-->

ملخص كتاب نقطة التحول - Tipping Point - كيف تنشر فكرتك؟ - تلخيص كتب

تلخيص كتاب نقطة التحول كيف تنشر فكرتك؟
ملخص كتاب  نقطة التحول - Tipping Point كيف تنشر فكرتك؟

خامس كتاب معانا فى سلسلة مقالات تلخيص الكتب، واللي هدفها اننا نلخصلك أحسن كتب فى أكتر من مجال، ومن أعظم الخبراء فى مجالات مختلفة تهمنا كلنا، يعنى لو انت مش بتحب تقرأ يبقى لازم تتابع الفقرة دي وتطبق المعلومات اللى فيها عشان هتوفر عليك كتير.

الدنيا دى مليانة بالأفكار، أفكار كتير بنسمعها ونشوفها كل يوم وفى كل حتة، ملايين من قنوات اليوتيوب، والفيديوهات، والصفحات على الفيس بوك، وملايين من المنتجات، ومن وسط كل دا تلاقى فى أفكار بتنتشر بسرعة كبيرة جدا، بتنتشر زى العدوة،

لاكن السؤال دا بيقف قدامه ناس كتير، إزاى اوصل فكرتى لعدد كبير من الناس؟

لوانت مثلا عندك شركة أو عندك منتج معين، أو قناة على اليوتيوب وعاوز تنشر فكرتك لأكبر عدد من الناس، فى الحاله دى لازم تتعلم ازاى توصل فكرتك للناس. ودا اللى هنعرفة فى المقالة دى، السر وراء انتشار الأفكار.

فى كتاب النهاردا الكاتب "مالكوم جلادويل"عمل دراسة لإنتشار الأفكار وأكتشف إن أى فكرة عشان تنتشر لازم تعدى بمرحلة ال Tipping Point "نقطة التحول" اما تيجى أى فكرة توصل للمرحلة دى بتبتدى تنتشر بين الناس زى العدوة.

نقطه التحول "Tipping Point" بتعتمد على 3 خطوات

الخطوات دى لو موجودة فكرتك هتوصل بين الناس وتنتشر بشكل كبير، أول حاجة بتنشر فكرتك هى:

قانون القلة "The Law Of The Few"

عشان توصل فكرتك للناس لازم تركز على مجموعة قليلة من الناس، فكرة قانون القلة بتعتمد على مبدأ باريتو أو Pareto’s Principle، والمبدأ دا برده ممكن تسميه The 80/20 Rule، او قاعدة 80/20، المبدأ دا بيوصف الحاجات اللى بتحصل فى المجتمع، يعنى مثلا 20%من الموظفين بيقوموا بـ 80% من العمل، أو 80% من الحوادث بسبب 20%من السواقين، وعشان كده أى حاجة بتحصل حوالينا بتعتمد على القانون دا، يعنى بتعتمد على عدد قليل من الناس.

واللناس اللى بيأثره فى نشر أى فكرة 3 انواع.

  1. الموصلون   connectors: والنوع دا من الناس هما اللى عندهم علاقات إجماعية كتيرة جدا حتى لو كانت مش قوية، لاكن عندهم دايره كبيرة جدا من المعارف.
  2. الخبراء   Mavens:
    هما الناس اللى عندها خبرة فى مجال معين، ومتمكنين منه جدا وعاوزين ينشرو الفكرة دى للناس، وعاوزين يساعدوهم بناء على حبهم وشغفهم بالفكره دى.
  3. الباعة Sales Men:الناس اللى عندهم قدرات انهم يبيعوا أى حاجة، وأنت لو عاوز تنشر فكرتك لازم تركز على ال 3 دول. 

عامل الألتصاق "The Stickiness Factor"

ودى تانى خطوة بتساعد على انتشار الأفكار، وببساطه معناها هل الفكرة بتاعتك هتلصق مع الناس؟

يعنى هتثبت مع الناس ولا لا، ودا بيعتمد على حاجات كتير جدا، منها طريقة التقديم، إزاى بتقدم المعلومة بتاعتك،أو الفكرة بتاعتك للناس. اما تكون عاوز تعمل قناة على اليوتيوب، أو تنتج منتج معين، لازم تفكر الأول هل المنتج دا هيثبت مع الناس، هل القناة اللى بعملها دى هتكون مميزه ولا هنضيع وسط القنوات. حاول ديما تجرب وتعدل على قناتك، أو المنتج بتاعك عشان توصل لعامل الألتصاق.

قوة السياق "The Power Of Context" 

ودى الحاجه ال 3 والأخيرة اللى هتساعدك على نشر أى فكرة.
عشان تنشر أى فكرة لازم يكون عندك البيئة اللى هتساعدك على انتشار الفكرة بتاعتك، والكاتب هنا اتكلم عن نظرية النوافذ المكسورة The Broken Windows Theory.

النظرية دى بتقول ان لو عندك مكان فيه جريمة كبيرة متحولتش انك تطارد المجرمين، حاول انك تصلح من المكان نفسه، ودا بالضبط اللى حصل فى مترو نيويورك فى الثمانينات، الفتره دى كان مشهورا فيها الجرائم بشكل كبير فى المترو، أول ما البوليس بدأ يشيل الشخبطة اللى على الحيط وينظم المكان، مع الوقت معدل الجريمة قل بشكل كبير جدا، وظا لأن البيئة اتغيرت.

البيئة دلوقتى بتقول للمجرمين إن فيه أمن وأمان، بقي عندهم حاجز نفسى يمنعهم أنهم يرتكبوا الجرائم عشان خايفين من البوليس.
وبالتالى لازم تختار البيئة المناسبة لنشر الفكرة بتاعتك، والمكان والزمان اللى أنت فيه بيفرق كتير جدا في نشر الفكرة.

يعنى مثلا لو في شركة بتبيع منتج معين، بسعر رخيص جدا مقارنة بالسوق، لو انت فى بلد ظروفها الاقتصادية صعبة جدا المنتج دا ممكن ينتشر بشكل سريع، لأن البيئة بتساعد على كده، على عكس بلد تانيه ممكن الأوضاع الإقتصادية فيها تكون احسن بكتير ومش محتاجة الفكرة دى.

و نقدر نلخص أفكار الكتاب بالآتى
ملخص كتاب نقطة التحول - كيف تنشر فكرتك؟

نقطة التحول  Tipping Point
هى النقطة اللى بتنتشر عندها الفكرة، و توصل لاكبر عدد من الناس.
وبتعتمد على 3 خطوات:
1- قانون القلة  The Law Of The Few
2- عامل الالتصاق  The Stickiness  Factor
3- قوة السياق  The Power Of Context

وعشان تنشر فكرتك متحاولش انك توصل لكل الناس، لكن حاول انك تركز على 3 أنواع من الناس.
الموصلون - Connectors
الخبراء - Movens
الباعة  - Sales Men

وفى النهاية لو ال 3 عوامل دى موجوده، وقدرت تركز على ال 3 انواع دى من الناس،فكرتك هتوصل ل نقطة التحول Tipping Poin، وتنتشر بين الناس.

ده كان تفريغ لـ ملخص كتاب نقطة التحول -Tipping Point من قناة جيل يقرأ، مع بعض التعديلات الطفيفة بما يناسب صياغة المقال.
تلخيص كتب أخرى:

تلخيص كتاب قوة العادة - The Power Of Habit للكاتب تشارلز دوهيج
ملخص كتاب التأثير المركب - Compound Effect "سحر الخطوات الصغيرة"
كتاب الأب الغنى والأب الفقير - كيف تدير أموالك بذكاء؟

ولو عايز نكتب ملخص لكتاب معين اكتبلنا اسمه في التعليقات.

للاشتراك فى قناتنا على اليوتيوب