القائمة الرئيسية

الصفحات

تطبيقات مفيدة تخلى موبايلك مدرسة متحركة تتعلم فيها اللى بتحبه مجانا

تطبيقات مفيدة لهاتفك

تطبيقات مفيدة ومجانية تساعدك على التعلم وتطوير نفسك

اول مقاله فى سلسله مقالات ازاى تبنى مملكه جوه بيتك و تنعزل عن الواقع السلبى المميت
عن طريق 3 مبادئ وخطوات سحرية

" تخلى - تحلى - تجلى " 
وهنتكلم فى اكتر من محور زى ما موضح فى الصوره كده زى
"أوضتك - الكمبيوتر الخاص بيك - الانترنت واستخدامك للفيس بوك - والموبايل "اللى هو موضوع مقالتنا النهارده .

تطبيقات مفيدة تخلى موبايلك مدرسة متحركة تتعلم فيها اللى بتحبه مجانا

وهنتكلم فى اول جزء فى المملكه وهو تطبيقات مفيدة للموبايل.

مفيش حد فينا حاليا مش معاه سمارت فون وبنقضى عليها معظم وقتنا ان لم يكن كل وقتنا.. 

وهى سلاح ذو حدين ممكن تستغله صح جدا وممكن تضيع وقتك كله عليه من غير استفاده
وده موضوع مقالاتنا النهارده ازاى نستغل الفون صح وتحمل عليه تطبيقات مفيدة
ونعمل عليه مملكه ممكن نطور فيها من نفسنا ونتعلم وتعيش بطريقتك مهما كانت ظروف البلد او الناس حواليك.. 

تعالى اضربلك مثال وتجربة عملية اغلبكم هيكون جربها من غير ما يحس..  
لو انت دلوقتى فى مواصلات وحطيت الهاند فرى بتاعك وسمعت اغانى محفزة وفيها امل مثلا،
وقتها انت بتكون فى عالم تانى بعيد عن رغى السواق و نقاشات الركاب ..

وكل واحد فينا مخير فى افعاله، ممكن اتنين صحاب بيروحو مع بعض
وكل واحد فيهم بيسمع حاجه واحد بيسمع اغانى شعبى ويحفظها
والتانى بيسمع كتب او دروس عمليه فى مجاله او حتى بيطور الانجليزى بتاعه..

تفتكروا مين فيهم استفاد بوقته واستغله صح؟ اظن انت عرفت الاجابة..

تعالوا نتعلم مع بعض فى المقاله ازاى نستفيد اقصى استفاده من وقتنا فى المواصلات عن طريق الموبايل
وازاى نحول الموبايل لمدرسه ندرس فيها اللى بنحبه عن طريق تطبيقات مفيدة..

قبل ما نبدأ هفكركم بالمعادلة لو نفذتها هتقدر تشتغل فى مجال بتحبه حتى لو من بيتك او لو لسه طالب جامعى

"اختار مجال تكون شغوف بيه ( علم عملى ) + انجليزى فوق المتوسط + قراءة بشكل عملى + كورسات اونلاين فى مجالك"
اى حد فى مصر هيطبق المعادلة دى هيقدر يشتغل فى مجال بيحبه ويحط شروطه كمان.

رحلة التعلم الذاتى - مشروع طالب علم - بداية الرحلة


طب ازاى نخلى الموبايل اللى معانا يساعدنا فى تطبيق المعادله دى؟

لو تفتكروا لما اتكلمنا قبل كده عن التلات الخطوات السحرية، " تخلى ثم تحلى ثم تجلى "

1/ هنتخلى عن كل الحاجات اللى ملهاش لزمه او مش بتضيف لينا قيمه على الموبايل
بتاعنا سواء كانت اغانى - تطبيقات وغيرهم من الاشياء اللى بتضيع وقتك من غير استفادة

بعد كده هنعمل الخطوه التانيه وهى / التحلى، هنتحلى بكل الاشياء المفيده زى

تطبيقات مفيدة لمواقع الكورسات الاونلاين:

هنا شرح لكل مواقع الكورسات الأونلاين، لازم تشوفه: اضغط هنا
  1. تطبيق كورسيرا. وتقدر تحمله من هنا 
  2. تطبيق يوديمى. وتقدر تحمله من هنا 
  3. تطبيق ايديكس. وتقدر تحمله من هنا
  4. تطبيق إدراك. وتقدر تحمله من هنا  وده لو حابب تتعلم بالعربى

تطبيقات مفيدة تساعدك فى تعلم الانجليزى:

  1. دلووينجو لتعم اللغات  
  2. Memrise تعلم اللغات مجانا 
  3. Hello Talk تبادل اللغات 
  4. تعلم اللغات مجانا "Awabe" 
  5. تطبيق جرامرلي لتصحيح أخطاء الكتابة بالانجليزي

وتقدر تحمل كل التطبيقات دى من هنا: أفضل 10 تطبيقات لتعلم اللغة الانجليزية فى 2021 جربهم الآن

ودول شويه قواميس كويسه هتفيدك لو وقفت قدامك حاجه بالانجليزى وأنت بتقرأ او بتسمع كتب فى مجالك.

1/ القاموس الذهبى ناطق انجليزى. تقدر تحمله من هنا
2/ الانجليزيه والعربيه قاموس وترجمه  يعمل بدون انترنت. تقدر تحمله من هنا

بعد كده هتبدا تحمل التطبيق ده عشان هيساعدك جدا فى القراءة التطبيق
اسمه "Xodo" وتقدر تحمله من هنا

إقرا ايضا: أفضل تطبيقات مفيدة ومجانية للهاتف - ستغير حياتك عند استخدامها

هتبدأ تشوف اخر جزء فى المعادله وهو القراءه العمليه..
ابدء حمل كتب عملية فى مجالك ومقالات واتعلم وانت فى المواصلات


او أقولك على تجربه شخصية، انا اتعلمت انجليزى من الهاند فرى
وانى اسمع انجليزى كتير من المواصلات واحسن كورس هيساعدك فى كده
هو الكورس ده وتقدر تحمله مجانا من هنا 

الخلاصة:

هتوفر من وقتك كل يوم نص ساعه او ساعه من المواصلات ومعاك الهاند فرى بتاعك
ومعاك كل الادوات اللى انت محتاجها

وبكده انت بقيت عايش جوه مملكتك وانت اللى مسيطر وبتتعلم وبتطور من نفسك
ومع الوقت هتلاقيك شخص تانى خالص وعندك مهارات كتير وتعيش بشروطك
وتعمل اللى بتحبه وعن تجربه وتقدر تشوف تجربه صاحبنا وقصته من هنا

وده جروب عملناه عشان نتابعكم ونتعلم كلنا مع بعض انضم للجروب من هنا

واختم: النجاح محتاج تعب وتمن لازم تدفعه لو حابب تنجح،
لازم تتخلى عن حاجات كتير ملهاش لزمه ومتعملش زى التيار

وتبدأ تستغل وقتك صح وتتعلم اللى بتبحه وتتعمق فيه وتقرأ كل يوم
وتشوف ايه المهارات اللى ناقصاك وتكتسبها،

غير كده هتعيش فى تعب ووهم النجاح وهتعانى وتقول مفيش شغل فى مصر
وهتعلق فشلك على شماعات كتير .. 

اكسر كل الحجج والشماعات وتوكل على الله "فاذا عزمت فتوكل على الله ان الله يحب المتوكلين"
Ahmed Sysy
Ahmed Sysy
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات

6 تعليقات
إرسال تعليق
  1. الردود
    1. ما شاء الله اللهم بارك
      والله مجهود كبير ورائع وربنا يجزيك عنا كل خير يا أستاذ أحمد ويجعله في ميزان حسناتك

      حذف

إرسال تعليق