‎ بوابتك للتعلم الذاتى

7 أسرار لزيادة التفاعل على صفحات الفيس بوك بدون إعلانات! طرق مجربة

 7 أسرار لزيادة التفاعل على صفحات الفيس بوك بدون إعلانات! طرق مجربة
يحتوي هذا الموضوع على:

    زيادة التفاعل على صفحات الفيس بوك بدون إعلانات
    فى المقاله دى هنتكلم عن اسرار كتير فى خوارزميات الفيس بوك هتساعدك جدا فى زيادة التفاعل على صفحة الفيس بوك الخاصه بيك من غير ما تدفع ربع جنية فى الاعلانات!

    خلينا الأول نعرف بعض الاحصائيات عن الفيس بوك:

    1/ هل تعلم ان عدد الناس اللى بتسخدم الفيس بوك شهريا هو 1.94 مليار مستخدم. 

    المصدر : (Source: Facebook 5/3/17)

    2/ اكتر من 50 مليون صفحه تجارية بيسوقوا لأعمالهم ومنتجاتهم الخاصة على الفيس بوك.
    المصدر : https://www.forbes.com

    الاحصائيات دى تخلينا ندرك قوه الفيس بوك ..

    ولكن ..

    المشكله اللى بتقابلنا كلنا ان ازاى نسوق للبيزنس الخاص بينا وسط الزحمة دى كلها؟!

    قدامك حلين "اما انك تعمل إعلانات مموله كتير على الفيس بوك عشان تقدر تظهر وسط الزحمة والحل ده بيكون مكلف شويتين"

    او انك تفهم خواريزميات الفيس بوك والعوامل اللى بتحدد ظهور البوستات لمعجبين صفحتك.

    وممكن تستعين بالمقالتين الرائعين جدا دول لو عايز تتعمق فى فهم خواريزميات الفيس بوك
    1- The Facebook Algorithm Demystified: How to Optimize for News Feed Exposure

    2- Edgerank: A Guide to the Facebook News Feed Algorithm

    طب تعالو مع بعض نحكى قصه صغيره وبعدها نفهم العوامل التى تحدد ظهور البوستات للمعجبين بصفحتنا على الفيس بوك ..

    " أحمد عمل حساب على الفيس بوك وبدأ يعمل لايك للصفحات المهتم بيها لحد ما اشترك فى 1000 صفحة، وكل صفحة فيهم بتنزل بوستين او تلاته فى اليوم، وكده هنكون بنتكلم فى حوالى 3000 بوست يوميا المفروض تظهر فى صفحة أحمد الرئيسيه 
    وهنا بيجى دور الخواريزمات الخاصه بالفيس بوك وطبعا مش بيظهروا كل البوستات دى فى صفحة أحمد .. تعالو نشوف مثال عملى مع بعض بالصور"

    صفحة من الصفحات اللى أحمد عاملها لايك هى صفحة نادى القراءة العملية  ومشترك فيها اكثر من 21 الف شخص.


    نادى القراءه العمليه

    هنلاقى فى الصوره دى ان البوست ده وصل لاكتر من 1000 شخص من 13000 شخص مشترك فى الصفحه. !

    نادى القراءه العمليه بناهلك للحياه العمليه بعد الجامعه

    وهنا وصل ل 940 شخص فقط ..


    ولكن فى الصوره دى البوست وصل لاكتر من 11000 شخص من المشتركين من غير اعلانات وعمل تفاعل عالى جدا

    نادى القراءه العمليه 2017

    وهنا اخر بوست وصل لأكثر من عدد المعجبين والمشتركين فى الصفحه اصلا!



    طبعا اول سؤال فى بالكم دلوقتى " طب ايه اللى بيحدد ظهور البوستات لعدد كبير أو قليل رغم ان كلهم مشتركين فى نفس الصفحه؟"

    ومن هنا نبدا مقالاتنا والخطوات العمليه ونعرف الاسرار ..

    الحقيقه فى عوامل كتير جدا بتحدد البوستات اللى تظهر فى الصفحات الرئيسيه لمستخدمى الفيس بوك . زى ما مكتوب فى الصوره كده , وهنحاول نشرح بعض العوامل ولو عرفتها وطبقتها هتعلى التفاعل على صفحتك من غير اعلانات ..


     7 أسرار لزيادة التفاعل على صفحات الفيس بوك بدون إعلانات! طرق مجربة

    العامل الاول : هو "Interest"

     بمعنى؟ الفيس بوك بيعرف اهتمامات المستخدمين زى مثلا بيحبو ايه، مهتمين بايه، محتاجين يتعلمو ايه، ايه المجالات اللى بيحبوها , الخ الخ  وغالبا كل حاجه عن المستخدمين عشان كده كل ما كان المعجبين بصفحتك مهتمين بيها وزى ما بيقولو كده " Highly targeted people " انت استهدفتهم صح والناس دى مهتمين جدا بالمحتوى بتاعك وبيعملوا " لايك او تعليق او مشاركة أو حتى بيحفظو البوست " كل ده بيعرف الفيس بوك انهم مهتمين بالمحتوى بتاعك وهيبقى فرصه ظهور بوستاتك ليهم عاليه جدا ..

    لان هدف الفيس بوك الاول و الاخير انه يخلى المستخدم يشوف اللى المتهم بيه

    هدف الفيس بوك

    العامل الثانى : " Post " بمعنى ؟

    لما بتنزل بوست على صفحتك بيظهر لعدد قليل جدا من الفانز بعد نزوله مباشره , مثال لو عندك 3000 معجب او متابع, هيظهر عند 100 بس فى اول ربع ساعه مثلا ,واذا ال100 متابع دول تفاعلو مع البوست هيبدا الفيس بوك تلقائى يوصل البوست لعدد اكبر وكل ما كان البوست عليه تفاعل كتير هتزيد نسبه الوصول جدا زى ما وضحنا فى المثال فى اول المقاله عن صفحه نادى القراءه العمليه.

    العامل الثالث : " Creator " بمعنى؟

    الشخص اللى كتب البوست لو كان الاداء ونسبه الوصول للبوستات اللى كتبها قبل كده عاليه , ده هيزود فرصه ظهور البوست للمتابعين الجدد. لان احيانا بيكون اكتر من ادمن فى الصفحه , فركز جدا على المحتوى اللى بتنزله انه يكون مفيد وحصرى وبيناسب اهتمامات المتابعين لصفحتك .

    العامل الرابع : " Type " بمعنى؟

    نوع البوست اللى بتنزله سؤاء كان " كتابه - صوره - فيديو - لينك .. الخ " لان مش كل البوستات هتعمل تفاعل وتوصل لعدد كويس من الناس , واختلفت الاراء ما بين ان افضل نوع من البوستات يكون صور ولا فيديو ولا كتابه فقط ؟

    الحقيقه رغم ان كل الابحاث بتقول ان أفضل نوع هو الصور والفيديو الا انها قاعده غير ثابته وانت عليك انك تكتشف ايه النوع اللى متابعينك بيحبوه ويتفاعلو معاه اكتر وده هتعرفه عن طريق التجربة، جرب كل شويه نوعيه بوستات مختلفه وشوف ايه فيهم بيجيب تفاعل عالى وركز عليه.

    العامل الخامس والاخير: " Recency " بمعنى؟

    هل البوست ده جديد وحصرى و المتابعين هيهتمو بيه اكتر من باقى البوستات؟
    فحاول ديما تنزل بوستات جديده، سؤاء كان خبر حصرى، مقاله جديده فى مجالك، اخر تحديثات فى الصناعه المختص بيها وهكذا.

    دول كده 5 عوامل بس زى ما قلنا فى اول المقاله ان فى عوامل كتير جدا جدا، وكل شويه الفيس بوك بيغير الطريقه اللى بيحدد بيها العوامل دى وباذن الله هحاول كل فتره انزلكم اخر التحديثات .

    استنو احنا لسه مخلصناش، حد فيكم هيقول كل الكلام ده جميل بس انا محتاج كام خطوة عملية تساعدنى انى ازود التفاعل ونسبة وصول البوستات على صفحتى!

    يلا بينا هشير معاكم دلوقتى طرق مجربه عمليا وجابت نتائج عاليه جدا ونقلت الصفحه من 5000 متابع ل 13الف متابع فى حوالى شهر بدون اى اعلان

    1/ اول سر معانا هو ال " Targeting " بمعنى الاستهداف، اغلبنا فاهم ان الاستهدافات، وانى احدد مين يشوف البوست بتكون فى البوستات المموله بس! ولكن خلينى اقولك انك تقدر تستهدف ناس معينه مجانا تماما، وده هيساعدك انك توصل البوست بتاعك للناس اللى فعلا هتهتم بيه زى ما اتكلمنا فى اول عامل وهو " Interest ".

    وهشرحكلم بالصور ازاى تستخدمو ال " Targeting " على صفحتكم.


    بعد كده هقدر احدد الجمهور المستهدف من ناحيه الاهتمامات - السن - المكان اللى عايش فيه - اللغه .. الخ .



    2/ السر التانى : احنا نقدر نلعب شويه مع خواريزميات الفيس بوك ونجبرها انها تظهر البوستات للمتابعين والمشتركين فى الصفحه بغير اعلانات خالص عن طريق اننا هنطلب من المتابعين يعملو See First و All On زى ما موضح فى الصوره. لما المستخدم بيعمل كده بتظهرله البوستات فى صفحته على طول اول باول . و طبعا عشان المتابعين يعملو كده مع صفحتك لازم تكون بتنزل محتوى قيم ومفيد وتخليهم يحبوك ويحبو اللى بتقدمه .




    3- الهاشتاج: بلاحظ ناس كتير جدا بتعمل فرح هاشتاجات :D وللاسف ده غلط. زى ما مكتوب فى الصوره دى كده
    " Too many hashtags leads to less Interations "
    كل ما بتزود فى الهاشتاج ده بيقلل نسبه وصول البوست للمتابعين، مطلوب منك هاشتاج واحد او اتنين بالكتير, مع محتوى كويس طبعا لان ديما المحتوى هو اللى بيفرق زى ما بيقولو "Content Is King" طالمحتوى هو الملك" جرب محتوى كويس مع 2 هاشتاج وطبق كل اللى اتكلمنا فيه فى مقاله النهارده وشوف الفرق بنفسك.



    اتمنى تكون المقاله دى هتفيدكم و تقدروا تحققو هدفكم من السوشيال ميديا، وطبعا مقالة وحده لا تكفى فى الموضوع ده، واكيد فى اسرار وطرق تانى كتير، وهنبقى نتكلم فيها فى المقالات القادمه باذن الله بشرط اذا عجبتكم المقاله دى طبعا. هنتظر تعليقاتكم والفيدباك بتاعكم وتجربه كل واحد فيكم بعد ما يجرب الطرق دى. انا شيرت معاكم أسرار محدش اتكلم فيها قبل كده فرجاءا لا تبخل فى انك توصل الاسرار دى لكل اللى محتاجها. وافتكروا ديما " نور العلم يكتمل بالتطبيق "

    للحصول على الكورس المجانى اضغط هنا

    ازاى العزله غيرت حياتى 180 درجه لما استخدمتها صح 

    لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "

    Ahmed Sysy
    @مرسلة بواسطة
    مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

    إرسال تعليق