-->

المنح الدراسية المجانية Scholarships - دليلك الكامل

منح دراسية مجانية - Scholarships

هل تبحث عن منح دراسية مجانية Scholarships ولا تعرف كيف تبدا؟

هل تريد منحة دراسية مجانية free Scholarships ؟
فى هذه المقالة سوف تحصل على دليلك الكامل للمنح الدراسية المجانية وكيف تستعد لها !

- النهارده هنتكلم عن موضوع مهم جدًا ويشغل بال نسبة كبيرة من الطلبة وهو المنح الدراسية (Scholarships) ، في منكم ممكن يكون عارف ما هي المنح الدراسية وأكيد يوجد طلبه مش عارفين ماهي المنح الدراسية من الاساس !!

هناك من  يقول المنح: هي فرصة دراسية ممولة لكى اكمل تعليم وهناك من يقول هي فرصة للدراسة إما داخل الدوله أو خارجها ، هقولك كل دول صح.

اقرا ايضاً: منح دراسية مجانية للدراسة بالخارج وكيفية الحصول عليها

اذا ما هى  المنح الدراسية بشكل بسيط؟

المنح الدراسية هي عبارة عن إستثمار(Investment) في النفس ينمو عندما تتعلم تعليم معين وتحدد هدفك وتستفيد منه بجدية في شغلك وحياتك العملية.

ايضا المنحه تعنى " Gift " او هديه بتاخدها مقابل حاجه حلوه عملتها فى بلدك . سؤاء كانت الحاجه دى
 " بصمه كبيره فى التطوع - تقدير كويس فى الكليه - انجاز فى حياتك الشخصيه - مشروع صغير بداته وعملت نتائج مملوسه - وغيرها من الانجازات اللى تقدر تعملها فى فتره شبابك "

لو عايز نصايح مهمه تساعدك تستغل فتره الجامعه صح : اقرا المقاله دى من هنا
  •  كثير منكم الان سيسأل كيف احصل على المنح ؟
  • وماهو المطلوب لكى احصل على منحة دراسية مجانية ممولة؟
 وستجد الاجابة عليها في هذا المقال.

معلومات اساسية عن المنح الدراسية

- أنواع المنح الدراسية من حيث التمويل

1- تمويل كامل (Fully funded): ودي بتكون كامل التكاليف على الجهة أو المنظمة التى سوف تقدم المنحة.

2- تمويل جزئي (Partially funded): ودي بتكون نص التكاليف عليهم والنص او الربع علي الطالب.

- الجهات التى تقدم المنح الدراسية (Providers)

1- المنظمات (Organizations)

2- الحكومات (Governments)

3- الجامعات (Universities) 

- نوع المنحة او الهدف من المنحة:

1- منح تعليمية دراسية (Degree) ودي بتكون إما بكالوريوس أو ماجستير أو ثانوي عام ، مدتها من 1 الى 4 او 5 سنين حسب التخصص المختار.

2- منح دراسية او ثقافية (Non degree) و دي بتكون زي مؤتمرات او تبادل ثقافات او تعلم لغة او زمالات ، مدتها من شهر الى ١٢ شهر.

الخطوات والمتطلبات لأى منحة دراسية

1- البحث والمعرفة بالمنحة المطلوبة Searching and knowing about the scholarship.

وهنا دورك تبحث عن المنحة اللي انت حددتها عن طريق مواقع كتير و اهمها جوجل (Google) و في نهاية المقال هنحط ليكم روابط فيهم مواقع بتنزل المنح اول باول.

2- الاوراق المطلوب (The requirements)

هنا مطلوب منك 11 طلب بس قبل ما ابدء اشرح فيهم خليني اشرح اخر خطوة وبعدين نرجع للخطوة 2 و نشرحها بالتفصيل ليكم

3- المقابلة الشخصية (The interview)

و دي اخر خطوة في مراحل القبول بعد ما بتكون خلصت كل الخطوات اللي فاتت و قدمت أوراقك وربنا وفقك وتم اختيارك واستلمت ايميل و قالو ليك يا فلاني الفلاني يلاتعالى احنا عايزين نعمل معاك مقابله و كل مكان بيكون ليه مقايس في اختيار الطالب عشان خلاص يديك الموافقة ويقولك مثلا هتسافر بعد شهر.

- ماهى  الاوراق المطلوبة للحصول على المنح الدراسية ( The requirements)
1- الاستمارة اللي بتكتب فيها كل معلوماتك الشخصية و التعلمية واللي هي اسمها البيان الشخصي (Appellation form).

2- بتكتب عن نفسك و عن حياتك بس بشكل مفصل ، زى ايه التطوعات او الخبرات ايه اللي بتميزك عن الناس دي كلها المتقدمة ، تحاول تعمله وتكتبه بس لازم تكون صادق (Personnel Statement).

3- خطاب التوصية  اللي المفروض حد يعرفك كويس جدا هو اللي يكتبه ليك مثلا زي دكتور في الجامعه او مدرس في المدرسه ، ويكتب ويشكر فيك ويكتب مثلا ايه المميز فيك عشان تطلع المنحة واللي هي اسمها (Recommendation Letter).

4- بعد كده جواز السفر او الرقم القومي لازم يكون في إثبات هوية عشان تقدر تاخد منح داخل او خارج دولتك واللي هي اسمها (Passport or National ID).

5- بيان التقديرات او الشهادة اللي بتثبت درجاتك سواء في المرحلة الثانوية عشان تاخد بكالوريوس او شهادة البكالوريوس عشان تاخد الماجستير ولازم تكون الشهاده الاصل او طبق الاصل وعليها الاختام الاصلية غيره كده لازم تكون كلها بالإنجليزية خصوصا لو هتاخد منحة في بلد مش عربي (transcripts).

 6- معلومات لو سافرت قبل كده ياريت تقولهم سافرت فين وكنت بتعمل ايه مثلا لو عشت فترة في حياتك في بلد اذكرها ليهم (details of any previous traveling).

 7- السيرة الذاتية ودي مهمة جدا حتى لو مش ناوي تطلع منحة هي في الوقت الحالي بقت مهمه جدا لاي تدريب او وظيفة ان ممكن تكون فيها واللي هي اسمها (Cv or Resume). لو مش عارف تعمل  (Cv or Resume) محترف ازاى

 اقرا المقاله دى واعمل CV محترف

8- البحوث العلمية لو كنت عملت قبل كده ممكن ترفقها واللي هي اسمها ( Research personal ).

9- نجي للتقيلة بقى الانجليزي ياجماعة لازم تكون شاطر فيه ومعاك لغة كويسة proof of fluency in English providing)  وفي الاغلب الجامعات بتقيس الشطارة دي عن طريق اشهر امتحانين واللي هما ( IELETS or TOFFEE ) ولازم اي منحه بتكون حطه شرط معين في قبول الامتحانات دي لازم تكونجايب الدرجه اللي هما محددنها او اعلى منها وان شاء الله في المقال والفيديو الجاي هنتكلم عنهم بشكل اوسع.

طب لو عايز تظبط الانجليزى بتاعك ادخل القسم ده وهتعرف ازاى تذاكر انجليزى لوحدك

10- في امتحانات بتبقى مطلوبة من اللي طالعين يدرسو بيزنس او هندسة و الامتحانات دي اسمها
( GMAT or SAT or GRE ) وبيكون برضو ليها درجه معينة للقبول حسب شروط المنحة.

11- اخر حاجة وهي انك يكون عندك لغة تانية غير العربي والانجليزي لسبب واحد هو ان في منح زي اللي بتقدمهم سفارة تركيا و المانيا طالبين يكون معاك اللغه التركية او الالمانية وبمستوى كمان معين فيها.

وهنا هتلاقى كل المواقع اللى تقدر تبحث من خلالها عن منح فى اى جامعه فى العالم

قائمة مواقع البحث عن المنح الدراسية العالمية

http://www.studentscholarshipsearch.com/matcher/

الموقع اعلاه يمكنك من البحث مباشرة عن المنح الدراسية المجانية في تخصص معين وتسمح لك النتائج بمعرفة اي جامعة تعرض اي برنامج منح ولأي تخصص.

الموقع التالي يقارن بافضل 5 مواقع بحث عن المنح الدراسية مع مميزات كل منها:

https://www.usnews.com/education/blogs/the-scholarship-coach/2011/01/20/compare-5-top-scholarship-search-engines


الموقع الثالث للبحث بشكل عام عن المنح الدراسية بعدة خطوات بعد ادخال معلوماتك الشخصية والاكاديمية

https://bigfuture.collegeboard.org/scholarship-search

والموقع الابرز برأيي والذي يختص فقط بالمنح الدراسية المجانية حول العالم ولكافة التخصصات:

https://www.scholarships.com/


الموقع المختار الخامس:

https://ww.unigo.com/scholarships

عشان كده ابدء حدد هدفك والمكان والتمويل وكل حاجه واعرف الشروط وابدء وفرها فيك عشان تقدر تأخد المنحه بإذن الله تعالى وربنا يوفقك الجميع واتمنى اكون قدرت افيدكم واي اسئلة موجودة إتفضلوا فى الكومنتات وهرد عليها.
كتبها لكم: ريهام شاكر