وفى المقالة دى هجاوبك على السؤال ده وهرشحلك أهم الكورسات اللى تبدأ بيها أيا كان مجالك وتطور من نفسك ومهاراتك بشكل مجانى تماماً.
الكورسات المرشحة فى المقالة دى كلها من موقع كورسيرا، واحد من أفضل وأكبر المنصات التعليمية الموجودة فى وقتنا الحالى.
لو متعرفش موقع كورسيرا روح اقرأ المقالة دى بتركيز وارجع هنا تانى:
شرح موقع كورسيرا بالعربي (بالصور والفيديو) - تعلم من أكبر جامعات العالم مجانا!
الكورس الأول: اعمل بذكاءً، وليس بصعوبة (Work Smarter, Not Harder)
لو بتعانى من تضييع الوقت، ونفسك تعرف ازاى تنتج أكتر فى وقت أقل، وتدير وقتك باحترافية، فالكورس ده هيفيدك جدا جدا.هتتعلم فى الكورس ازاى تنظم يومك وتعمل جدول يومي لنفسك، هتعرف ازاى تحل مشكلة التسويف والتأجيل (اللى أغلبنا بيعانى منها)، هتتعلم إدارة الموارد بشكل فعال، وازاى تحل المشاكل اللى بتواجهك فى يومك.
واتكلمنا اكتر عن الكورس ده فى الفيديو ده: اضغط هنا لمشاهدة الفيديو
الكورس مقدم من جامعة: University of California, Irvine
الكورس الثاني: تعلم كيف تتعلم (Learning How to Learn)
الكورس ده مصنف من افضل الكورسات الاونلاين فى العالم، تجاوز عدد طلابه حاجز المليون ونصف طالب من جميع انحاء العالم!
لأن من اسمه كده بيعلمك ازاى تتعلم بشكل صحيح بنصائح وخطوات عملية، ازاى عقلك بيشتغل، ازاى تتعامل مع التسويف والتأجيل، ازاى تفهم طرق التفكير، ازاى تفهم وتحفظ وتتعمق فى اى علم وكنوز تانى كتيير.
لازم تحجز فيه وتدرسه بتركيز جدا مهما كان مجالك او تخصصك او الحاجة اللى بتحاول تتعلمها!
الكورس كمان مترجم بالعربي يعنى ملكش أى حجة.
رابط الكورس: https://goo.gl/brJ0qN
الكورس الثالث: قواعد اللغة الإنجليزية وعلامات الترقيم (Grammar and Punctuation)
هتتعلم من خلال الكورس ده أساسيات قواعد اللغة الانجليزية، وعلامات الترقيم اللى هتحتاجها عشان تكتب جملة مظبوطة.كمان هتتعلم ازاى تحدد الأزمنة بشكل صحيح، وازاى تكتب جملة صحيحة من غير أخطاء.
إقرأ أيضاً: أفضل كورس انجليزى مجانى - Power English للمدرس رقم 1 فى العالم هتتكلم زى الأجانب!
وده هيفيدك جدا فى اى شغل بتعمله أو أى وظيفة هتقدم فيها، لأن الانجليزي أصبح أساسي في حياتنا اليومية.
رابط الكورس: اضغط هنا
الكورس الرابع التعلم والمعرفة (Learning, Knowledge, and Human Development)
الكورس بيساعدك تفهم نظريات التعلم والتطوير، وطرق التعامل مع الظروف العاطفية والاجتماعية، وتنمية الطلاب بشكل عام.
رابط الكورس: اضغط هنا
دول أفضل كورسات أساسية لكل طالب من وجهة نظرى، المقالة هتتحدث كل فترة وهيتم اضافة كورسات تانى أساسية ليك، تساعدك تطور من نفسك ومن مهاراتك أكتر واكتر.
وعشان تاخد الكورسات دى مجانا بشهادة هتقدم على الدعم المالى فى كورسيرا.
كورسيرا عملت حاجه اسمها الدعم المالى وده معمول للطلبة الغلابه اللي زي حالتنا كده بتقدم عليه وبتاخد الكورسات والشهادة ببلاش.
طب تعمل ده ازاى هتلاقى الخطوات كلها فى المقالة دى: كيف تحصل على الدعم المالى بشهادات معتمدة من موقع كورسيرا.
او شوف الفيديو على قناتنا على اليوتيوب "كيف تحصل على الدعم المالى بشهادات معتمدة من موقع كورسيرا"
مقالات متعلقة:كورسيرا عملت حاجه اسمها الدعم المالى وده معمول للطلبة الغلابه اللي زي حالتنا كده بتقدم عليه وبتاخد الكورسات والشهادة ببلاش.
طب تعمل ده ازاى هتلاقى الخطوات كلها فى المقالة دى: كيف تحصل على الدعم المالى بشهادات معتمدة من موقع كورسيرا.
او شوف الفيديو على قناتنا على اليوتيوب "كيف تحصل على الدعم المالى بشهادات معتمدة من موقع كورسيرا"
جميل جداً.. شكراً لكم
ردحذفالشكر لله
حذفبالتوفيق
احب اضيف كمان كورس مهم على ادراك اسمه "مهارات ادارة الذات وتحديد الاهداف " كورس جيد بالاضافه الي باقة الكورسات المذكورة بالمقال. شكرا على مجهودكم واصلوا الكفاح
ردحذف