-->

الايميل الجامعي: كل ما تريد معرفته - كنوز بآلاف الدولارات (متضيعهاش)


لو انت طالب جامعى فأنت معاك كنز تحت ايدك يساوى آلاف الدولارات حرفيا.
كل ده عن طريق الايميل الجامعي بتاعك، وهتعرف خلال المقال ده كل حاجة عن الايميل الجامعى 
ومميزاته وازى تفعله وتستفيد من كل الكنوز دى.

ما هو الايميل الجامعى؟


ده ايميل مخصص لطلاب الجامعات بينتهى بدومين خاص بالجامعة بتاعتك، 
ويعتبر الايميل الجامعى هو وسيلة التواصل الرسمية بينك وبين الدكاتره والجامعة بشكل عام. 
زى مثلا انك تسلم منه الابحاث بتاعتك للدكاتره.

طريقة تفعيل الايميل الجامعي


كيفية الحصول على الايميل الجامعي مجانا


في طريقتين قدامك عشان تحصل على ايميلك الجامعى، أول طريقة ودى المضمونة
  1. هتروح لمكتب الـ IT في جامعتك أو كليتك أو اسمها وحدة تكنولوجيا المعلومات.
  2. هتقدم طلب بإنك عايز تعمل ايميل جامعي.
  3. بتملى أبلكيشن التقديم للحصول على الإيميل الجامعي الخاص بيك
    بيكون عبارة عن إنك بتكتب معلوماتك الشخصية وكدة
    وأحيانا بيكون ثمنه 5 جنيه أو مجاني حسب الكلية أو الجامعة.





الطريقة التانية، بس مش متاحة لكل الجامعات!

هى انك بتبحث باسم الجامعة بتاعتك فى جوجل + الايميل الجامعى

على سبيل المثال (جامعة القاهرة الايميل الجامعى) وبتدخل على أول نتيجة 
وبتملئ استمارة فيها بياناتك وايميلك الشخصي عشان يبعتولك بيانات ايميلك الجامعى.

ملحوظة: بعض الجامعات بتنزل على موقعها الالكتروني لينك للطالب
بحيث إنهم يدخل الرقم القومي بتاعه فيظهر الايمل الجامعي الخاص بيه
والباسوورد المبدأي في ثواني ويقدر كمان يفعله بكل سهولة.


كنوز الايميل الجامعى | 25 خدمة مدفوعة مجانا من Microsoft Azure

كل الخطوات موضحة فى الفيديو ده



كيفية تفعيل الايميل الجامعي


طريقة تفعيل الايميل الجامعي سهلة جدا ومش هتاخد اكتر من دقيقتين


  1. بعد ما بتاخد بيانات الايميل بتاعك بتدخل على موقع ميكروسوفت
    وبتعمل تسجيل دخول وبتكتب البيانات بتاعتك
  2. هيطلب منك تعمل باسورد جديد غير اللى انت استلمته من الجامعة
  3. اتاكد ان الباسورد الجديد قوى وفيه حروف كابيتال وأرقام وهكذا، واحفظه فى مكان أمين
  4. بعدها هيطلب منك تدخل ايميل تانى عشان يقدر يوصلك عليه
    لو حصل اى حاجة لايميل الجامعة
  5. بتدخل ايميلك الشخصي عادى ويفضل يكون عندك ايميل على الجيميل
  6. اخر خطوة بتدخل على Outlook وبتدخل بيانات ايميل الجامعة
    بتاعك عشان تتابع من هناك كل حاجة تجيلك عليه


ما هي مميزات الإيميل الجامعي؟

الايميل الجامعى يعتبر كنز حرفيا، لان من خلاله تقدر تحصل
على خدمات كتير جدا مجانا او بتخفيض كبير، زى:

  1. بتحصل على نسخة ويندوز أصلية مفعلة مجانا
  2. بتحصل على جميع خدمات ميكروسوفت زى
    (الاوفيس - الاكسل - الباوربوينت وغيرهم) مجانا
  3. نسخة مدفوعة مجانا من موقع Notion الشهير: من هنا
  4. نسخة مدفوعة مجانا لمدة 6 شهور من موقع Lastpass: من هنا
  5. نسخة مدفوعة مجانا لمدة سنة كاملة من موقع Canva للتصميم وتعديل الصور اونلاين
  6. نسخة مدفوعة مجانا من موقع Prezi المتخصص في عمل البرزنتيشن والعروض التقديمية
  7. توصيل مجانى من امازون وتخفضيات على منتجات كتير
  8. دومينات واستضافات مجانا من موقع نيم دوت كوم
  9. خصم من 5 ل 10 % تقريبا لما تشتري اى منتج من منتجات Apple
  10. خصم 60% على كل منتجات Adobe الشهيرة
  11. الحصول على جميع برامج Auto desk الخاصة بالهندسة مجانا
  12. بتوفرلك 1 تيرا بايت كمساحة تخزينية ليك لوحدك
  13. وغيرهم كتير من الكنوز اللى هنعرفكم ازاى تحصلوا عليها على قناتنا على اليوتيوب بالتفصيل

وصلنا لنهاية المقال واعتقد كدة انت عرفت الكنز اللى تحت ايدك يساوى كام، وازاى توصله.

عرفنا فى الكومنتات اسم الجامعة بتاعتك وعرفت تعمل الايميل الجامعى بتاعك ولا لا؟