-->

تعلم الرسم من الصفر للاحتراف من منزلك - دليلك الكامل

تعلم الرسم من الصفر للاحتراف

في المقال دا هنتكلم عن كيفية تعلم الرسم السهل من الصفر وحاجات محتاجين نعرفها قبل ما نبدأ فى تعلم الرسم، وعن ازاي نتعلم الرسم بنفسنا من البيت من خلال ورش تعليم الرسم اونلاين وهنتكلم كمان عن مشكله بتواجه كتير من المبتدئين فى تعلم الرسم وهي انهم بيعرفوا ينقلوا لكن مابيعرفوش يرسموا من خيالهم.



واتكلمنا  في المقال اللى فات عن ان اي حد بامكانه يتعلم الرسم وأن الرسم مش مقتصر على اصحاب المواهب الفطريه بس وانما كمان سهل جدا اكتسابه بالممارسه، ولو عايز تقرا المقاله الاولى  من هنا

4 مبادئ محتاج تعرفهم قبل ما تبدأ فى تعلم الرسم

  • تعلم الرسم سهل جدا بس محتاج وقت ومداومة في التدريب، وان يكون عندك استعداد ورغبة قوية انك تتعلم عشان تقدر تستمر.
  • لازم تكون عارف انك مش بين يوم وليله هتقدر تتعلم الرسم وتكون رسام، طبيعي جدا هتحتاج وقت وهتغلط كتير عشان تقدر توصل على الأقل لمستوى مرضي لنفسك مش للناس فانصيحة ركز على مستواك.
  • كمان لازم تكون عارف انك هتواجه تريقة وانتقادات كتير من أصحابك ومن الناس ودا طبيعي لانك لسة مبتدىء ورسمك لسه بسيط المهم انك ماتستسلمش لكلامهم ولا تحبط في نفسك.
  • اخر وأهم حاجه بقى هتسمع كتير جملة "الرسم مش مفيد ولا بيضيف حاجة للانسان" الجملة دي غلط جدا لان الرسم بيساعد الشخص نفسيا على انه يتخلص من سلبياته ويخرج اللى جواه بشكل مختلف وراقي، كمان فيه مجالات شغل كتييييييير جدا للرسامين وكلها بمرتبات ومبالغ كويسه جدا ودا فى مختلف وانواع مجالات الرسم. 

كورسات تعلم الرسم من الصفر+ كيفية تعليم الرسم السهل من الصفر

اول حاجه كمبتدئ في الرسم هتحتاج تتعرف على أدوات الرسم وايه الادوات اللى هتحتاجها فى بداية رحلتك لتعلم الرسم

أدوات الرسم:

1- اسكتش كانسون او فبريانو
2- اقلام رصاص ماركة فابر كاستل درجات hb ,h2,h6,b2,b6
3- استيكه فابر كاستل عادية
4- قلم تحبير 0.5 او 0.8
5- علبة الوان خشب فابر كاستل (حسب الرغبة)

ثانيا: هتحتاج فى البدايه لو مابتعرفش ترسم خالص انك تدرب ايدك في الاول على الرسم واستخدام الأدوات.

ممكن تبدأ بأنك تتعلم رسم كارتون ودا ممكن عن طريق رسمه او رسمتين في اليوم، وفي الحاله دي الكورس دا ممكن ياخد معاكم اسبوع او 10 ايام هيفيدكم جدا كخطوة اولى والكورس دا بعد ما تخلصه هتكون ايدك اتدربت على رسم الدوائر والاشكال الهندسية بالايد بتناسق الى حد كبير والتلوين، ومسك القلم الرصاص بشكل صح وطريقه استخدام بعض الادوات.

تعليم الرسم للاطفال خطوة بخطوة في المنزل (لكل المراحل العمرية لطفلك)

تعليم رسم البورترية

دي مجموعة كورسات لرسامين مختلفين بيشرحوا بالتفصيل وانا شخصيا اتعلمت، وبتعلم منهم اختار حد منهم وتابع معاه أو ممكن تتابعوا الكل زي ما انا بعمل او ابحثوا عن غيرهم عادي جدا المهم تبدا تتعلم رسم.

كورس تعلم الرسم من الصفر


1- كورس تعلم رسم العين مجانا



2- كورس تعليم رسم أجزاء الوجه بالرصاص اضغط هنا 

3- كورس تعلم التظليل ورسم الملامح - إضغط هنا 

4- اسلام اسامه تعليم الرسم من الصفر (تعليم بورتريه)  - إضغط هنا 

واخيراً:

رسم البورتريه مش هو نوع الرسم الوحيد ممكن متلاقيش نفسك فى رسم الكارتون او الاشخاص فيه غيرهم كتير الانمي والدولينج والطبيعة الصامتة والفن التشكيلي ...الخ

دور على النوع اللى بتحبه واتعلمه ابحث على اليوتيوب او جوجل هيوصلك بأفضل الناس اللى بيرسموا وازاي تتعلموا من البداية متكسلش انت بس وابدأاتعلم رسم ومتنساش تبعتلنا رسوماتك لما تبدأ ترسم.

مقالات متعلقة بتعلم الرسم:

كتبتها لكم: Mona G Mohamed