نادي القراءة العملية نادي القراءة العملية

دليلك لتعلم فن الكروشيه من الصفر للاحتراف 2018

نادى القراءه

فن الكروشيه

من اكتر الفنون الممتعه والمبهجة وال مؤخرا انتشر كورسات كتييير فيها وبدأ يزيد الابداع عن سابقه
هو فن الكروشيه
وللي مايعرفش يعني اي كروشيه ؟
الكروشيه هو احد فنون الحياكة بالابره
وابرة الكروشيه بتكون معكوفه بشكل مميز واسمها سنارة
وبنستخدم خيوط صوف او قطن او حرير او خيط التشيرت المعروف باسم الكليم

وفي المقال دا جمعتلكم بعض المصادر ال ممكن تتعلموا منها الكروشيه من الصفر مع توضيح ل محتواها ورايي فيها

● 1_ هنبدأ اول حاجه باول مصدر انا اتعلمت منه
(قناة كافيه كروشيه ) على اليوتيوب
ودا اول كورس فيها لتعليم المبتدئين

دروس تعليم الكروشيه للمبتدئين: للحصول على كورس تعليم الكروشيه للمبتدئين اضغط هنا

(هتلاقوا في الكورس دا فيديوهات بالادوات والغرز الاساسية واساسيات الكروشيه بشكل عام)
انا بحثت عن كذا مصدر تاني للاساسيات عربي وانجلش بس مافيش حاجه عجبتني اكتر منه بسبب الشرح المبسط فيه ف مش هحط مصادر غيره للاساسيات
وممكن بعد ما تخلصوه على نفس القناة تجربوا كروشيه ورود من هنا عشان تدربوا فيها ايدكم ع الغرز اكتر

كروشيه ورود - قناة كروشيه كافيه : من هنا

خلصنا اول كورس واتعلمنا الاساسيات ودربنا ايدنا شوية؟
ندخل بقى ع ال بعده

2_ عادة اكتر حاجة بتكون صعبه على اي حد بيتعلم الكروشيه ف البدايه هو ان مبيكنش عنده صبر للمشاريع ال محتاجه شغل ووقت كتير
وعشان كدا جبتلكم الكام مصدر دول هتلاقوا عليهم مشاريع بسيطه متاخدش منكم وقت كتير وعمليه وشكلها مبهج وهتديكم احساس بانكم عملتوا حاجه كبيرة

_ موقع رام كروشيه (موقع باترونات مكتوبه بالعربي والانجليزي مش فيديوهات لكنها مكتوبه باسلوب سهل يفهموا ال اخد الكورس بتاع الاساسيات من كافيه كروشيه)
لينك الموقع : موقع رام كروشيه
_ فيديوهات مشاريع كروشيه بسيطه : من هنا

خلصنا الحاجات البسيطه ودربنا ايدنا واستوعبنا الغرز اكتر وبقينا عارفين نشتغل بيها؟
ندخل ع التقيل بقى

3_ هنا مصادر لحاجات مختلفه ومشاريع اكبر زي اللبس والشنط ولبس الاطفال  والدمى والاحذية وباشكال مختلفه وحلوووة جدااا بقى

_ كروشيه اطفال : من هنا

_ كروشيه شنط : من هنا

_ كروشيه دمى : من هنا


_ كروشيه احذية : من هنا


_ كروشيه ملابس : من هنا



● فيه كمان الكورس دا من edumefree لتعليم الكروشيه من الصفر للاحتراف
وممكن يغنيكم عن الفيديوهات ال فوق دي كلها
ف انتوا شوفوا الاتنين والاريح ليكم وال تستوعبوا منه اكتر كملوا فيه
للحصول على الكورس من هنا


دي بعض الحاجات ال ممكن تفيدكم وانتوا اكيد وانتوا بتشوفوا وتجربوا هتلاقوا حاجات تاني افضل واكتر وهتعرفوا تختاروا القناوات ال تتابعوها ع اليوتيوب

وبجانب دا شوفوا جروبات ع الفيس خاصه بالكروشيه وانضموا ليها وتابعوا صفحات بردوا
وحاولوا طول الوقت تخلوا الحاجه ال حابين تتعلموها قدام عينكم بكل الطرق

وفي النهايه اتمنى اكون افدتكم ولو بحاجه بسيطه
وربنا يوفقكم وتبدعوا :)

كتبها لكم : Mona Gamal

التعليقات



جميع الحقوق محفوظة

نادي القراءة العملية

2016