تعلم الرسم من الصفر للاحتراف من منزلك - دليلك الكامل - نادي القراءة العملية
404
نعتذر , لا نستطيع ايجاد الصفحة المطلوبة

19 مايو 2018

تعلم الرسم من الصفر للاحتراف من منزلك - دليلك الكامل

تعلم الرسم من الصفر للاحتراف

في المقال دا هنتكلم عن كيفية تعلم الرسم وحاجات محتاجين نعرفها قبل ما نبدا فى تعلم الرسم وعن ازاي نتعلم الرسم بنفسنا من البيت من خلال ورش تعليم الرسم اونلاين وهنتكلم كمان عن مشكله بتواجه كتير من المبتدئين فى تعلم الرسم وهي انهم بيعرفوا ينقلوا لكن مابيعرفوش يرسموا من خيالهم.

واتكلمنا  في المقال اللى فات عن ان اي حد بامكانه يتعلم الرسم وان الرسم مش مقتصر على اصحاب المواهب الفطريه بس وانما كمان سهل جدا اكتسابه بالممارسه ولو عايز تقرا المقاله الاولى  من هنا

4 مبادئ محتاج تعرفهم قبل ما تبدا فى تعلم الرسم

  • تعلم الرسم سهل جدا بس محتاج وقت ومداومة في التدريب وان يكون عندك استعداد ورغبة قوية انك تتعلم عشان تقدر تستمر.
  • لازم تكون عارف انك مش بين يوم وليله هتقدر تتعلم الرسم و تكون رسام ،. طبيعي جدا هتحتاج وقت وهتغلط كتير عشان تقدر توصل على الاقل لمستوى مرضي لنفسك مش للناس فانصيحة ركز على مستواك.
  • كمان لازم تكون عارف انك هتواجه تريقة وانتقادات كتير من اصحابك ومن الناس ودا طبيعي لانك لسة مبتدىء ورسمك لسه بسيط المهم انك ماتستسلمش لكلامهم ولا تحبط في نفسك.
  • اخر واهم حاجه بقى هتسمع كتير جملة " الرسم مش مفيد ولا بيضيف حاجه للانسان " الجملة دي غلط جدا لان الرسم بيساعد الشخص نفسيا على انه يتخلص من سلبياته ويخرج اللى جواه بشكل مختلف وراقي ، كمان فيه مجالات شغل كتييييييير جدا للرسامين وكلها بمرتبات ومبالغ كويسه جدا ودا فى مختلف وانواع مجالات الرسم. 

ازاى تتعلم الرسم بنفسك + كورسات تعلم الرسم اونلاين ؟


اول حاجه كمبتدئ في الرسم هتحتاج تتعرف على أدوات الرسم وايه الادوات اللى هتحتاجها فى بداية.

أدوات الرسم:

1- اسكتش كانسون او فبريانو
2- اقلام رصاص ماركه فابر كاستل درجات hb ,h2,h6,b2,b6
3- استيكه فابر كاستل عادية
4- قلم تحبير 0.5 او 0.8
5- علبة الوان خشب فابر كاستل (حسب الرغبة)

ثانيا: هتحتاج فى البدايه لو مابتعرفش ترسم خالص انك تدرب ايدك في الاول على الرسم واستخدام الادوات.

ممكن تبدأ بانك تتعلم رسم كارتون ودا ممكن عن طريق رسمه او رسمتين في اليوم وفي الحاله دي الكورس دا ممكن ياخد معاكم اسبوع او 10 ايام هيفيدكم جدا كخطوة اولى والكورس دا بعد ما تخلصه هتكون ايدك اتدربت على رسم الدوائر والاشكال الهندسية بالايد بتناسق الى حد كبير والتلوين ومسك القلم الرصاص بشكل صح وطريقه استخدام بعض الادوات.

كورسات تعليم الرسم للاطفال اون لاين للمبتدئين اضغط هنا


 ثالثا: تعليم رسم البورترية 

دي مجموعة كورسات لرسامين مختلفين بيشرحوا بالتفصيل وانا شخصيا اتعلمت وبتعلم منهم اختار حد منهم وتابع معاه او ممكن تتابعوا الكل زي ما انا بعمل او ابحثوا عن غيرهم عادي جدا المهم تبدا تتعلم رسم.

1- كورس تعلم رسم العين مجانا إضغط هنا 

2- كورس تعليم رسم اجزاء الوجه بالرصاص اضغط هنا 

3- كورس تعلم التظليل ورسم الملامح - إضغط هنا 

4- اسلام اسامه تعليم الرسم من الصفر (تعليم بورتريه)  - إضغط هنا 

واخيراً:

رسم البورتريه مش هو نوع الرسم الوحيد ممكن متلاقيش نفسك فى رسم الكارتون او الاشخاص فيه غيرهم كتير الانمي والدولينج والطبيعه الصامتة والفن التشكيلي ...الخ

دور على النوع اللى بتحبه واتعلمه ابحث على اليوتيوب او جوجل هيوصلك بأفضل الناس اللى بيرسموا وازاي تتعلموا من البدايه متكسلش انت بس وابدا اتعلم رسم ومتنساش تبعتلنا رسوماتك لما تبدا ترسم.

مقالات متعلقة بتعلم الرسم:

1- تعلم الرسم مع أيه هانى - قصة نجاح تلهمك

2- موهبة الرسم بين الفطرة والاكتساب


كتبتها لكم: Mona G Mohamed

شارك المقال

4 تعليق

مقال جميييل وممتع جدا وفى مصادر كتير حلوه ، شكرا

الشكر لله ، نتمنالك التوفيق وتعلم الرسم باحتراف

المصادر مفيدة جدا فى تعلم الرسم للمبتدئين فعلا

شكرا نادى القراءة

الشكر لله ، نتمالك التوفيق

جميع الحقوق محفوظة لـ نادي القراءة العملية | تصميم :