ازاى تكتب سيرة ذاتية - cv محترف حتى لو خبرتك صفر ! خطوه بخطوه . - نادي القراءة العملية
404
نعتذر , لا نستطيع ايجاد الصفحة المطلوبة

4 أبريل 2017

ازاى تكتب سيرة ذاتية - cv محترف حتى لو خبرتك صفر ! خطوه بخطوه .

كيف تكتب CV سيرتك الذاتية بشكل محترف مجانا ؟

كيف تكتب CV السيرة الذاتية بشكل محترف مجانا ؟

  •  نفسك تكتب سيرة ذاتيةCV ومش عارف تبدا ازى ؟
  • بتدور على نماذج سيرة ذاتية لطلب وظيفة 
  • بتدور على موقع لكتابة السيرة الذاتية
  •  مجربتش تكتب CV او resume قبل كده ومش عندك خبره !
  •  عندك انترفيو قريب ولسه مجهزتش السيرة الذاتية - cv بتاعك ومش عارف تعمل ايه ؟
  •  لسه طالب فى الجامعه, ومش عارف تكتب ايه فى السيرة الذاتية CV ؟
لو اجابتك كانت " نعم " على اى سؤال من الاسئله اللى فوق دى , يبقى المقاله دى ليك .

احب اطمنك  انى كنت فى مكانك فى يوم من الايام ومكنش عندى اى خبره فى موضوع كتابه السيرة الذاتية CV او Resume. وبالمناسبه المصطلح الصح هو " Resume " بس عشان الثقافه المنتشره عندنا CV فخلينا نكمل المقال باى مصطلح منهم.

وكنت فاكر انه عشان اكتب سيرة ذاتية CV  محترف دى حاجه صعبه جدا, بس كل ده اتغير لما عرفت موقع "Kickresume" بمثابه كنز اللى هنتكلم عنه فى المقاله النهارده.

و مكتوب فى اول الموقع الجمله دى

 " Kickresume users get hired by top-notch companies. Be one of them! " 

معنى الجمله , ان مستخدمين موقع " Kickresume " بيتوظفو فى اكبر شركات العالم , كن واحد منهم " !

وكان من الشركات دى " Amazon - P&G - PayPal - Addidas _ Apple " وغيرهم كتير .

كيف تكتب CV سيرتك الذاتية بشكل محترف مجانا ؟

يعنى حرفيا موقع زى ده هيوفر عليك طريق طويل وهتعمل من خلاله CV او Resume محترف وكانك حد شغال فى " Amazon" مثلا !

يلا نبدا فى الخطوات على طول عشان وقتكم غالى عندنا جدا .

1- هندخل على موقع " Kickresume " من خلال هذا الرابط 

لينك الموقع "

2- هتعمل تسجيل او Sign up for free كما موضح بالصوره .

كيف تكتب CV سيرتك الذاتية بشكل محترف مجانا ؟

3- بعد كده هيظهرلك الشكل كما فى الصوره دى .

 وهنا تقدر تعمل تسجيل دخول باكونت الفيس بوك او اكونت جوجل او لينكدان او ايميل الياهو. الاسهل ليك واللى متاح عندنا كلنا هو اكونت الفيس بوك. ولكن خليك واعى انك لازم يبقى عندك اكونت على جوجل ولينكدان .

كيف تكتب CV سيرتك الذاتية بشكل محترف مجانا ؟

4- هيظهرلك الاشكال او ال Template المتاحه كلها على الموقع تختار الشكل اللى يريحك .

طب لو انا عايز شكل CV  ينفع ليا لو انا " محاسب " مثلا او " مسوق " او " مصمم " الخ

زى ما فى الصوره كده اختار فى البحث الشكل اللى هيناسب وظيفتك.

كيف تكتب CV سيرتك الذاتية بشكل محترف مجانا ؟

5-  خد بالك من حاجه مهمه. ان مش كل الاشكال متاحه مجانا.

زى ما فى الصوره كده اختار الشكل اللى مكتوب عليه كلمه " Free " و اختاره وابدا اكتب بشكل احترافى.
ولما تختار جزء نسخة مجانية بلاش تضيف عليها اى اقسام او اجزاء اخرى عشان هتكون بفلوس ومش هتعرف تحملها ..

كيف تكتب CV سيرتك الذاتية بشكل محترف مجانا ؟

6- طب ايه اهم الحاجات المفروض اكتبها فى السيرة الذاتية ؟

* ركز جدا  على ال "Personal Branding Statement " بتاعتك . بمعنى , انت بتعرف تعمل ايه؟ ايه مهاراتك ومميزاتك؟
وده كورس مجانا على اليوتيوب هيساعدك فى الموضوع ده :
  لينك الكورس - إضغط هنا


* ركز جدا على ال "Self Study " او التعلم الذاتى . دلوقتى كل اصحاب الشركات بيدورا على الشباب اللى بتقدر تتعلم لوحدها , اسمهم " Self Learner ". لانها بتثبت انك شخص بيعرف يستخدم النت صح وبيقدر يتعلم لوحده + ان التعلم الذاتى تقدر تتعلم من خلاله اى مجال عملى السوق محتاجه دلوقتى وتسبق كل صحابك. ف لو معاك اى شهادات او كورسات خلصتها اونلاين اكتبها.
لو عايز تبدا تتعلم اونلاين اقرا المقالة دى: الكورسات الاونلاين والتعلم الذاتى - الحقيقة وراء ال MOOCs !
* ركز بردو على الانشطه التطوعيه اللى عملتها فى حياتك. ولو لسه ماتطوعتش يبقى بعد ما تقرا المقاله دى دور على اى نشاط طلابى وتطوع فيه . طب ليه ؟ لان التطوع غير انه هيكسبك خبره ومهارات كتييير , فهو بردو هيعرف صاحب الشركه انك تقدر تشتغل تحت ضغط حتى لو من غير فلوس .

* اكتب اى انجاز حققته فى سنين الجامعه, سواء تنظيم ايفنت , او تكريم معين من الجامعه , او اى انجاز صغير عملته .

لو انت عايز تشوف فيديو بيشرح الموقع كله خطوه بخطوه شوف الفيديو ده


و بكده اقولك مبروك بقى عندك CV سيرة ذاتية محترفة تقدر تقدم بيه فى اى شركه بقلب جامد .

كتبها لكم : Ahmed Sysy

شارك المقال

0 تعليق

جميع الحقوق محفوظة لـ نادي القراءة العملية | تصميم :