القائمة الرئيسية

الصفحات

موقع Skillshare: اكتر من 27000 كورس مجانا فى مختلف المجالات لمدة شهرين

كورسات مجانا - سكيل شير

مع كثرة المواقع اللى بتقدم كورسات اون لاين، ومع زيادة انتشارها فى وطننا العربى فى الوقت الحالى، ممكن تحس بتوهان من كثرة المصادر والمواقع، 

بس النهاردة هقدملك واحد من أقوى مواقع الكورسات الاونلاين، موقع سكيل شير، وهعرفك كل حاجة عن الموقع ومميزاته، والأهم من كل ده هو ازاى تحصل على كل الكورسات اللى عليه مجانا لمدة شهرين.

ما هو موقع Skillshare؟

موقع سكيل شير - skillshare من افضل المواقع اللى بتقدم كورسات اون لاين وده لانه بيعلمك الـ (internet skills) يعني مهارات تقدر تتعلمها وتشتغل فيها اونلاين بدون شهادة!

الموقع عليه كورسات فى مجالات ومهارات كتير لو اتعلمت اى مهارة منهم تقدر تشتغل فري لانسر وتقبض بالدولار.


مميزات موقع سكيل شير:

  • سهولة الاستخدام: هتلاقي الموقع مُقسم ل أقسام فقط وهم (Create - Build - Thrive) ودى ميزة انك مش بتوه فى الموقع.
  • جودة المحتوى: سواء من ناحية الانتاج وطريقة العرض، أو من ناحية المحتوى نفسه لان اللى بيقدم الكورسات بيكون خبراء ومحترفين فى المجالات دي، وعن تجربة شخصية من افضل المواقع اللى بتعلم منها هو سكيل شير.
  • التطبيق: بمعنى ان الكورسات عليه بتكون بشكل عملى وتفاعلي، وبيكون فيه projects في اخر كل كورس عشان تطبق اللى اتعلمته وتشاركه مع المدرب وتاخد فيدباك منه، وتقدر تتواصل مع المدربين والطلبة فى اي وقت.

  • السعر: ودى يمكن من افضل المزايا، لان الموقع نظامه مختلف عن باقي المواقع، وده لانه باشتراك شهري، بمعنى انك بتحصل على كل الكورسات اول ما بتدفع الاشتراك الشهري، مش بتاخد كورس واحد فقط، لأ كل الكورسات اللى على الموقع حرفيا.

    زى موقع نت فيلكس او شاهد. الاشتراك الشهري بيكون حوالى 15 دولار فقط (متشلش هم فى اخر المقال هقولك ازاى تاخد شهرين مجانا).

طريقة الحصول على شهرين مجانا من موقع سكيل شير (اكتر من 27000 مجانا فى كل المجالات)

ركز معايا فى الخطوات اللى جايه عشان تعرف ازاى تحصل على حساب مدفوع على سكيل شير مجانا لمدة شهرين.

1- هتدخل على الموقع من الرابط اللى عليه العرض ده: https://skl.sh/3fkb0Dh
هيجيلك الصورة دى وفيها عرض (شهرين مجانا على الموقع) هتدوس على جملة Sign up to start learning
سكيل شير مجانا

ملحوظة: لو دخلت على الموقع مباشر هيجيلك 14 يوم فقط، لذلك ادخل من اللينك اللى عليه العرض عشان تاخد شهرين مجانا.

2- بعدها هتعمل حساب وهتدخل بيانات (اسمك والايميل بتاعك وتعمل باسور قوي وتحفظه كويس)

3- دى أهم خطوة فى الموضوع كله، ومن غيرها مش هتقدر تحصل على العرض. ركز معايا..
في الخطة دى بتدخل بيانات الكريدت كارد او الفيزا او حساب الباي بال بتاعك (متقلقش مش هيتاخد منك ولا مليم)

زى ما انت شايف تحت جملة Start your free 2 months
هتلاقي الجملة الجميلة اللى تهمنا دى (No commitments. Cancel anytime.)

بمعنى مش عليك اى التزامات وتقدر تلغي حسابك او تشيل الكريدت كارد بتاعتك فى اى وقت ومش ملزم بأي حاجة.


شهرين مجانا من سكيل شير

وأهم حاجة تركز عليها بعد ما تدخل بيانات الفيزا بتاعتك، هى اجابة سؤال (Pick a plan to start after your trial)

وهنا بيسالك ايه نظام الدفع اللى تحب تمشي عليه بعد ما ينتهى الشهرين، اختار نظام الدفع الشهري عشان لو نسيت تلغي حسابك بعد الشهرين ما يخلصوا ما يسحبوش منك غير 15 دولار.

(عشان ده ما يحصلش، فى اليوم اللى تسجل فيه، اعمل reminder على موبايلك بمعاد انتهاء الشهرين وادخل الغي حسابك قبلها بيوم لو مش حابب تكمل).

4- بعد ما بتدخل بياناتك وتعمل كل الخطوات اللى قولتلك عليها فوق، هتيجي لآخر خطوة .
زى ما انت شايف فى الصورة، السعر النهائي هو 0.00 يعني مجانا تماما لمدة شهرين
كورسات سكيل شير مجانا

وبكدة أقولك مبروك بقي معاك اكتر من 27 ألف كورس فى أقوي مجالات العمل الحر وسوق العمل بشكل مجاني، تقدر تتعلم منهم اللى يعجبك وتزود مهاراتك وتبدأ حياتك المهنية على نضافة.

ايه المهارت اللى ممكن تتعلمها من سكيل شير وتشتغل بيها فري لانسر؟

يكون عندك مهارات تقدر تشتغلها من خلال النت، ودى بسميها (Internet skills)

والمهارات دى كتيرة جدا جدا، وكل ما كان عندك مهارات اكتر، كل ما قدرت توصل "لحرية المكان" بشكل أسرع..


وأول خطوة فى الطريق ده هى "التعلُم" يعنى انك تتعلم المهارات دى، وزى ما بيقول (Brian Tracy) ان كل المهارات قابلة للتعلم "all skills are learnable"

ودى أهم المهارات والمجالات اللى تقدر تتعلمها:
  1. الجرافيك ديزين والفوتوشوب (هتلاقي هنا خطة تعليمية من موقع سكيل شير للمجال ده - اضغط هنا)
  2. المونتاج وعمل الفيديوهات
  3. الكتابة والتدوين
  4. التصوير
  5. البرمجة 
  6. التسويق الالكترونى بكافة فروعه
  7. تعلم الانيميشن
وغيرهم تانى كتييييير، هتلاقي كورسات بجودة عاليه فى كل المجالات دى على موقع سكيل شير،

ولو حابب تتعلم اى مجال او مهارة منهم ومش عارف تختار كورسات مناسبة من الموقع،
عرفنى اسم المجال فى الكومنتات وهرشحلك اهم الكورسات اللى تفيدك.

بالتوفيق
author-img
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات

4 تعليقات
إرسال تعليق
  1. مرحباً ، ماعندي ولا كارت دفع ؟ مايمكن آخذ الكورس!؟

    ردحذف
    الردود
    1. مرحبا، للأسف لازم وجود فيزا او ماستر كارد، انصحك تشوفي اى حد من معارفك عنده حاجة منهم او حتى حساب على PayPal

      حذف
    2. سلام عليكم عاوزه كورس copy writing

      حذف
    3. عليكم السلام، متاح كورسات كتير على الموقع فى التخصص ده

      حذف

إرسال تعليق