-->

كورسات كتابة محتوى مجانية - دليلك الشامل لاحتراف كتابة المحتوى!

ازاى تبقي كاتب محتوى وتبدأ فى العمل الحر ومصادر للبدء

الكتابة من الحاجات اللي بتمارسها في أي وقت وأي مكان.
ولما هتشتغل في العمل الحر أو freelancer فالوضع مش هيفرق كتير،
وعشان تعرف يعني ايه freelancer بالظبط لازم تقرأ المقال دا


أنت دلوقت عايز تشتغل كاتب حر، فكل اللي عليك تكتب والناس تدفعلك مقابل كتابتك. 

سهلة مش كدا؟

هي حقيقي تبان سهلة بس قرر إنك تبدأ النهاردة مش هتعرف منين ولا ازاي!

قبل أي سؤال اوعى تكون مسألتش نفسك ليه عايز تكون كاتب حر من الأساس؟
 
لأن التخطيط أول خطوة لنجاحك.

بس متقلقش هتعرف اجابة لسؤال دا هو وكل أسئلتك.


5 أسباب تخليك تشتغل كاتب محتوي حر


  1. إنك تكسب فلوس
  2. هتزود دخلك الأساسي
  3. وقتك ملكك
  4. هتتعلم حاجات جديدة
  5.  يبقى عندك بديل في الأزمات

• تكسب فلوس


لو افترضنا إنك بتفكر في العمل الحر عشان فاكر إنه بيجيب فلوس كتير 
فأول سؤال هيجي في بالك هو هسكب كام؟ صح؟ 
والإجابة الواقعية هي مفيش حاجة معينة تقدر تقول هتكيب فلوس قد ايه.


أنا عارف إن الإجابة شكلها مش مرضي في الأول بس اللي هيرضيك في الموضوع إنك
كل ما يكون عندك خبرة وسوابق أعمال كتير كل ما تكسب أكتر.

والخبر الحلو إن بشطارتك تكسب قد اللي خبرته أكبر منك، كل ما تقبت نفسك وتشتغل عليها،
تكسب زي ما أنت عايز، أعتقد مفيش حاجة مرضية أكتر من كدا!

طب تعرف إن كُتاب الإعلانات أو copywriters بيكسبوا أكتر من غيرهم في الكتابة عموما،
وكل كاتب حر عنه فرصة -بعد وقت من بدايته- إنه يختار المواضيع اللي عملائها بيدفعوا زيادة،
ساعتها هيبقى عندك نظرة تعرف ايه هيعود عليك بإنك تكسب فلوس عن التاني.

• تزود دخلك الأساسي


لو افترضنا إنك بتقرأ المقال وأنت عندك شغل أساسي ومش هدفك أصلا تشتغل في العمل الحر
بس عايز حاجة تزود دخلك أو بتدرس ومش فاضي أوي، فلازم تعرف إن دي أحسن فرصة ليك.

مع شويه تنظيم للوقت، وتحدد عدد ساعات معينة في الأسبوع تشتغل فيهم،
شغلانتك ككاتب حر متاحة للمرتب اللي بيخلص بسرعة.

• وقتك ملكك


ميزة ال freelancer إن يبقى وقتك مرن بعيد عن ياعات الشغل المحددة،
وإنذار التأخير وال Hr ما بيصدق يخصملك عليه، ولا عندك مدير متسلط.
أنت اللي بتدير نفسك وشغلك من الألف للياء.

محدش مهتم أنت بتشتغل بالليل والناس نايمة ولا الصبح مع فنجان القهوة،
ما دام بتخلص شغلك في ميعاده، وبشطارة زي ما اتفقنا.

• تتعلم حاجات جديدة


بعض كتاب الإعلانات بيفضلوا فكرة الوكالة الإعلانية على إنهم يشتغلوا لشركة واحدة ويسوقوا لها.
دا بيوفر لهم تعلم حاجات ميعرفوش عنها كتير،
بيبحثوا كتير عن المنتج والناس اللي بتستعملوا عشان يوصلوا للجمهور الصح.

وشغل الكاتب الحر مش هيختلف عن دا، لما هيتطلب تكتب في مجال معين وتكون عارف عنه كويس.
مع كل مجال هتكتب فيه هتتعرف على ناس تساعدك لما تحتاج،
وبشطارتك تكسبهم كعملاء يطلبوك أول ما يحتاجوا شغل ويرشحوك تشتغل مع ناس تانية.

• يبقى عندك بديل في الأزمات


الشغل عن طريق الانترنت بقى من أضمن وسايل الربح،
ومعظم الناس بقت متقدرش تخلص شغلها غير من عليه أيا كانت الوظيفة،
الكلام دا موجود من زمان لكن مكنش بديهي قبل سنة ٢٠٢٠.

الأزمات العالمية خسرت ناس شغلهم، وغيرت من تفكيرهم وسلوكهم بدل ما كان الناس
مبتخلصش شغلها إلا من مكتبها بقى فيه حل بديل عشان يواكبوا أي أزمات تحصل. 

خلي عندك بعد نظر إن ممكن تمر بأزمات تانية أو الشركة اللي أنت فيها يبقى فيها مشكلة دونا عن
الشركات التانية وتستغنى عن خدماتك.

وأنت كاتب حر هتبقى حر من كل حاجة حتى من خوفك من البحث عن بديل في الأزمات.


حددت أنت عايز ايه من الاسباب دي؟ بس استنى لسه دول مش كل حاجة.. لسه فى اسئلة تاني

أسئلة هتسألها لنفسك قبل ما تبدأ فى كتابة المحتوى كـ فري لانسر:

هل الفلوس اللي هحققها هتزيد مع الوقت؟

أنت مدير نفسك فاكر؟ 

فممكن التخطيط في الأول ميكونش زي الواقع، ممكن يجي عليك شهر متكسبس زي اللي قبله،

وفي أول سنة تحديدا هتقابلك تحديات، بس متقلقش. طول ما أنت:
 
  • بتدير وقتك 
  • بتطور مهاراتك 
  • عامل حساب كل حاجة.  

طبعا هتقدر مع الوقت تتحكم في الزيادة والنقصان.

ازاي أضمن إن العميل يفع لي المتفقين عليه؟

بص يا سيدي، أهم حاجة تختار طريقة الدفع الأسهل لك سواء عن طريق شيك،
حسابك في paypal أو credit card وتفضل تتعامل بنفس الطريقة من أول عميل تتعامل معاه
ولو مش عارف ازاي تجيب أول عميل ليك لازم تعدي تقرأ المقال دا: اضغط هنا

وزي ما أنت شاطر في شغلك وبتخلصه في وقته يبقى وقت الحساب تكون شاطر بردو،
تفكر دايما عميلك بإيميلات أو مكالمات.

ايه أكبر مشكلة هتواجهني لما أشتغل كاتب حر؟

أي كاتب مُعرض إن أفكاره تخلص. بس دا مبيبقاش حقيقي رغم إنك هتحس بكدا.

 أو إنك تكتب في نفس الموضوع أكتر من مرة يقوم التكرار يزهقك. 
 
 المهم ازاي تتعامل مع نفسك وقتها، تدي نفسك مساحة تفضي دماغك من الشغل وتعمل أي نشاط يبسطك،
وتشوف حاجات تقدر تديلك وحي بأي فكرة، فيلم، قصة، 
أي حاجة تقدر تغير بيها أسلوبك وتكتب في نفس الموضوع بس بطريقة مختلفة ومميزة.

لو أنا شخص الاجتماعي أقدر يكون كاتب حر؟

أي حد يقدر يكون freelancer بس يكون عنه استعداد يقعد لوحده بالساعات
ويقفل على نفسه وقدامه اللاب بتاعه عشان يجمع أفكاره،

ودا مش بيحتاج بس شخص انطوائي لإنك لما تخلص شغلك
هتمارس حياتك عادي بس بيحتاج شخص ملتزم وعنده إرادة.

5 نصايح للمبتدئين في مجال كتابة المحتوى


• أكتب لنفسك


أكتب كإنك أنت اللي هتقرأ كلامك، لو أنت مكان القارئ هتكمل ولا لأ؟
لو مش هتكمل يبقى فيه مشكلة. 

متخليش نفسك قصير لو فيه مشكلة حلها وأكتب تاني وتالت.
انسى الكتابة النمطية اللي اتعلمتها في المدرسة، ابدأ خد كورسات عملية تنفذ معاها خطوة بخطوة.

وهنرشحلك كورسات في آخر المقال.

• اتعلم تحرير/تعديل


متكتفيش لما تلاقي نفسك كاتب شاطر، لا طور مهاراتك طول الوقت. 

وظيفة المحرر مبتقلش أهمية عن الكاتب، غير إنها مطلوبة في مجال العمل،
واللي هيخليك تزود دخلك زي ما أنت عايز.

• استفيد من مواقع التواصل الاجتماعي


في أول خطواتك ناحية الكتابة، ابدأ تقول رأيك في موضوع على facebook،
ولو هتكتب في مجال عمل يبقى مكانك على linkedin، شوف تعليقات الناس عليك واستفيد منها.

• اقرأ على قد ما تقدر


مش هكلمك بقى عن أهمية القراءة لكل الناس وللكتاب خصوصا، لكن اتعلم تقرأ في ايه ولمين.
اقرأ في مجالك وفي أكتر مجالات مهمة في الوقت اللي احنا فيه.

وعشان تكسر حتة إن معظمنا مبقاش بيقرأ دلوقت.
خصص وقت معين تقرأ فيه سواء كتب عربي أو أي لغة بتكتب بيها، عشان يساعدك تلتزم.


5 أدوات اساسية فى كتابة المحتوى



  • أداة Google Documents فهي الطريقة الأفضل في الكتابة أونلاين وحفظ الملفات الخاصة بك، كما أنها مجانية أيضاً.
  • أداة Google Analytics لتحليل النتائج: حتى تُقيم تفاعل الجمهور مع المحتوى الخاص بك ومدى انتشاره، ثم تستخدم هذه النتائج في التحسين والتعديل.
  • أداة  Linkedin Analytics لتحليل النتائج على منصة لينكد إن.
  • أداة Buzzsumo لمعرفة أفضل المقالات والموضوعات الأكثر انتشاراً وتفاعلاً على الويب في أغلب المجالات.
  • أداة Headline Analyzer والتي تساعدك على تحليل العناوين وكتابتها بشكل احترافي.


جاهز تبقى كاتب محتوى وتبدأ فى العمل الحر؟


بما إنك وصلت هنا فأحب أهنيك على إنك هتبدأ شغلك الجديد، بعد ما  تنفذ كل اللي عرفته.
وعشان تبدأ بداية صح احنا مش هنسيبك تدور كتير، هنرشح لك أهم الكورسات عشان تتعلم تكون كاتب.

كورسات كتابة محتوى مجانية لجميع المستويات

الكورسات اللى هنشرحهالك فى الفقرة دى اختارناها بعناية وتعتبر مسار تعليمي ليك في بداية رحتلك،
كل اللى عليك تحجز فى الكورس المناسب ليك وتبدأ تتعلم من افضل المصادر

1- أول حاجة المفروض تبدأ بيها هو ازاي تكتب مقال من البداية،
ودا تخصص كامل عن الكتابة الابداعية لواحد من أهم المواقع التعليمية Coursera  : 

  • اسم التخصص: Creative Writing Specialization
  • لينك الكورس:  https://imp.i384100.net/a1z4gR
  • سعر الكورس: مجانا وتقدر تحصل الشهادة من خلال الدعم المالى من هنا

2- وده كورس ممتاز جدا من منصة زي Udemy ومجاني بردو


3- من أحسن المواقع اللي بتعلمك ازاي تكتب محتوى أياً كان نوعه هو Hubspot والاحلى من كدا انه بيقدم كل دا ببلاش


لو عايز تعرف طريقة التسجيل على موقع Hubspot شوف المقال ده: اضغط هنا

4- لو عندك الامكانية تشتري كورساتك، فالكورس دا هيكون مفيد ليك عشان تقدر تبيع من خلال المحتوى اللي بتقدمه


5- كورسات Udemy رشحتهم لك فوق هيبقوا أسهل كتير لما تترجمهم للعربي، عشان تعرف ازاي، 
اتفرج على الفيديو دا


6- كنا اتفقنا انك تطور نفسك في التعديل وعشان تعمل كدا لازم تعرف الأخطاء الاملائية كويس


أما بقى لو بتكتب انجليزي وبتخاف من الأخطاء في القواعد أو الاملاء بردو، 

دلوقت دور مهمتك أنت، ابدأ دلوقت عشان في أقرب وقت تكون كاتب محتوي، 
وعرفنا فى الكومنتات هتبدأ تكتب في مجال ايه؟