القائمة الرئيسية

الصفحات

أفضل مواقع كورسات اون لاين تعلمك أي مجال مجانا!

كورسات اون لاين مجانا
في المقالة دي هتعرف ازاي تتعلم مهارة جديدة من الصفر للاحتراف وتتخصص فيها من مواقع بتقدم كورسات اون لاين
تقدر بعد كده تشتغل بالمهارة دي سواء في شركة أو من خلال مواقع العمل الحر "الفريلانسر" وهكذا.

يعني ايه كورسات اون لاين؟

بداية MOOC ده اختصار: Massive Open Online courses.
كورسات اون لاين يعني مادة معينة بيتم شرحها، وتعلمها عبر الانترنت. التعلم من الانترنت بيفتحلك الفرصة تتعلم أى مجال بتحبه من أى مدرس - خبير -  أو جامعة، من غير ما تخرج من بيتك أو تسافر!

والمادة العلمية بتكون متاحة ليك اونلاين بردو، وبتكون فى شكل "كتاب الكترونى - PDF - eBooks" - أو فى شكل فيديوهات - حلقات صوتية - مناقشات بينك وبين الطلبة أو دكتور المادة.


الفرق بين كورسات اون لاين والكورسات التقليدية؟

مميزات الكورسات الاون لاين كتيرة جدا منها: 
  • انت اللى بتختار المنصة أو الموقع اللى تتعلم عليه.
  • المحاضر اللى يشرح لك ويعلمك.
  • الوقت المناسب ليك للتعلم.
  • المستوى اللى تبدأ منه.
  • انت اللى بتصمم البيئة التعليمية بتاعتك.
كورسات اون لاين
انفوجراف يوضح الفرق بين الكورسات الاونلاين و الكورسات التقليدية.

زى ما شوفت فى الانفوجراف اللى فات، الفرق بين الكورسات الاونلاين و الكورسات التقليدية، دلوقتى انت قادر تتعلم اى مجال نفسك فيه مهما كان سنك او مجال دراستك، يعنى كل اللى عليك تحدد المجالات اللى هتتميز فيها وتبدأ تتعلم من بيتك. 


ما يميز مواقع الكورسات الاونلاين دي انها بتكون عاملة مسار تعليمي (Learning Paths) لكل تخصص ياخدك من الصفر للإحتراف.

أفضل مواقع كورسات أون لاين عالمية

1- موقع ليندا - Lynda:

موقع ليندا "Lynda" هو واحد من أحسن المواقع اللى بتقدم كورسات اونلاين فى مجالات كتير سوق العمل محتاجها.
وما يميز موقع ليندا "lynda" هو نظام "المسارات التعليمية" "Learning Path" بمعنى انه بيخليك تتعلم المجال اللى انت اختارته بشكل منظم يبدأ معك من الصفر لحد ما تحترف المجال او المهارة اللى حابب تتعلمها.

بعد ما تدخل على الموقع بتنزل تحت لحد، وتختار التخصص اللي يعجبك بتلاقي مسار كامل خاص بالتخصص ده بتبدأ فيه.

وعلى الرغم من إن ليندا موقع محتواه حلو جدًا لكن مش متاح كله بشكل مجاني فعشان تحصل عليه لازم تدفع فلوس او تعمل اكونت فى اى مكتبة من الدول الأجنبية ولما بتعمل عضوية بتقدر تحصل على كل الكورسات بشكل مجانى تمامًا.

علشان تعرف إزاي تعمل عضويه اضغط هنا واعمل نفس الخطوات اللي مكتوبة.

2- موقع كورسيرا - Coursera:

موقع كورسيرا عامل حاجة مختلفة اسمها Specializations ودي معناها التخصصات فـ إنت بتختار المجال اللي عايزه من السيرش أو من Explore، بعد ما تختار المجال اللي عايزه بتروح على شريط الـ Filter by وتعمل الخطوات اللي في الفيديو.



1- تختار Specializations من Type
2- تختار الـ skills أو المجال اللي عايز تتخصص فيه، وبتختار اللغة والمستوى لو حابب.
3- تدوس على Apply
بيدخلك على قائمة فيها كورسات في التخصص اللي اخترته بتختار المناسب ليك وتبدأ فيه.

هنا شرح كامل لموقع كورسيرا كما لم تعرفه من قبل:

ولو عايز تعرف إزاي تاخد الكورسات من كورسيرا مجانًا وتقدم على الدعم المالي


3- موقع edX

ايديكس (بالإنجليزية : edX) هو موقع كورسات اون لاين مجانى على الانترنت. وقد قام بإنشائه معهد ماساتشوستس للتقنية بالتعاون مع جامعة هارفارد في مايو 2012 بغرض عرض محاضرات تعليمية على المستوى الجامعي في حقول عديدة من العلوم منها الهندسة والفيزياء والكيمياء وغيرها ونشرها في جميع أنحاء العالم باللغة الإنجليزية، وقد أضيفت لغات اخرى لاحقا.

الاشتراك فيها مجاني وهي تعمل على التوفيق بين التدريس والبحث العلمي. يستخدم إيديكس حاليا نحو 3و1 مليون طالب وطالبة من مختلف بلدان العالم.


4- موقع يوديمي

موقع يوديمي هو أكبر موقع كورسات اون لاين فى الوقت الحالى من حيث عدد الكورسات، وعدد الطلاب أيضا.
هتلاقي على موقع يوديمي كورسات مجانية ومدفوعة عن كل شئ تقريبا.

شرح شامل لموقع يوديمي فى هذا الفيديو


5- موقع أليسون-Alison:

بعد ماتدخل على الموقع بتفتح Courses بيظهرلك شريط بتختار منها Learning Paths.
يقدم تجربة استخدام رائعة للغاية، خصوصاً في الأسئلة والاختبارات الخاصة بكل كورس.
يمكنك التسجيل ومتابعة أي كورس تريد في أي وقت، لأن الكورسات ليست مرتبطة بوقت معين.
ولو عايز تعرف أكتر عن موقع أليسون اضغط هنا

أفضل مواقع كورسات أون لاين العربية

موقع ادراك:

لنبدأ مع "منصة ادراك"  أفضل منصة عربية للتعليم الذاتي مع مليون متابع ومتعلم عليها. تم تدشين هذه المنصة بمبادرة من مؤسسة الملكة رانيا للتعليم والتنمية. تم إنشاء المنصة بالشراكة مع "اد اكس"، وهي مؤسسة مشتركة بين جامعتي هارفرد ومعهد ماسشوستس للتكنولوجيا، ومختصة في هذا المجال. يمكنك أن تجد عدة مساقات قد تهمك مثل التصميم والتسويق.

موقع المنتور .نت: 

موقع المنتور من أقوى المواقع اللى أصبحت موجودة على الساحة فى مجال الـ Online learning.
الموقع شبيه شوية لموقع ليندا، لأنك بتتعلم من أحسن الخبراء فى أغلب المجالات الموجودة على الموقع.

الموقع للأسف مش مجانى، ولكن سعر الكورسات فيه رخيصة، مقارنة بالمحتوى والمدربين، ولو هتاخد نفس الكورس بنفس المحتوى أوفلاين، هتدفع فيه مبلغ اكبر بكتير من اللى موجود على الموقع.

تصفح الموقع من هنا: https://www.almentor.net/ar/home

موقع رواق:

منصة رواق تطرح مساقات أكاديمية في مختلف المجالات كالدينية والتاريخية والعلمية.
يقدمها أكاديميون متميزون من مختلف أرجاء العالم العربي، ومتحمسون لتوسيع دائرة المستفيدين من مخزونهم العلمي والمعرفي المتخصص؛ حيث يسعون لإيصاله لمن هم خارج أسوار الجامعات.

سواءً كنت طالباً جامعياً يسعى لتنمية معرفته في مجال تخصصه، أو موظفاً مشغولاً، ولكن لديه فضول الاستكشاف المعرفي في تخصص ما، أو كنت إنساناً يستمتع بالتعلم والاستزادة المعرفية لذاتها، فبإمكانك الالتحاق بالمادة المثيرة لاهتمامك ومتابعة محاضراتها أسبوعياً، والتفاعل مع المحاضرين وزملاء الدراسة أينما كنت وفي الوقت الذي يناسبك..

تحصل على كل ذلك مجاناً عبر رواق.

ويمكنك بدء الدراسة على منصة رواق: من خلال هذا الرابط

ترشيحات لأهم كورسات اون لاين مجانية تبدأ بيها


  1. كورس icdl كامل ومجاني بشهادة معتمدة من إدراك - تعلم الآن مجانا من هنا!
  2. تعلم الاكسل من الصفر للاحترف - اضغط هنا
  3. كورسات محاسبة مجانية لكل الفرق وفى جميع التخصصات: من هنا
  4. تخصص مهارات النجاح وتطوير الذات - اضغط هنا
  5. تخصص الإبداع في العمل - اضغط هنا
  6. محاور النجاح الستة - اضغط هنا
  7. من فكرة الى شركة: مقدمة في ريادة الأعمال - اضغط هنا
  8. سلسلة تعلم الإنجليزية: مهارات المحادثة للمبتدئين - اضغط هنا للحجز مجانا
  9. كورس تسويق الكترونى مجانى على موقع ادراك بشهادة - احجز من هنا!
  10. أساسيات الحاسوب -  احجز الان من هنا
  11. عمل بذكاءً، وليس بصعوبة (Work Smarter, Not Harder) - احجز من هنا
  12. كورس  تعلم كيف تتعلم (Learning How to Learn) - احجز من هنا
  13.  كورسات مجانية فى مهارات التواصل والتدريس ومخاطبة الجمهور - احجز من هنا
وفى الختام أخبرنا بالموقع الذي ستبدأ به، والمجال الذي تريد تعلمه، نتمنى لكم التوفيق

Mariam Muhammed
Mariam Muhammed
مصممة جرافيك ومهتمة بكل ما يخص التعلم الذاتي والكورسات الأونلاين، مؤمنة برسالة نادي القراءة العملية

تعليقات

6 تعليقات
إرسال تعليق

إرسال تعليق