تحميل كتب إلكترونية PDF: حمل أكتر من 50 مليون كتاب فى جميع المجالات + ترشيحات لكتب مفيدة - نادي القراءة العملية
404
نعتذر , لا نستطيع ايجاد الصفحة المطلوبة

23 يوليو 2018

تحميل كتب إلكترونية PDF: حمل أكتر من 50 مليون كتاب فى جميع المجالات + ترشيحات لكتب مفيدة

تحميل كتب PDF
الكتب الإلكترونية pdf تعتبر وسيلة مهمة جدا فى رحلتك لتطوير ذاتك، لانها بتكون متاحة معاك فى أى وقت و أى مكان.
وعشان كده مقالتنا النهاردة عن موقع تحميل كتب pdf مجانى يعتبر كنز لانه بيوفرلك اكتر من 50 مليون كتاب من الكتب الأكثر مبيعاً وفى جميع المجالات تقريبا..

الموقع اسمه"PDF Drive" وهنشرح ازاى تتعامل معاه و تحمل اى كتاب pdf من عليه بطريقة سهلة ومجانية و فى اخر المقالة هنرشحلك كتب مهمة جدا هتفيدك فى حياتك العملية وهتنمى عقلك وهتغير نظرتك لأشياء كتير عشان تبدا بيهم رحلة القراءة
و زى ما بنقول ديما " قارئ اليوم، قائد الغد "

وده فيديو بيشرح الموقع و ازاى تحمل كتب الكترونية pdf مجانا.

1- هتدخل على الموقع من اللينك ده: https://www.pdfdrive.net/
تحميل كتب PDF
هيظهرلك صفحة زى دى، وميزة الموقع انه مفيهوش اعلانات مزعجة، وكمان تقدر تحمل من عليه بلا حدود وكله ده مجانى وببلاش بطريقة شرعية.

2- هتلاقى ان الموقع مقسم الكتب حسب المجالات وتقدر تضغط على اى مجال مهتم بيه وهتلاقى كل الكتب المتعلقة بالمجال ده قدامك ، زى ما انت شايف فى الصورة كده، كتب فى كل المجالات، كتب فى اللغة و فى الدين و فى الادارة والماليات والكمبيوتر وحتى الروايات وغيرهم كتيير..
تحميل كتب PDF
هتلاقى بردو جمب كل كتاب عدد الصفحات وعدد المرات اللى تم تحميل الكتاب فيها وده بيدل على مدى قوة الكتاب ده.

3- تحيمل كتب pdf بصيغة عاليه ازاى؟

هتدوس على اى كتاب تحبه، هنجرب معاك بمثال، هنحمل كتاب الأب الغنى والاب الفقير "rich dad poor dad"
والكتاب ده بنرشحه دايما لاى حد عايز يتعلم ازاى يوصل للحرية المالية ويفهم طبيعة المال و ازاى يكسب فلوس ويتعامل معاها صح. لما هتدوس على الكتاب هيظهرلك صفحة زى اللى فى الصورة دى، وهتدوس على "download pdf"
تحميل كتب PDF
بعد كده هيظهرلك صفحة التحميل المباشر زى الصورة دى هتستنى شوية لحد ما يحمل لوحده ولو محملش هتدوس على Go to PDF وهيحمل معاك فى ثوانى وتقدر تقراها من على جهازك او موبايلك بجودة عالية جداا.
تحميل كتب PDF
و بكدة بقى معاك مكتبة كتب متحركة تقدر تستغل بيها وقت مواصلاتك او اى وقت فاضى معاك وتطور من نفسك.

ازاى تقرا بشكل عملى وتطور الانجليزى وفى نفس الوقت تتعلم مجالك اللى بتحبه؟!

تحميل كتب PDF
كل اللى انت محتاجه، تشوف مجال انت شغوف بيه، و تسال عمو جوجل او حد متخصص فى مجالك ايه افضل الكتب فى المجال ده . وتنزلهم pdf على الموبايل والاب او الجهاز بتاعك, وتبدا تشترى كشكول نضيف كده وكبير , وتجهز القواميس اللى هتحتاجها فى رحلتك زى مثلا " Dict Box Arabic " ده قاموس بيترجم انجليزى انجليزى عربى وبينطق الكلمه كمان ومش محتاج نت.

وتبدا تقرا بقى و الكلمه الجديده عليك روح ترجمها عربى افهمها الاول وبعد كده انجليزى وشوف ايه الكلمات اللى بتساوى نفس المعنى، متقلقش القواميس اللى قلتلك عليها بتديك اكتر من كلمه تساوى نفس المعنى، وتروح بقى ف كشكولك الجديد ده وتكتب الكلمه بس فى جمله كامله مش الكلمه لوحدها، ولخص فى الكشكول ده كل جمله شايف انها عمليه او هتاثر فى حياتك، و اوعدك انك لو عملت كده بعد 5 كتب هتلاقى نفسك بقيت شاطر جدا فى مجالك والانجليزى بتاعك اتطور جدا .. 

الكشكول اللى فى الصوره ده فى تليخص لاكتر من كتاب من الاكثر مبيعا على موقع امازون، الكشكول ده يعتبر الكنز بتاعى الصغنن.

ترشيحات كتب PDF مفيدة لكل طالب جامعى او ثانوى:

1/ One Minute Manager " من افضل الكتب فى الادارة "
2/ Who Moved my Cheese " من افضل الكتب فى التغيير و البيزنس "
3/ Think and Grow Rich " فكر و اصبح غنيا "
4/ Rich Dad & Poor Dad " الاب الغنى و الاب الفقير "
5/ The 4 Hour work week. " مهم جدا جدا جدا "
6/ Start with Why مرشح جدا لاى شخص.

وهنا هتلاقى اهم 10 كتب فى تنمية نفسك بشكل عام 
لينك البوست " https://goo.gl/Nx1DHi "

الخاتمة:
طبق الطريقة اللى فى المقالة دى وحمل كتب pdf خاصة بمجالك واقرا وطبق وهتشوف الفرق بعينك وهتلاقى القراءة غيرت حياتك للأفضل باذن الله.. وخليك متاكد اننا بنبذل أقصى مجهود عشان نوصلك محتوى يليق بيك ، فا نتمنى منك ما تبخلش على غيرك بانك تشارك معاه المقالة وتنشرها عشان نوصل رسالتنا لاكبر عدد ممكن من الطلبة.

حتى نعود كما كنا أمة اقرا

شارك المقال

0 تعليق

جميع الحقوق محفوظة لـ نادي القراءة العملية | تصميم :