل مع خدمة عملاء الموقع اللي بتشتغل فيه لو واجهتك مشكلة
5- ما تنسخش شغل حد تاني وإلا هيتم طردك من الموقع
6- كن على اتصال دائم بالموقع عن طريق تطبيق الموبايل والايميل

أدوات وتطبيقات مساعدة للـفري لانسر Freelancer

1.  بتحتاج عقود تضمن حقك وحق العملاء. 
2.  اداة إدارة الحسابات المالية للمؤسسات الصغيرة والعمل الحر (Wave Accounting) 
3.  تخزين الملفات (DropBox) 
4. إنشاء قوائم بالمهام التي يجب عليك اتمامها ومتابعة تنفيذها (Wunder List) 
5.  تطبيق لإدارة الوقت وتنظيمه بيديلك 25 دقيقة تنفذ فيها اللي عليك و5 دقايق راحة وبعدين تبدأ تاني 25 دقيقة (Focus Booster) 
6.  لو هتتعامل مع عملاء أجانب يبقي لازم تحمل اى قاموس عشان تترجم.

سر النجاح في العمل الحر

السر في تعاملك معاه كأنه شركتك وانت المدير بتاعها وانت المسئول الوحيد عن كل ماهو متعلق بيها!

الخاتمة:
اعتقد كدة الصورة بقت واضحة معاك اكتر ومش ناقص غيرك تطبيق.
عرفنا فى الكومنتات ناوي تتعلم وتشتغل فري لانسر فى مجال ايه؟

ولو بتدور على مصادر كويسة فى مجال معين عرفنا فى الكومنتات.