القائمة الرئيسية

الصفحات

موقع يوديمي | شرح شامل للموقع بعد التحديث + ترشيح لأهم الكورسات!

موقع يوديمي udemy
موقع يوديمي "Udemy " من أفضل المواقع التعليمية اللى بتقدم كورسات اونلاين على مستوى العالم
فـ المقالة دى هتكون عن شرح موقع يوديمي بالعربي بشكل كامل.

لو نفسك تتعلم اي مجال تحبه بس الكورسات غاليه جدا عليك، وسمعت عن مواقع الكورسات الاونلاين او شوفت الكلمه دى قبل كده "مووكس" "MOOCs" بس محدش علمك ازاى تحجز كورسات اونلاين، أو ازاى تحصل على الشهاده من المواقع دى

يبقى المقاله دى ليك

لو حابب تعرف أكتر عن  الكورسات الاونلاين والتعلم عبر الانترنت - الحقيقة وراء ال MOOCs - اضغط هنا

يلا نبدأ مع بعض أول خطوة، وهي كيفية التسجيل فى موقع يوديمي

1- خطوات التسجيل فى موقع يوديمي

اولا هندخل على الموقع من هنا: http://bit.ly/2nBtBCp

بعد كده هيظهرلك المربع ده
ممكن تسجل بايميل "yahoo" أو "gmail" لو مش عندك ايميل - اضغط هنا 
موقع يوديمي

ممكن حد فيكم يكون ناسى البريد الالكترونى بتاعه هيعمل ايه؟
ولا يهمك يا صديقى كل حاجه ليها حل. بدل ما هتدوس على كلمة Sign Up هتدوس على كلمة Login.
هتسجل اكونت الفيس بوك بتاعك وكلنا عندنا اكونت على الفيس بوك
كده اقولك الف مبروك بقى عندك أكونت على "يوديمي" وكده خلصنا الخطوة الأولى.

ازاى تحجز الكورسات على يوديمي بسهولة

هتدخل على اى كورس حابب تحجز فيه، وبعدها هتدوس على كملة (Enroll Now) 
مش (Add to cart) زي ما موضح في الصورة دى، وركز جدا فى الخطوة دى عشان ناس كتير بتتلغبط فيها.

كورسات يوديمي


ندخل فى الجد بقى

2- ازاى تبحث عن افضل الكورسات الاونلاين على موقع يوديمي؟

هتلاقى فى يوديمي كل ما لذ وطاب من كورسات فى كل المجالات تقريبا زي "البرمجة - بيزنس - ريادة أعمال - تصوير - رسم - تنميه بشريه - محاسبه - لغات - تصميم - تسويق - فتنس ورياضة وجيم - حتى الموسيقي والجيتار وغيره" يعنى ملكش حجه
طبعا أنت لازم تكون محدد حابب تبدأ بمجال ايه عشان متوهش وسط كل المجالات دى ومتشتتش نفسك.

بعد ما تحدد المجال وعارف انت عايز تتعلم مجال ايه، تبدأ تبحث عن كورسات فى المجال ده

تعالي ناخد مثال ان شخص مثلا بيحب التسويق وعايز يبدأ يتعلمه ودخل على يوديمي وعمل اكونت يعمل ايه بعد كده؟

زى ما فى الصوره كده، هيروح على مربع البحث ويكتب كلمة "Marketing"


شرح موقع يوديمي
هيظهرلك كل الكورسات المرتبطة بالمجال ده زى الصوره دى
بس زى ما انت شايف فى الصورة 4 مربعات كل واحد فيهم تقدر تحدد انت عايز تبدأ عن ايه بالظبط؟
تقدر تبحث من اول المستوى اللى انت عايزه "مبتدأ - متوسط - خبير"

تقدر تبحث بردو عن كورسات باللغة اللى تحبها "انجليزى - عربي - اسباني .. الخ " بس خد بالك المحتوى العربى قليل جدا يعنى مش هتلاقى عربى فى كل المجالات، فلازم تظبط الانجليزى لانه بقى فرض علينا خلاص
تقدر تبحث بردو عن السعر "مجاني - بفلوس"
تقدر تبحث عن الاشكال المختلفه زى "الكورس يكون بنظام امتحانات - ولا مشاريع .. الخ"
شرح موقع يوديمي

كده احنا خلصنا الخطوة الثانية وهى "ازاى نبحث على الكورسات فى مجالنا"
وهنا يجى دور الخطوة الثالثة و التي تهم ناس كتير

3- ازاى تحصل على كورسات يوديمي مجانا

زى ما فى الصوره كده هنختار في مربع البحث انه يختار لى الكورسات المجانيه فقط

شرح موقع يوديمي
هيظهرلك كل الكورسات المجانية زى ما فى الصوره كده

4- ازاى نحصل على الكورسات الاونلاين المدفوعة من يوديمي مجانا؟

حد هيقول انا عايز اخد الكورسات اللى بفلوس دى بس مش معايا فلوس اعمل ايه؟

زى ما قلتلك كل حاجه ليها مليون حل. موقع يوديمي  عامل حاجه اسمها "Free Udemy Coupon"

كوبونات مجانيه مدفوعة، بمعنى انهم بيكلموا المدرب اللى عمل الكورس، عايزين كوبون الكورس ده مجانا للطلبة ويكون لمده مؤقته جدا ممكن اسبوع بالكتير والكوبون بيخلص.

طب نعرف الكوبونات دى أو العروض نزلت امتى وفين؟

فى صفحه على الفيس بوك محترمه جدا اسمها "Best Online Courses " أو صفحة " نادي القراءة العملية"




هتلاقى سعر الكورس الاصلي 195 دولار بس مجانا لفتره معينه
والحلاوه بقى انك لما بتحجز الكورس فى العرض بيفضل مجانا فى الحساب بتاعك على يوديمي الى الأبد


شرح موقع يوديمي

4- ازاى تختار الكورسات على يوديمي؟

بيكون فى اكتر من عنصر لازم ناخد بالنا منه عشان نحدد نبدأ بايه.
ومش معنى انه مجانى يبقي محتواه مش كويس، بالعكس فى كورسات مجانية كتير جدا، والمحتوى فيها محترم جدا.

بس نختار ازاى بين كل الكورسات دى؟

اولا هنبص على التقييم او "Rate" واخد كام من 5 نجوم ؟

ثانيا هنبص على عدد الطلبه اللى عملوا تقييم للكورس ده. لان ممكن يكون واخد 5 نجوم بس طالب واحد بس اللى عمله تقييم.

لازم يكون عدد الطلبة كتير اللى عملوا تقييم وعلى اساسها اختار الكورس.

زى ما فى الصوره كده. أول كورس واخد تقييم "3 من 5" و19 طالب بس اللى عملو تقييم ..
الكورس التانى واخد "4.5 من 5" و حوالى 600 طالب عملوا تقييم. يبقى اختار الكورس ده وابدا بيه
شرح موقع يوديمي
ثالثا لازم تبص على محتوى الكورس قبل ما تحجزه وتشوف مناسب ليك ولمستواك ولا لا!

تعالوا نشوف اخر خطوه بقى وهى الثمرة لكل اللى فات ده

6- ازاى تحصل على شهادة من موقع يوديمي؟

بعد ما عملت حسابك على يوديمي مجانا وحجزت كورسات فى مجالك سواء مدفوعه أو مجانا
وبدأت تتعلم وحده وحده حتى لو كل يوم نص ساعه بس وخلصت الكورس تاخد الشهاده ازاى؟

هتدخل على كلمة " My courses " زى ما فى الصوره كده.
شرح موقع يوديمي
بعد كده هتختار من البحث الكورس اللى انت خلصتها زى ما فى الصوره .

هيظهرلك كل الكورسات اللى خلصت دراستها وامتحنت فيها أو لا على حسب نوع الكورس

وهنا تقدر تشوف كل الشهادات اللى اخدتها من موقع يوديمي عشان تتحفز اكتر لينك البوست على الفيس بوك

وطبعا تقدر تعمل تقييم للكورس بعد ما تخلصه وتتواصل مع المدرب كمان.

فى الصوره دى هتعرف ازاى تروح للشهاده نفسها عشان تطبعها .
هتروح على علامة الكأس دى، اللى مش بتظهر الا لما تخلص كل محتويات الكورس .
شرح موقع يوديمي

هتضغط عليها وهيظهرلك الشكل ده.
صوره الشهاده و اسمك عليها، وامضاء المدرب بتاعك، واسم موقع يوديمي.
هتروح على كلمه " Download " اضغط عليها و هتنزل الشهادة على الجهاز عندك وتقدر تطبعها.
أو تضغط على كلمة "Share" على صفحات التواصل الاجتماعى عندك زى "الفيس بوك".

شهادات يوديمي

هل شهادات يوديمي معتمدة؟

الإجابة باختصار اه معتمدة لو انت اتعلمت فعلا، ومش معتمدة لو أنت متطبقتش اللى اتعلمته واخدتها مجرد ورقة او مجرد فيديوهات شوفتها وخلاص! تقدر تعرف اكتر عن موضوع الشهادات الاونلاين وهل هى معتمدة ولا من هنا



وكده انت تقدر تتعلم اي مجال انت بتحبه من أحسن المتخصصين فى المجال ده مجانا تماما من بيتك وكده انت ملكش اى حجه.
شير لكل صحابك عشان كل الطلبه تتعلم اللى بتحبه وتعيش بشغف وحياتهم تتغير للاحسن.
لو عندك اى استفسار اكتبه في كومنت

ترشيحات أهم كورسات اون لاين علي موقع يوديمي

1- أحسن كورس في الانجليزي للمبتدئين:
رابط الكورس: http://bit.ly/2OGN6EB

2- أحسن كورس فى مجال ال life coaching
رابط الكورس: http://bit.ly/2Pu1hlL

3- أحسن كورس فى يؤهلك لامتحان الايلتس
رابط الكورس: http://bit.ly/2tLcqBK

4- أحسن كورس فى مجال البرمجة للمبتدئين:
رابط الكورس: http://bit.ly/2BkXH4X

5- أحسن كورس فى مجال ديجيتال ماركتنج:
رابط الكورس: http://bit.ly/2EJCnG6

6- أحسن كورس فى مجال التصميم الجرافيكي:
رابط الكورس: http://bit.ly/2FADuYd

7- أحسن كورس فى ادارة الأعمال "MBA"
رابط الكورس: http://bit.ly/2BiqAif

8- أحسن كورس يخليك برنس فى برنامج الاكسيل:
رابط الكورس: http://bit.ly/2FyOsBW

9- أحسن كورس يخليك برنس فى اعلانات الفيس بوك:
رابط الكورس: http://bit.ly/2TtZmfe

10- أحسن كورس فى مجال الرسم: 
رابط الكورس: http://bit.ly/2QfeIWg

author-img
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات

17 تعليقًا
إرسال تعليق
  1. هل الشهادة دي بتكون معتمدة لو مثلا قدمت في شغل او كدا

    ردحذف
    الردود
    1. الكورسات الاونلاين بشكل عام، اتعملت عشان تزود مهاراتك وتعلمك اى حاجة انت معرفتش تتعلمها فى الدراسة التقليدية ، و الشهادة بتكون عامل محفز ليك عشان تحس بالفخر و الانجاز ..

      اغلب الطلبة دلوقتى بتدور على الكورسات الاونلاين مش عشان يتعلمو ويكتسبو مهارات جديدة، لا ، ده عشان يحطهوها فى ال cv ويكون شكله حلو ومليان شهادات ! بس للاسف مش مدركين خطورة الموضوع ده وانه كل الشهادات ده لو كانت من غير فهم هتفقد مصداقيتهم فى اى وظيفة يقدمو فيها وبدون تفكير مفيش مكان هيقبلهم لانهم ببساطة كدابين ومخادعين ..

      نبسط الامور اكتر:
      ده هريدى، عرف الكورسات الاونلاين، فضل قاعد يتفرج على الفيديوهات عشان يخلص الكورس وياخد الشهادة ويقدم فى الوظيفة اللى بيحلم بيها، خد الشهادة وراح الانترفيو، عرض الشهادات عليهم، فرحوا جدا بيه، وبعد ما سالوه فى المجال اتضح انه لا يفقه شئ، واصبحت شهادته دى حجة عليه واتطرد من الانترفيو وللاسف الشهادة كانت سبب فى كده !

      اما ده بقى "همام" أدرك ان ناقصه مهارات كتير، لجأ للكورسات الاونلاين فضل يتعلم ويطبق ومكنش حاطط فى باله الشهادة، راح انترفيو سالوه فى المجال جاوب على كل كبيرة وصغيرة واشتغل معاهم من غير ما يوريهم شهادات ولا غيره ..

      الشهادات هتكون مفيدة لو انت قادر تدافع عنها بعلمك وخبرتك وانك تثبت انك فاهم جدا كل مجال اخدت فيه شهادة ، غير كدة الشهادة هتكون حجة عليك وهتكون نهايتك زى هريدى !

      التعلم اونلاين مع التطبيق بيثبت انك شخص بيعرف يعلم نفسه بنفسه، بيعرف يستخدم ادوات التكنولوجيا صح, بيعرف يلزم نفسه ويحفز نفسه ويكمل للاخر .. الشهادات حلوة ومفسدة وكل حاجة بس لما تكون انت الشهادة مش مجرد ورقة لا تثبت اى شئ على الاطلاق ..

      #دور_على_العلم_مش_الشهادة
      #خليك_شهادة_نفسك
      #كنز_التعلم_ألذاتى

      حذف
  2. عم يطلعلي Content Unavailable بأول خطوة وين المشكلة؟

    ردحذف
    الردود
    1. الرسالة دى بتظهرلك فين تحديد؟
      اذا سمحتى ممكن سكرين شوت عشان نفهم المشكلة ونحلها

      حذف
    2. ممكن رابط الموقع بسرعة

      حذف
  3. لو سمحت حضرتك انا دخلت ع يوديمى كذا مره وف الفلتر مش جايب ال Price يعنى مش عارفه اوصل للكورسات ال free ارجو المساعده :(

    ردحذف
    الردود
    1. متفتحش من التطبيق بتاعهم وافتح من اى متصفح

      حذف
  4. لو سمحت الرابط أبدا ما عم يفتح معي بضل يحطلي error شو المشكلة؟؟

    ردحذف
  5. لو سمحت ازاى اقدر ادفع ، مش فاهم طرق الدفع دى اواى لو انا مش عاندى كارد اعمل اى ؟

    ردحذف
    الردود
    1. تقدر تستخدم اى فيزا بتقبل الدفع عن طريق الانترنت، زى فيزا المصرف المتحد او البنك الاهلى.
      لو مش معاك فيزا كلمنا على صفحة نادى القراءة العملية
      https://www.facebook.com/Readingclub.eg/

      حذف
  6. انا عايزه اعرف اطلب دعم ازاى لكورس معين

    ردحذف
    الردود
    1. يوديمي مش عليه دعم مالى بس فى نظام الكوبونات

      حذف
  7. السلام عليكم انا سجلت على الموقع وعرفت حضرتك عن طريق صفحه صنايعي حسابات وسجلت في الكورسات الفري بس مش عارفه المفروض تظهر فين في حسابي ع يوديمي وكمان من فضلك كنت محتاجه كورس انجليزي وكورس رسم للمبتدئين شكرا جدا ليك ولذوقك

    ردحذف
  8. هتدخلى على حسابك وبعدين كلمة my courses
    كورسات الرسم هتلاقيها هنا
    https://www.prceg.com/2018/05/how-to-draw.html

    ردحذف
  9. هو انا لسه مبدا ومش عارف ابدا باي وحجزت كورسات كتير مجاني بس مشتت جدا فلو عند حضرتك نصيحه ليا يبقا شكرا جدا

    ردحذف

إرسال تعليق