القائمة الرئيسية

الصفحات

عبدالله عامر ورحلته لتعليم مليون شاب عربى اللغة الانجليزية

عبدالله عامر و رحلته لتعليم مليون شاب عربى اللغة الانجليزية
عبدالله عامر، شاب مصرى مجتهد، بدأ رحلة نجاحه فى سن صغير، الى ان وصل للدراسة بالخارج ثم العودة الى مصر ليؤسس واحد من افضل مكان لتعليم اللغة الانجليزية فى مصر "English Capsules"

لو هتتكلم عن اللغة الانجليزية يبقى لازم تذكر عبدالله عامر.

حوار ولقاء جديد مع شخصيات ناجحة، ومجتهدة في سلسلة حلقات "مشروع انسان"
بس المرادى حوارنا مع واحد من أكثر الشباب المجتهدين، الملهمين، المعمرين فى الارض، اللى عنده حلم كبير وسامى
وهو أنه يعلم اكتر من مليون شاب عربي, الإنجليزية بشكل صحيح.

تعالو نعرف قصة عبدالله، وايه الاسئلة اللى سألناه لعبدالله.

بدأت ازاى وايه نقطة التحول في حياتك؟ 

بدأت زى اى طالب عنده شغف انه يتعلم حاجه جديدة، ويمر بتجارب جديدة، وفاتح ذراعيه للدنيا
وكانت نقطة التحول الاولى فى حياتى لما بدأت العمل التطوعى، والانشطة الطلابية وخصوصا بعد حضور "معآ" اللى اثرت فيا بشكل كبير جدا، ودفعة للأمام بجانب الشغف والاجتهاد اللى ربنا انعم عليا بيه 

نقطة التحول الثانية  لما سافرت منح بره عشان ادرس وكانت أول منحة كانت عن طريق السفارة الامريكية 2011 و2012 وفى 2014 كانت منحة ماليزيا، وهناك اتعلمت كتير جدا وفرقت معايا جدا فى حياتى وعقليتي ولما رجعت من المنح اشتغلت على طول وبدات رحلتى لتعليم اللغه الانجليزية.

لو عايز تعرف ازاى تحصل على منحة أقوى فيديو بيلخص موضوع المنح شوف الفيديو اضغط هنا

اتعلمت انجليزى ازاى؟ وازاى بدأت كابسلز؟ 

اتعلمت عن طريق الممارسة والتعلم الذاتى والإصرار، وشغفى اني اطور من نفسى فى الانجليزى، والتحدى انى اقول لا لكل الظروف المحيطة او الكلام السلبى و الواقع، وبدأت اتعلم مع نفسى وامارس مع الناس واتعلم واغلط وهكذا

بدأت انجلش كابسلز عن طريق الحاجات اللى اتعلمتها من الدراسة فى الخارج زى "القيادة - الإدارة - التدريب - الاحتواء - التطوع -أهمية تعلم الانجليزى وغيرهم" وبدأت احط كل الحاجات دى فى كابسلز.

ايه التحديات اللى واجهتها؟ 

التحديات اللى واجهتها زى اى شركة ناشئة، السوق وصعوباته، تحديات من الناحية الادارية والقانونية والمادية - ازاى تغير عقلية الناس وتقدم حاجة مختلفة، ازاى تغير عقلية الفريق اللي شغال معاك لعقلية اكثر احترافية و فاعلية، وانتاجية عشان نقدر نغير فى الناس لكن بفضل الله قدرنا نعدى التحديات دى كلها.

وكان فى هناك تحديات شخصية فى البداية زى رحلة البحث عن الذات ازاى افيد غيرى ازاى اطور من نفسى وغيرها من التحديات.

 3 دروس اتعلمتها خلال رحتلك؟ 

  1. عدم التوقع 
  2. المثابرة 
  3. والتخطيط الجيد 

 تنصح الشباب بايه الفترة دى؟ 

أنصح الشباب بانهم يجتهدوا، يجتهدوا، يجتهدوا، ولا يلفتو لاى حاجه سلبية او اى بوست على الفيس او اى كلام سلبى، انت عليك الاجتهاد فقط وطريقك كله مع ربنا سبحانه وتعالى .

 ايه رسالتك فى الدنيا؟

انى اكون مفيد لغيرى، واكون من الناس المغيرين المجددين وانى اعلم مليون عربى لغة انجليزية صحيحة تفيدهم فى حياتهم.

ايه الدافع اللى بيحركك؟ 

النجاح، لانى حد " Success-Oriented " جدا وبحب النجاح

كتب ترشحها للشباب اثرت فيك؟ 

كتاب استمتع بحياتك، وكتب د. مصطفى محمود

مقالات ذات صلة:

لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "
Ahmed Sysy
Ahmed Sysy
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات