-->

كيفية كتابة محتوى تسويقي محترف (لتحصل علي افضل نتائج)

محتوى تسويقي

مقالة النهاردة عن ازاى تعمل استراتيجى كاملة لكتابة محتوى تسويقى فيروسى يبنتشر بسرعة البرق!

يعني ايه محتوي تسويقي؟


المحتوي التسويقي هو رسالتك اللي انت بتقدمها لجمهورك المهتم باللي انت بتعمله بغرض تحويلهم من متابعين أو أغراب لمشتريين ومستهلكين للخدمه أو المنتج بتاعك

طب ايه هي انواع المحتوي التسويقي؟


أنواع المحتوي مختلفه ومتعدده جدا ، ممكن يكون المحتوي مرئي أو مسموع أو مكتوب
والصوره دي بتوضح أشهر أنواع المحتوي التسويقي

أنواع المحتوي التسويقي


مين المفروض يتعلم كتابة المحتوي التسويقي ؟


كون إنك بتشتغل أي حاجه تخص التسويق Marketing ، سواء إن كنت شغال في السوشيال ميديا ماركتنج Social Media Marketing ، تهيئة محركات البحث Search Engine Optimization (SEO) أو أي قسم يخص التسويق سواء كان أون لاين أو اوف لاين.طبعا لو انت كاتب او مؤلف او محرر صحفي فمن الضروريات انك تتعلم ازاي تكتب محتوي جذاب وشيق.

كيفية كتابة محتوى تسويقى قوي ومميز؟


عشان تعرف إجابة السؤال ده لازم تسأل نفسك كذا سؤال وتجاوب عليهم !

أولا Why ? ، ليه انت عايز تكتب محتوي أو بمعني أدق ايه غرضك من المحتوي اللي انت هتقدمه ؟

هل انت بتكتب محتوي عشان عايز تزود مبيعاتك ؟ هل محتاج تعمل ترويج وتعرف الناس بمنتجك او خدمتك ؟ وهكذا عشان كده لازم تكون كل حاجه محدده من البدايه

ثانيا Who ? ، مين الجمهور المحدد اللي انت بتقدمله المحتوي ده ، ودي حاجه انت بتكون محددها من البدايه عن طريق البحث التسويقي Marketing Research اللي بتكون محدد فيه كل حاجه عن جمهورك بداية من موقعه الجغرافي وعمرهم واهتمامتهم واسلوب حياتهم وما شابه ..

ثالثا What ? ، ايه هو نوع المحتوي المفضل لجمهورك هل بيفضلو النص المكتوب ولا الفيديوهات ولا الصور ولا المحتوي الصوتي ، وده بتحدده بطرقتين الاولي من البحث التسويقي اللي عملته في الاول ومن خبرتك في التعامل مع جمهورك ومدي تفاعلهم معاك علي كل نوع.

وعشان تعرف أكتر عن انواع المحتوي وتختار الانسب لجمهورك ادخل علي اللينك ده : 105 Types of Content

 رابعا when ، لازم تسأل نفسك احنا في اي وقت من السنه لأن كل وقت بتختلف فيه طريقة كتابة وعرض المحتوي ، بمعنب ان المحتوي اللي بيتعرض في رمضان غير الايام العاديه غير المحتوي اللي بيتعرض اليومين دول بمناسة عيد الحب فهمتني ؟

خامسا Where ? ، هتحط المحتوي بتاعك فين وطبعا اللي بيحدد إجابة السؤال ده هو تواجد جمهورك ، هل هو موجود علي الفيسبوك ولا تويتر ولا مش موجود علي السوشيال ميديا اصلا وموجود علي محركات البحث مثلا !

سادسا How ? ، ايه الاستراتيجيات والتقنيات اللي هتساعدك في عرض المحتوي الخاص بيك بأفضل طريقه ممكنه ..
طب دلوقتي بعد ما جاوبت علي كل الاسئله دي ، ايه هي بقي الطرق والخطوات الممنهجه اللي المفروض امشي عليها وانا بنشئ المحتوي بتاعي !

في واحد من خبراء التسويق في العالم اسمه Jonah Berger لخص الخطوات والنصائح للمحتوي المميز اللي ينتشر بسرعه في الاختصار التالي STEPPS

1-Social Currency


معناه طول ما عندك المعلومه المميزه والجديده كل ما الناس هتحب تتابعك وتشارك المعلومه وهيكون هنا انت المصدر بتاعها ، بمعني لو عرفت خبر إن مثلا شركة فيسبوك اشترت شركة جوجل مثلا ، وكنت انت من اوائل الناس اللي عرفت الخبر ونشرته عندك ، متخيل النطاق اللي هتنتشر فيه المعلومه دي وهيكون انت المصدر بتاعها

2-Triggers


دي معناها إنك لازم تكون دايما صاحي ومتابع لكل التراندات والاحداث اللي بتحصل حواليك عن طريق إنك تعمل Trend Jacking وتستغل الترندات دي لصالحك ، فاكر موضوع تودو وكادبري وازاي كل البرندات حاولت تركب الترند وكل يستغله لصالح ال industry  بتاعته

3-Emotional


دايما العاطفه بتأثر في الناس وبتمسهم ، والماركتير الشاطر اللي بيعرف يستغل العاطفه ويربطها بالمنتج او الخدمه اللي بيقدمها ، سواء كانت العاطفه حزينه او مفرحه وبتنتشر بشكل كبير .
فاكر الصوره دي اول لما نزلت علي السوشيال ميديا ازاي اثرت في الناس وانتشرت بشكل كبير جدا!


لطفل السورى

4-Public


اكيد المحتوي اللي بتنشره لازم يكون عام ومتاح لكل الناس انها تطلع عليه وتشاركه عشان ينتشر

5-Practical Values


لازم تهتم إن المحتوي اللي انت بتقدمه يكون بيقدم قيمه وفايده للناس اللي بيتابعوك ، مش لازم المحتوي اللي بتقدمه يكون كل غرضه بيع للمنتج بتاعك ، لازم يكون بيقدم فوايد وحاجه تفيد الناس عشان يحبوك ويتابعوك ويثقو فيك وساعتها محتواك هينتشر وهتبيع بأقل مجهود

6-Story


لو قدرت إنك تخلي محتواك بشكل قصصي شيق هينتشر بسرعه الصاروخ ، لأن القصص من الحاجات اللي بتعلق جدا مع الناس ، وهتخلي الناس دايما بتابعك بشغف ويكون عندهم الفضول يعرفو كل جديد في القصه اللي بتقدمها ، زي المسلسلات اللي بتكون قصتها قويه شوف بتنتشر ازاي ودايما الناس بتستني الحلقات الجديده بفارغ الصبر خصوصا لو الاحداث شيقه وتشد المشاهد ، ويمكن أكبر دليل علي مدي قوة تأثير القصه علي الناس إن ربنا سبحانه وتعالي لما جه ينزل علينا القرآن نزله بشكل قصصي ومعظم القرآن قصص زي قصة أهل الكهف وغيرهم كتير ..

هنا نكون وصلنا لنهاية مقالنا عن المحتوي التسويقي ، المحتوي التسويقي من الحاجات المهمه جدا واللي هيكون ليها دور كبير جدا الفتره الجايه واللي هيتميز فيها هو اللي هيكسب ، احنا هنا حاولنا نغطي مقدمه ومعلومات مفيده ولكن المحتوي التسويقي علم كبير جدا وهنحاول نغطيه بسلسلة مقالات متتاليه أكتر الفتره الجايه.

اقرا ايضا: 

7 اسرار تساعدك على زياده التفاعل على صفحه الفيس بوك بدون اعلانات