القائمة الرئيسية

الصفحات

كورسات لينكد ان المجانية بشهادات معتمدة مجانا لأهم المجالات 2021

طبعا كلنا عارفين موقع LinkedIn اشهر موقع للوظائف، بس اللى متعرفهوش انه
عامل منصة تعليمية اسمها LinkedIn Learning بتقدم كورسات بشهادات معتمدة 
ممكن تطبعها او تربطها بحسابك على موقع LinkedIn. 

واللى بيشرح الكورسات دى خبراء الصناعة في كبرى الشركات العالمية.
وكمان الموقع فيه حاجة مميزة جدا اسمها "المسارات التعليمية - Learning Paths" 
بمعنى انه بيخليك تتعلم المجال اللى انت اخترته بشكل منظم وبيبدأ معاك من الصفر حتى تصل الى الاحتراف.

بس في مشكلة هتقابلك وهى ان الموقع مدفوع ومش بيقدم غير اول شهر مجانا 
وبعد كدة الاشتراك بتدفع 35 دولار بشكل شهري. بس متقلقش مش هندفع حاجة

وده الكنز اللى هنعرفه دلوقتى حالا، جاهز؟

كورسات لينكد ان المجانية


كورسات لينكد ان المجانية بشهادات معتمدة مجانا

شركة ميكرسوفت عملت مبادرة جميلة جدا من خلال لينكدان التعليمي، 
وهى مساعدة اكتر من 10 مليون شاب فى العالم، بانهم يتعلموا اكتر المجالات المطلوبة حاليا
وفيها فرص شغل متاحة، وبيقدموا كل ده مجانا لحد اخر 2021.


طبعا تم اختيار المجالات دى بعناية ودقة من خلال الداتا المتاحة على لينكدان.

والمجالات هى:
  1. Software developer
  2. Project manager
  3. IT Administrator
  4. Customer service specialist
  5. IT Support/ Helpdesk
  6. Data analyst
  7. Sales representative
  8. Digital marketer
  9. Graphic designer
  10. Financial analyst

اختار المجالات على أساس ايه؟


لو انت مش عارف تحدد ايه المجال اللى تبدأ تتعلمه من المجالات دى،
ابدأ اسأل نفسك ايه اكتر مجال حابب استكشفه، او حاسس انى منجذب له؟
ايه المجال اللى حابب اشتغل فيه ويكون كارير ليا فى مستقبلي؟

وده هيتطلب منك انك تعرف ولو نظرة عامه عن كل مجال، وايه المهارات المطلوبة فيه؟

وتقدر تعمل ده بانك تدخل على المجال نفسه وتبدأ تقرأ عنه شوية، وبعد كدة قرارك هيكون أسهل.



ازاى تحصل على كورسات لينكد ان المجانية؟


بكل بساطة هتدخل من الرابط ده: https://opportunity.linkedin.com/skills-for-in-demand-jobs

هيظهرلك الصفحة دى، وبعد كدة تشوف المجال اللى حابب تتعلمه، وتدوس عليه
هيحولك لصفحة المسار التعليمي مباشرة. 

كورسات لينكد ان المجانية

واليك الخطوات بالشرح العملي، في هذا الفيديو على قناتنا على اليوتيوب
(ملحوظة: طريقة الحجز بتبدأ من الدقيقة 2:45)



الخاتمة:

نصيحة أخويه، الحق اغتنم الفرصة دى، واقفل على نفسك واتعلم مجال جديد، واجتهد خلال السنة دى
وباذن الله تلاقي حياتك اتغيرت تماماً للأفضل.

عرفنا فى الكومنتات ايه المجال اللى هتبدأ فيه؟

Ahmed Sysy
Ahmed Sysy
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات

تعليقان (2)
إرسال تعليق

إرسال تعليق