هل اقدر احول هوايتى لمصدر دخل وبيزنس ليا ؟ - نادي القراءة العملية
404
نعتذر , لا نستطيع ايجاد الصفحة المطلوبة

30 سبتمبر 2017

هل اقدر احول هوايتى لمصدر دخل وبيزنس ليا ؟


ازاى تحول هوايتك وشغفك لمصدر دخل

هل اقدر احول هوايتى لمصدر دخل وبيزنس ليا ؟ 

سؤال بتجى فى بالنا كتير ,, وفى المقالة دى هقول الاجابة كاملة و ازاى فعلا تحول هوايتك لمصدر دخل !

هتسمع كلام كتير اوى عشان تبدا البيزنس الخاص بيك و هتلاقى ناس تقولك مواصفات و طرق كتييير عشان تبدا , زى مثلا الاصرار - العزيمة - المعرفة - الالتزام - الابداع ... وغيرهم من العوامل المهمة جدا .

ولكن فى رائي اهم و اول حاجه لازم تكون موجودة عندك هى : الشغف " Passion " 

لان الشغف هو اللى هيخليك تصحى كل يوم الصبح وانت مبسوط , الشغف هيخليك تواجة الصعوبات و التحديات بقلب جامد .
الشغف هو اللى هيخليك تتعلم و تسعى وانت مبسوط , هتلاقى التعب فى حاجه بتحبها ممتع جدا جدا

وعشان كده اغلب الناس بتلجا لحاجة او مجال بتحبة عشان تبدا فى بيزنس , واحسن حاجه تدور فيها على شغفك وانك تكون مهووس بيها , هى مواهبك و هوايتك ..

ونظريا انك تحول هوايتك لمصدر دخل وبيزنس دى حاجه فى حد ذاتها ممتعة جدا , لانك اكيد بتحب هوايتك واكيد عندك معرفة كبيره بيها وبتمارسها من زمان ومتميز فيها , والحاجتين دول المفروض يعملو ليك بيزنس ناجح صح ؟

ولكن الاجابة مش ديما , لان احيانا انك تحول هوايتك لمصدر دخل , ده شئ جميل وممتع ,, واحيانا تانى ده شئ صعب جدا ومدمر فى بعض الحالات ..

ولو بتفكر تحول هوايتك لمصدر دخل , يبقى فى كام حاجه لازم تاخد بالك منها قبل ما تبدا ..

1/ هوايتك لازم تكون واقعية 

كلنا عندنا هوايات بنحبها , وبعض الناس بتقدر تحول اى هواية ليها لبيزنس , ولكن انت عشان تبدا بيزنس يكون واقعى ويدخلك مصدر دخل ثابت , لازم تكون صادق جدا مع نفسك وهوايتك تكون واقعية ..

يعنى باختصار اسال نفسك هل هتقدر تخلى البيزنس ده شغال من غير وجودك ؟ !
وخليك فاكر ان البيزنس الحقيقى هو اللى يكون شغال ومستمر حتى لو صاحبة مش موجود .. فلو حولت هوايتك لبيزنس من غير ما تقدر تشغلة من غير وجودك يبقى كده هو مش بيزنس ثابت ..

2/ فكر بره الصندوق , فكر باختلاف و بابداع 

لو مش عارف ازاى تحول هوايتك لمصدر دخل , يبقى لازم تفكر بره الصندوق ومش بطرق تقليدية
خليك مبدع فى تفكيرك واقرا كتييير فى مجال هوايتك ده وشوف قصص نجاح فى مجالك وهتلاقى فكره ملهمة جاتلك
بس بلاش تفكر بالطرق التقليدية وصدقنى لما تسعى وتقرا كتير وتفكر باختلاف هتلاقى بدل الفكرة مليون ..



3/ الهوايات ممتعة , البيزنس لا 

انك تبدا بيزنس من هوايتك , مش شئ سهل ابدا , وعالم البيزنس عمتا صعب وبيحتاج مجهود كبير جدا وتجارب وفشل كتير واستمرارية والتزام , و تعب و ارهاق وقلق ..

ولازم تبقى عارف ده قبل ما تبدا تحول هوايتك لبيزنس , ولازم تبقى عارف كمان ان لذه المتعة اللى بتحسها من هوايتك , هتختفى شويه فى عالم البيزنس , وده اللى بيوقف ناس كتير عن انهم يحولو هوايتهم لمصدر دخل ..

على سبيل المثال , لو انت بتحب التصوير عشان انت فنان و بتشوف الاشياء اللى حواليك بطريقة مختلفة , وعشان تحول التصوير لمصدر دخل , ده هيخليك ملتزم بوقت معين لتسليم الشغل , و ازاى تتوفر احتياجات المستهلك بتاعك , هنا اللذه بتختفى شوية ومش بيكون عندك الوقت عشان تحس بنفس اللذه بتاع زمان , لان فى شغل محتاج يتسلم فى وقت معين ..

انا مش بحاول اخوفك او اقولك بلاش تحول هوايتك لبيزنس ومصدر دخل , بس انا بفتح عينك على الواقع شوية عشان تكون عارف ان الطريق صعب ومش سهل وتكون جاهز لكده قبل ما تبدا ..

4/ خد الموضوع على محمل الجد 

لو عايز تحول هوايتك لمصدر دخل لازم تفكر فى الموضوع من وجهة نظر البيزنس ولازم تتعامل معاه على انه مصدر دخل والتزام قبل حتى ما يكون مصدر دخل !

يعنى لو انت شغال فى شركة فا انت ملتزم بتسليم التاسكات فى وقتها المحدد , مطلوب منك عدد ساعات شغل معين , ده اللى عايزك تعملة حاليا مع هوايتك , اتعامل معاها بالتزام وخطط ازاى تطورها عشان تكون كفأ انها تكون مصدر دخل ..

و اللى بتكلم عنه هنا , هو تغيير فى العقلية بتاعتك وتعاملك مع هوايتك , لازم تغير عقليتك ونظرتك ليها , اكتسب عقلية النمو عشان تقدر تتعلم و تطور فى هوايتك بشكل احترافى .. لان لو فضلت بعقليتك الحالية مش هتوصل لحاجه ومش هتقدر تحول هوايتك لمصدر دخل ..  يعنى انك تكون كسيل وبتضيع وقت , ومش بتقرا كل يوم فى مجال هوايتك كل ده مش هيخليك تعرف تحولها لمصدر دخل ,, تخلى عن كل العادات دى وتحلى بالقراءه والاجتهاد والصبر والتطوير ومع الوقت هتكتسب عقلية النمو وهتقدر تحولها لمصدر دخل بس الاول لازم ,

  تتعلم ...

لازم تتعلم , ازاى تعمل خطه , ازاى تستغل وقتك صح , تفكر بشكل احترافى , ازاى تطور البيزنس وتكبره حتى فى غيابك ..
مره تانيه الكلام ده مش سهل , لا صعب جداا وهتقابل صعوبات كتير وهتحبط ومش هتلاقى تشجيع , بس لو عندك شغف وهدف بجد هتعدى كل ده وهتبقى اقوى وهتتعلم كتير وهتفرض شروطك على الحياة ..

بس بردو افتكر انك لو نجحت فى انك تعمل كده هتعيش حياه مميزة وممتعة جدا , زى ناس كتييير اوى فى مصر دلوقتى وفى العالم كلة , قدروا يحولو هوايتهم وشغفهم لمصدر دخل ثابت ..

مواضيع تخص الشغف :

 ازاى تعرف شغفك ؟

ازاى تحول شغفك لمصدر دخل




لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "


شارك المقال

0 تعليق

جميع الحقوق محفوظة لـ نادي القراءة العملية | تصميم :