‎ بوابتك للتعلم الذاتى

أفضل 3 مواقع كورسات اون لاين تعلمك أي مجال من الصفر للإحتراف!

أفضل 3 مواقع كورسات اون لاين تعلمك أي مجال من الصفر للإحتراف!
يحتوي هذا الموضوع على:
    مواقع كورسات اون لاين
    في المقالة دي هتعرف ازاي تتعلم مهارة جديدة من الصفر للاحتراف وتتخصص فيها من مواقع الكورسات الاون لاين تقدر بعد كده تشتغل بالمهارة دي سواء في شركة أو من خلال مواقع العمل الحر "الفريلانسر" وهكذا.

    يعني ايه كورسات اون لاين (MOOCs)؟ 

    بداية MOOC ده اختصار: Massive Open Online courses.
    كورسات اون لاين يعني مادة معينة بيتم شرحها، وتعلمها عبر الانترنت. التعلم من الانترنت بيفتحلك الفرصة تتعلم أى مجال بتحبه من أى مدرس - خبير -  أو جامعة، من غير ما تخرج من بيتك أو تسافر!

    والمادة العلمية بتكون متاحة ليك اونلاين بردو، وبتكون فى شكل "كتاب الكترونى - PDF - eBooks" - أو فى شكل فيديوهات - حلقات صوتية - مناقشات بينك وبين الطلبة أو دكتور المادة.

    2- الفرق بين كورسات اون لاين والكورسات التقليدية؟

    مميزات الكورسات الاون لاين كتيرة جدا منها: 
    • انت اللى بتختار المنصة أو الموقع اللى تتعلم عليه.
    • المحاضر اللى يشرحلك ويعلمك.
    • الوقت المناسب ليك للتعلم.
    • المستوي اللى تبدأ منه.
    • انت اللى بتصصم البيئة التعليمية بتاعتك.
    كورسات اون لاين
    انفوجراف يوضح الفرق بين الكورسات الاونلاين و الكورسات التقليدية.

    زى ما شوفت فى الانفوجراف اللى فات، الفرق بين الكورسات الاونلاين و الكورسات التقليدية، دلوقتى انت قادر تتعلم اى مجال نفسك فيه مهما كان سنك او مجال دراستك، يعنى كل اللى عليك تحدد المجالات اللى هتتميز فيها وتبدا تتعلم من بيتك. 

    اعرف اكتر عن الكورسات الاونلاين من الفيديو ده:

    ما يميز مواقع الكورسات الاونلاين دي انها بتكون عاملة مسار تعليمي (Learning Paths) لكل تخصص ياخدك من الصفر للإحتراف، واللي هم:
    •  lynda 
    • Coursera 
    • Alison 
    وهنبدأ نشرح كل موقع منهم.

    1- موقع ليندا - Lynda:

    موقع ليندا "Lynda" هو واحد من أحسن المواقع اللى بتقدم كورسات اونلاين فى مجالات كتير سوق العمل محتاجها.
    وما يميز موقع ليندا "lynda" هو نظام "المسارات التعليمية" "Learning Path" بمعنى انه بيخليك تتعلم المجال اللى انت اختارته بشكل منظم وبيبدء معاك من الصفر لحد ما تحترف المجال او المهارة اللى حابب تتعلمها.

    بعد ما تدخل على الموقع بتنزل تحت لحد ما تلاقي الجزء اللي في الصورة ده، وتختار التخصص اللي يعجبك بتلاقي مسار كامل خاص بالتخصص ده بتبدأ فيه.
    أفضل 3 مواقع كورسات اونلاين تعلمك أي مجال من الصفر للإحتراف!!

    وعلى الرغم من إن ليندا موقع محتواه حلو جدًا لكن مش متاح كله بشكل مجاني فعشان تحصل عليه لازم تدفع فلوس او تعمل اكونت فى اى مكتبة من الدول الأجنبية ولما بتعمل عضوية بتقدر تحصل على كل الكورسات بشكل مجانى تمامًا.

    علشان تعرف إزاي تعمل عضويه اضغط هنا واعمل نفس الخطوات اللي مكتوبة.


    وده فيديو هيسهل عليك الموضوع جدا.
    كيف تحصل على حساب مدفوع في موقع Lynda مجاناً 2018

    2- موقع كورسيرا - Coursera:

    موقع كورسيرا عامل حاجة مختلفة اسمها Specializations ودي معناها التخصصات فـ إنت بتختار المجال اللي عايزه من السيرش أو من Explore، بعد ما تختار المجال اللي عايزه بتروح على شريط الـ Filter by وتعمل الخطوات اللي في الفيديو.


    1- تختار Specializations من Type
    2- تختار الـ skills أو المجال اللي عايز تتخصص فيه، وبتختار اللغة والمستوى لو حابب.
    3- تدوس على Apply
    بيدخلك على قائمة فيها كورسات في التخصص اللي اخترته بتختار المناسب ليك وتبدأ فيه.

    هنا شرح كامل لموقع كورسيرا كما لم تعرفه من قبل:


    أفضل 3 مواقع كورسات اونلاين تعلمك أي مجال من الصفر للإحتراف!!

    ولو عايز تعرف إزاي تاخد الكورسات من كورسيرا مجانًا وتقدم على الدعم المالي اضغط هنا

    3- موقع أليسون-Alison:

    بعد ماتدخل على الموقع بتفتح Courses بيظهرلك شريط بتختار منه Learning Paths زي ما موضح في الصورة.
    ولو عايز تعرف أكتر عن موقع أليسون اضغط هنا

    أفضل 3 مواقع كورسات اونلاين تعلمك أي مجال من الصفر للإحتراف!!

    وده تطبيق عملي للي شرحناه في المقال

    3 مواقع كورسات اونلاين تخليك تتعلم اى مجال من الصفر للاحتراف - اتعلم واشتغل

    مقالات ذات صلة:

    إتأكد إننا بنبذل أقصى مجهود علشان نوفر محتوى يليق بيك، فنتمنى إنك تشارك المقال مع أصدقائك علشان توصل رسالتنا لأكبر عدد ممكن من الطلبة.

    Mariam Muhammed
    @مرسلة بواسطة
    مصممة جرافيك ومهتمة بكل ما يخص التعلم الذاتي والكورسات الأونلاين، مؤمنة برسالة نادي القراءة العملية
    1. اكيد اي حد هيدخل الموقع ه يستفيد جدا
      جزاكم الله خيرا

      ردحذف
    2. االلااللااللااللااللاا

      ردحذف