نادى القراءه العمليه بيقدم ايه ؟

قررنا نعمل المقاله دى عشان تعرف منها كل حاجه بيقدمها نادى القراءه العملية

فكره نادى القراءه تتمحور على " التعلم الذاتى " " Self Learning "

و ازاى تحب العلم والتعليم تانى وتدرس حاجه بتحبها بعيدا عن التنسيق او كليتك او رغبة اهلك . كل مهمتنا اننا نحولك ل " Self Learner " انك تعرف تتعلم اى مجال بتحبة فى الدنيا من بيتك وتعتمد على نفسك وتطبق اللى بتتعلمة وحياتك تنور وتطور من نفسك وتكون شهاده نفسك فى سوق العمل .

عشان كده رسالتنا و سبب وجودنا والاثر اللى نفسنا نسيبه وغايتنا كلها فى الجمله دى :

" Everything we do, We believe in challenging the status quo, we believe in thinking differently. The way we challenge the status quo is by spreading the culture of self learning, encouraging our trainee to learn what they love, and using technology in a smart way , Wanna Jion Us! "

احنا فى نادى القراءه العملية مؤمنين بمعادلة سحرية و سيستم معين لو اى شاب طبقها هيقدر يشتغل حتى لو لسه طالب وحتى لو من بيته كمان , المعادلة بتاخد وقت وصبر ومجهود بس مضمونه مليون % و بفضل الله ثم اجتهاد الطلبة عندنا اللى طبق منهم المعادله بقى بيشتغل شغل بيحبه وبقى شاطر جدا فى مجالة. هنعرف المعادلة دى دلوقتى و ازاى تطبقها فى حياتك حتى لو مش هتنضم لينا.

بتتكون سر معادلة نادى القراءه العملية من 4 اجزاء

تعرف نفسك عشان من خلالها تعرف شغفك ومميزاتك وعيوبك وايه المجالات اللى هتتميز فيها
مستوى الانجليزى بتاعك يكون فوق المتوسط
تقرا بشكل عملى " كتب - مقالات - مصادر - المؤثرين فى مجالك "
تذاكر اونلاين بشكل عملى افضل الكورسات فى المجال اللى بتحبه

تعالو نشرح المعادلة خطوه خطوه بالمصادر.

اول جزء فى المعادلة بيقول

" تعرف نفسك عشان من خلالها تعرف شغفك ومميزاتك وعيوبك وايه المجالات اللى هتتميز فيها "

طب ليه دى اول خطوه ؟ لانها اهم خطوه , من غير ما تعرف نفسك مش هتوصل لاى حاجه , وانت هنا فى الدنيا عشان تعرف نفسك ومن خلالها هتقدر تعرف اللى خلقها , ودى بتكون رحله طويلة مستمره معاك , كل فتره هتكتشف حاجات كتير فى نفسك مكنتش تعرفها , فا ديما ركز مع نفسك , ازاى تطورها وتكتسب مهاره جديده , جرب نفسك فى مجالات كتير , اتطوع , اتعلم , جرب , افشل , وقوم تانى واتعلم من اخطاءك ,, عملنالكم كورس مجانا هيفيدكم فى الجزء ده لينك الكورس - اعرف نفسك وشغفك

تانى جزء فى المعادلة بيقول " انجليزى فوق المتوسط "

ليه الانجليزى مهم جدا ؟ لان الانجليزى هو الواسطة بتاعتك فى اى مكان او شركة تروحها , و هيفرق معاك جدا فى حياتك العمليه والعلمية , زمان الانجليزى كان اختيارى او للمنظرة قدام الناس , بس دلوقتى ايا كان مجالك , الانجليزى بقى مفروض عليك .

وانجليزى فوق المتوسط نقصد بيها , انك لو قريت اى كتاب او شوفت اى فيديو اونلاين تعرف تفهم وتستوعب 85% من المحتوى من غير ترجمة . وعملناكم قسم كامل في اكتر من طريقه عملية وممتعة اختار اللى يعجبك و اتعلم انجليزى مجانا من هنا

الجزء التالت وهو " القراءه والتعلم بشكل عملى "

لو دورت على صفه مشتركه بين اى حد ناجح فى الدنيا هتلاقيها القراءه , بس بتكون بشكل عملى , بمعنى ؟

ناس كتير اوى بتقرا كتب و روايات ومع ذلك ما اكتسبوش اى مهاره ولا القراءه دى ضافت ليهم حاجه , طب ليه ؟

لانهم مش بيقروا بشكل عملى , يعنى انك تقرا كتب ومقالات فيها خطوات عمليه فى مجالك وتلخصها فى كشكول خارجى وبعد كده تشرحها لنفسك او صحابك او حتى فى فيديوهات على الفيس بوك عشان تثبت المعلومه فى عقلك هما 4 خطوات

" اقرا - افهم - لخص - اشرح - طبق "

الجزء الاخير " المووكس - كنز التعلم الذاتى اونلاين "

عشان تقفل الدايره وتنهى المعادلة بشكل مؤثر , لازم تتعلم اونلاين فى مجالك , ابحث عن افضل الكورسات فى المجال بتاعك , اكتب على جوجل افضل كورسات فى مجالك . هتلاقى مواقع تعليم اونلاين كتير في منهم عربى وانجليزى , الانجليزى افضل طبعا , بس لو الانجليزى بتاعك مش مساعدك , متكسلش وابدا مع المحتوى العربى لحد ما الانجليزى يبقى تمام

كده المعادلة خلصت وتقدر تطبقها من بيتك وتتعلم وتطور من نفسك , وصدقنى لو فعلا عايز يبقى ليك مكانه فى البلد دى طبق المعادلة دى واتعب واصبر واجتهد وهتشوف النتيجة بنفسك وهتلاقى فرض شغل كتيييير وعن تجربة . اه المعادله صعبه وبتاخد وقت بس احسبها كده لو فضلت سنه كامله لحد ما تطبق المعادله دى ودفعت التمن واتعلمت , وبقيت شخص مميز فى مجال عملى بتحبه وشاطر فى الانجليزى وتعرف تتعلم اى حاجه لوحدك , مين فى مصر ميشغكلش بقى ؟

احفظو المعادلة دى وانشروها فى كل مكان ومع صحابكم وفى اوضتكم

انا عملت المعادله دى وكنت متخرج بتقدير مقبول ودلوقتى شغال فى اكبر الشركات فى المجال اللى بحبه واسست نادى القراءه العملية ومش بقول كده للفخر ولا التباهى بس بقولك كده عشان الهمك واديك امل انك تقدر تنجح مهما كانت ظروفك

قصتى كامله ونصائح عملية تستغل بيها فتره الجامعه صح

وعشان كده عملنا كورس

" How to be a Self Learner and Learn what you Love "

بنطبق فى كل المعادله دى خطو خطوه وده جزء بسيط من محتوى الكورس

:Tools & Sessions

Strengths Finder – Personal Branding Statement – Find your Purpose
How to read Practically
Step by step best online course platform
How to change your life with 3 magic words
How to use Facebook to develop yourself & find jobs and internships & Know new passionate people in your niche.
Make Google your best friend
How to find your Passion?
How to Find best selling books – courses – influencers in your niche.
School yourself

ده غير ان عندنا اهم ميزه فى الدنيا وهى " العيلة " بعد ما بتخلص الكورس مش بتمشى , انت بتفضل معانا وبتنضم لعيلة نادى القراءه , مع طلبه زيك شغوفه , هتساعدك تتعلم , بيكون فيه لكل طالب عندنا ملف مكتوب فيه اهداف الشهرية وحد بيتابعك وصلت لفين و ايه معطلك , لو احبطت بتلاقى مليون ايد تساعدك وتاخد بايدك . احنا مجتمع متكامل وبيئه ايجابية جدا لكل اللى نفسهم يسيبو اثر فى الدنيا دى .

انجازات الطلبه فى التعلم الذاتى وقصص نجاح لطلبه النادى :