تعلم الانجليزي مع مايكل يوسف - خطة المستوى المتوسط (تحميل مباشر)

 تعلم الانجليزي مع مايكل يوسف - خطة المستوى المتوسط (تحميل مباشر)
     تعلم الانجليزي من الصفر مع مايكل يوسف
    كثير من الشباب يتسائلون عن خطط مستر مايكل يوسف الخاصة بتعلم اللغة الإنجليزية، ويوجد شباب مازالوا يبحثون عن طرق تساعدهم في تعلم اللغة، لذلك جمعنا لك في هذا المقال خطط مستر مايكل لتعلم اللغة الانجليزية والتي حازت على تقييم إيجابي من الكثيرين الذين التزموا بها.

    وتنقسم الخطط الأساسية لثلاث مستويات:
    • خطة المستوى المبتدئ
    • خطة المستوى المتوسط 
    • خطة المحادثة 
    تكلمنا عن خطة المستوى المبتدئ وكيف تعرف مستواك في اللغة الانجليزية بمقال سابق وتستطيع الدخول إليه من هنا : تعلم الانجليزي من الصفر مع مايكل يوسف - خطة المبتدئين

    وفي هذا المقال سنسرد لك خطة المستوى المتوسط.

    لأول وهلة قد تجد أن المقال طويل وتهم بالخروج لكن تأكد إنك ستستفيد كثيرًا إذا قرأته للنهاية لإنه مقسم أجزاء ونقاط لسهولة قراءته وفهمه.

    ملحوظة: جميع الكلام الآتي مأخوذ من مشاركات سابقه لمستر مايكل.

    ثانيًا: خطة المستوى المتوسط لتعلم الانجليزي

    ياريت تقرأ الخطة اكتر من مرة و ماتكسلش لانك لو كسلت تقرأ اربع صفحات عربي هتذاكر ازاي كام كتاب بالانجليزي؟

    الخطة للناس تحت المستوى المتوسط في اللغة الانجليزية علشان يطلعوا مستوى فوق المتوسط. الخطة دي هتوفرلك على الاقل 6000 جنيه فى كورسات ملهاش أي فايدة وهتقوي اللغة عندك في خمس شهور. الموضوع محتاج صبر واجتهاد والتزام بالجدول و ربنا هيوفقك اكيد لو تعبت.

    وعموما الخطة مرتبة بشكل إن الشيء هيتكرر مرة واتنين وجايز ثلاثة وهتفهم هتفهم متقلقش.

    مين ممكن يقول علي نفسه مستواه متوسط؟
    • لو بتعرف قواعد جرامر زي الازمنة و لكن مش عارف تستخدمها.
    • لو بتعرف أنواع الأسماء و الصفات و الحال.
    • لو عندك حصيلة كلمات و بتقدر تتكلم ولكن حاسس انك مش عارف تعبر عن نفسك كويس.
    • لو بتعرف تقرأ وتسمع انجليزي وتفهم ولكن مش اوي.

    1- مدة الخطة وما ستحتاج إليه:

    • الخطة هتاخد خمس شهور مذاكرة من ساعتين الى 3 ساعات يوميًا.
    • هتذاكر كل يوم من ساعتين لـ ثلاث ساعات يوميًا.
    • هتحتاج قاموس انجليزي - عربي واخر انجليزي - انجليزي.
    " تستطيع الإختيار من القواميس المقترحة للأندرويد في مقال سابق للدخول إليها اضغط هنا "
    • هتحتاج 4 كتب أساسيين وهم
    English Vocabulary in Use Pre-intermediate and Intermediate
    English Vocabulary in Use Upper-intermediate
    English Grammar in Use Intermediate
    English Phrasal Verbs in Use

    هتلاقي رابط للكتب pdf في نهاية الخطة هنا ولو حابب تذاكر منهم ورقيًا ممكن تروح تطبعهم عند أي مكتبة تعرفها، أو بننصحك بمكتبة فاست برنت هنسيبلك تفاصيل عنها في نهاية الخطة برده.

    لازم تعرف ان الموضوع مش انك تمسك كتاب وتذاكره لان ناس كتير ذاكروا ومستواهم متحسنش، المهم تعرف تعمل ايه و ازاي تذاكر وعلشان كده اتعملت الخطة.

    2- أهداف خطة تعلم الانجليزية للمستوى المتوسط:

    • انك تتعلم اكتر من 2000 كلمة و تعبير و جملة جديدة.
    • انك تتعلم استخدام الجرامر (مش مجرد تعرف القاعدة و مش تعرف تستخدمها).
    • انك تتعلم أفعال مركبة ومتلازمات لفظية وعبارات اصطلاحية تفيدك في التعبير عن نفسك وانك تقدر تتكلم في اي موضوع عايزه بطلاقة.
    • انك تكون جاهز لامتحانات زي الايلتس و التوفل بعد الخطة بمجرد انك تذاكر كتاب عن الامتحان بس.
    • انك تتكلم و تكتب انجليزي كويس و لوحدك بدون كورسات او مساعدة من حد.
    • واهم شيء انك تتعلم ازاي تذاكر لواحدك وتنجح في حياتك والخطة مش هتفيدك في الانجليزي بس لكن ممكن تساعدك في حاجات كتير.

    3- ملاحظات و نصائح قبل البدء: ( اقرأ الملاحظات والشرح اكتر من مرة قبل ما تفكر تبدأ الخطة )

    • اعمل كشكول للكلمات مرتب ابجديا ، يعني مثلا اعمل لكل حرف ….A B C D خمس صفحات، وقسم الصفحة اربع اعمدة واكتب اي كلمة تقابلك في الكتب بترجمتها فيه.
    • بلاش تحفظ كلمات بالكتابة (موضوع انك تكتب كل كلمة 100 مرة دا غلط و مضيعة للوقت)، أنت بس هتنطق الكلمة مع القاموس الانجليزي خمس مرات بعد لما تعرف معناها من قاموس انجليزي عربي و هتسجلها مرة في الكشكول، وكل يوم بليل راجع عشر دقايق علي الكلمات الجديدة بتاعت اليوم واقرأ الكشكول كله مرة في الاسبوع مجرد قراءة بس، بكدا لو نسيت معنى الكلمات هتفتكرها تاني، وطبيعي جدا في البداية انك تنسي كتير متقلقش الموضوع بالممارسة هيتحسن جدا.
    • هيقابلك مشكلة ترجمة الأفعال المركبة زي Get on, get away, come along and put out وكمان مشكلة في ترجمة التعبيرات; الكتب بتشرحلك بالانجليزي المعاني بتاعت الحاجات دي و علشان تنقل نفسك من المستوى تحت المتوسط للمستوي فوق المتوسط وممكن نقول قبل المتقدم، لازم تتعب وتجتهد وتصبر وتحاول وتفهم الشرح بالانجليزي عشان هي دي "مرحلة الانتقال".
    • ممكن تترجم الأفعال المركبة في البداية على ترجمة جوجل مثلا لكن مش هتبقي دقيقة.
    • اوعي تترجم جمل كاملة علي جوجل او اي مترجم انجليزي - عربي لسببين:
    1. مش دقيقة لان الكمبيوتر مش بيفكر و مش بيقدر يترجم زينا ابدا.
    2. كده عمرك ما هتتعلم انجليزى.
    • لازم تقرأ و تذاكر بصوت، اي كلمة المفروض تنطقها مع القاموس لغاية ما توصل للنطق السليم.
    • اقرأ كل الجمل اكتر من مرة بصوت لان دا نوع من انواع ممارسة اللغة، الكتب مليانة جمل من محادثات وجمل للكتابة بالانجليزية وبالتالي لما تقرأ بصوت انت بتمرن نفسك وتمارس اللغة.
    • اعرف إن مفيش محادثة بدون جرامر ابدًا، يعني أي حد بيعلمك ويقولك دورات محادثة بدون جرامر يبقى بيضحك عليك، مش هتعرف تتكلم بدون جرامر ابدًا يعني هو الأساس.
    • اغلب الناس بتقول ان مستواهم متوسط في اللغة وبلاقي إنهم مبتدئين، قواعد جرامر كتير بسيطة مش بيعرفوها بالتالي بفضل إن الناس كلها تضع أساس سليم عشان تعرف تطور اللغة بتاعتها صح.
    • الكتب مقسمة لوحدات مش فصول، الوحدة صفحة شرح وصفحة تدريبات وفي آخر الكتاب اجابة التدريبات.
    • الخطة مش هتمشي بترتيب الوحدات زي ما هما في الكتاب، انا عامل ترتيب مختلف اكثر افادة لكم ولازم تمشي عليه.
    • انت مش طالب، يعني مش هتذاكر الخطة عشان تدخل امتحان في الآخر ولكن عشان تتعلم انجليزي وتعرف تعبر عن نفسك وتستخدمه صح.
    • هتقول مش هعرف اذاكر لوحدي ولازم حد يشجعني! يبقي عمرك ما هتذاكر، اتعب في أول الخطة و بعد كدا هتستريح في اللغة وهتستمر.
    في ناس كتير عملوا اكتر من جروب بإسم الخطة علشان يشجعوا بعض و بيضيفوا اصدقائهم و دا شيء مشجع بصراحة ويفضل الجروب يبقى أقل من 100 عضو عارفين بعض علشان يبقى فيه تفاعل اكتر بينهم.

    4- ازاي تذاكر كتابين الكلمات English Vocabulary in Use ؟

    • هتذاكر وحدة من كتاب المستوى قبل المتوسط ( Pre Intermediate ) ووحدة من كتاب المستوي فوق المتوسط ( Upper Intermediate ) " زي ما هقول في الجدول الأسبوعي" ذاكر صفحة الشرح من الكتابين الأول وبلاش تحل التدريبات وبعد ما تذاكرهم حل التدريبات بتاعت الوحدتين مع بعض، لكن لو مفيش تكمله للوحدة من كتاب فوق المتوسط هتذاكر عادي زي ما هقول في الجدول بس.
    • ترجم اي كلمة مش عارفها الي العربية وانطقها مع قاموس انجليزي - انجليزي واكتبها في الكشكول بتاعك.
    • هتلاقي الكتاب بيشرح الكلمات بالانجليزي افهم (مش تحفظ مفيش فيها حفظ خالص) المعنى بالانجليزي وكرره بصوت ولازم تذاكر بصوت.
    • اكتب الامثلة بايدك في كشكول مرة او اتنين برده وانت بتقولها، او علي الكمبيوتر مفيش مشكلة.
    • حِل التدريبات الخاصة بالوحدتين من الكتابين بقلم رصاص الأول وبعدين ارجع شوف الحل الصحيح من آخر الكتاب، امسح اي حل غلط واكتب الصح وانطق الجمل الصح كلها مرتين ( بس اهم شيء انك تكون عرفت النطق الصحيح لكل كلمة من القاموس الأول ).
    • محتاج تعرف كل كلمة بتيجي اسم وفعل وصفة ولا اسم بس ولا صفة بس ولا ايه فاكتب رموز بجانب المعنى في الكشكول يعني مثلا Wrong بتيجي اسم و فعل وصفة وحال، ممكن تكتبها كدا في الكشكول بتاعك ( Wrong ( n, v, adj, adv
    طبعا الاختصارات كالاتي:
    N = noun, v = verb, adj = adjective and adv = adverb

    الموضوع ممكن يبقى صعب عليك في الاول علشان مستواك تحت المتوسط ولكن مع المذاكرة هتبقي تاخد بالك من الاستخدامات و دا شيء آخر هينقلك مستوى فوق المتوسط.
    لازم كمان مع الوقت تخمن النطق و المعنى بتاع الكلمة قبل ما تشوفها في القاموس، يعني لما تقابل كلمة جديدة خمن المعنى من الجملة وحاول تخمن النطق وبعد كده شوف في القاموس.

    5- ازاي تذاكر كتاب الجرامر English Grammar in Use ؟

    • نفس الشيء الوحدات صفحتين صفحة شرح وصفحة تدريبات والحل في آخر الكتاب، انا مرتب الوحدات بشكل مختلف عن الكتاب و انت محتاج بس تنطق كل كلمة.
    • في شيء ضروري لازم تعمله من اول يوم وهو انك تعرف تصنيف الكلمات ايه، يعني مثلا ?Are you hungry الثلاث كلمات دول ايه؟ فعل و اسم و اسم؟ ولا صفة ولا حال ولا ايه بالظبط ،.. وأي كلمة تشك فيها افتح قاموس انجليزي - انجليزي زي اكسفورد مثلا وشوف هي صفة ولا اسم ولا فعل ولا حال ولا ايه.
    • حل التدريبات زي ما شرحت قبل كده ،.. كمان مهم جدا انك تبدأ تستخدم الجمل علطول يعني زي المثال السابق ممكن تسأل صديق مقرب لك ?Are you hungry مثلًا ، اكتبها وانطقها واستخدمها.
    • الخطة دي مش للمبتدئين يعني انت عارف جرامر و بالتالي المفروض انك مش هتتعب اوي في الكتاب ولكن محتاج تقرأ الوحدة مرة بسرعة في خمس دقايق و بعدين تقرأ مرة تانية تطلع الكلمات الجديدة و تترجمها وتنطقها و بعدين تقرأ مرة تالتة وتفهم الشرح وتفكر فيه.

    ان شاء الله هنزل مشاركات عن الجرامر من الاول خالص هتبقى مفيدة للناس كلها بغض النظر عن المستوى .. ولكن أنت هتعتمد على نفسك في الخطة.

    6- ازاي تذاكر كتاب الأفعال المركبة English Phrasal Verbs in Use ؟

    • الأفعال المركبة ضرورية علشان تتكلم انجليزي كويس و تكتب كمان والكتاب فيه حوالي 1000 فعل مركب مقسمة على 70 وحدة.
    • الكتاب مليان جمل محادثات علشان محدش يقول الخطة مش بتقوي المحادثة، المهم انك تنطق وتتمرن وتتكلم حتى لو هتتكلم مع نفسك المهم تنطق وتذاكر بصوت.
    • الوحدات بتقدملك الأفعال المركبة مع الشرح والأمثلة على استخدامها وأي ملاحظات خاصة بالفعل وبعدين تدريبات.
    • وانت بتذاكر هتفتح قاموس زي اكسفورد او لونجمان وتعمل بحث عن الفعل وبعدين تنزل تشوف الفعل المركب معناه ايه، يعني لو مثلا لاقيت في الوحدة فعل زي Make out هتلاقي الشرح بيقول Make someone out = understand why someone behaves as they do وهتلاقي أمثلة تحت في الوحدة ولكن انت لسه مش فاهم!، افتح القاموس وابحث عن الفعل لوحده وبعدين انزل و دور على الفعل المركب وشوف المعنى والمثال هتفهم اكتر. الاسلوب دا هينقلك من المستوى تحت المتوسط للمستوى فوق المتوسط وقبل المتقدم وهيبقي مستواك اعلى من 90% من المدربين في أي مركز مع الوقت.

    7- جدول خطة تعلم الانجليزية الاسبوعي:

    هرتب الوحدات شكل مختلف عن الكتب وكل اللي عليك انك تذاكر بنفس الترتيب التالي كل يوم من ساعتين لـ 3 ساعات

    الأسبوع الأول

    أول يوم

    هتذاكر من كتاب English Vocab Pre-intermediate

    Unit 41 Countries, nationalities and language

    ومن كتاب English Vocab Upper-intermediate

    Unit 35 Countries, nationalities and language

    تاني يوم

    من كتاب English Vocab Pre-intermediate
    Unit 38 Weather
    ومن كتاب English Vocab Upper-intermediate
    Unit 36 Weather

    تالت يوم

    من كتاب English Vocab Pre-intermediate
    Unit 37 The physical world
    ومن كتاب English Vocab Upper-intermediate
    Unit 51 the natural world

    رابع يوم
    من كتاب English Grammar in Use

    Unit 1 and 2

    خامس يوم
    من كتاب Phrasal Verbs in Use

    Units 1 and 2

    سادس وسابع يوم
    من كتاب English Vocab Pre-intermediate
    Unit 39 Using the land
    Unit 40 Animals and insects
    ومن كتاب English Vocab Upper-intermediate
    Unit 42 Global Problems
    Unit 49 The Environment

    الأسبوع الثاني

    أول يوم

    هتذاكر من كتاب Phrasal Verbs in Use
    Unit 3

    تاني وتالت يوم
    من كتاب English Grammar in Use
    Units 3,4,5 and 6

    باقي الاربع ايام
    من كتاب English Vocab Pre-intermediate
    Unit 42 The body and what it does
    Unit 43 Describing people’s appearance
    Unit 45 Human feelings and actions
    Unit 44 describing character
    ومن كتاب English Vocab Upper-intermediate
    Unit 37 Describing people: appearance
    Unit 38 Describing people: character
    Unit 39 relationships

    الأسبوع الثالث

    أول يوم
    هتذاكر من كتاب English Grammar in Use
    Units 98 and 99

    تاني يوم
    ومن كتاب Phrasal Verbs in Use
    Units 4 and 5

    تالت يوم
    من كتاب English Grammar in Use
    Units 100 and 101

    رابع يوم

    من كتاب English Vocab Pre-intermediate
    Unit 46 Family and friends
    Unit 47 Ages and stages

    باقي التلات ايام
    من كتاب English Grammar in Use
    Units 7,8,9 and 10
    Phrasal Verbs in Use
    Units 6 and 7

    الأسبوع الرابع

    أول يوم
    هتذاكر من كتاب English Vocab Pre-intermediate
    48 Daily routines
    49 Homes and buildings

    تاني وتالت يوم

    من كتاب English Vocab Pre-intermediate

    Unit 50 Around the home 1
    Unit 51 Around the home 2
    ومن كتاب English Vocab Upper-intermediate
    Unit 40 at home

    باقي الاربع ايام
    English Grammar in Use
    Units 69, 70, 71, 72, 73, 74, 75 and 76

    الأسبوع الخامس

    أول ثلاث أيام
    هتذاكر من كتاب English Grammar in Use
    Units 77, 78, 79, 80 and 81

    رابع يوم
    من كتاب Phrasal Verbs in Use
    Units 8 and 9

    اخر ثلاث ايام
    من كتاب English Vocab Pre-intermediate
    Units 27, 28,29 and 30

    الأسبوع السادس

    أول يوم
    هتذاكر من كتاب English Vocab Pre-intermediate
    Units 31 and 32

    تاني وتالت يوم

    من كتاب English Vocab Upper-intermediate
    Units 11, 12, 13 and 14

    رابع وخامس وسادس يوم
    من كتاب English Vocab Upper-intermediate
    Units 29, 30, 31, 32, 33 and 34

    سابع يوم
    من كتاب Phrasal Verbs in Use
    Units 10 and 11

    الأسبوع السابع

    English Grammar in Use
    Units 26, 27, 28, 29, 30, 31, 32, 33, 34, 35, 36 and 37

    الأسبوع الثامن

    أول يوم
    هتذاكر من كتاب English Vocab Pre-intermediate
    Unit 54 Health: illness and disease
    Unit 55 Health: injuries
    ومن كتاب English Vocab Upper-intermediate
    Unit 53 Health and medicine

    تاني وتالت يوم
    من كتاب Phrasal Verbs in Use
    Units 12,13,14 and 15

    اخر اربع ايام
    من كتاب English Grammar in Use
    Units 11, 12, 13, 14,15, 16, 17 and 18

    الأسبوع التاسع

    اول 3 ايام
    هتذاكر من كتاب English Vocab Pre-intermediate
    Units 7, 8, 9, 10, 11 and 12

    رابع وخامس يوم
    من كتاب English Vocab Upper-intermediate
    Units 8, 9, 10, 16 and 17

    سادس وسابع يوم
    من كتاب Phrasal Verbs in Use
    Units 16, 17 and 18

    الأسبوع العاشر

    أول خمس أيام
    هتذاكر من كتاب English Grammar in Use
    Units, 82, 83, 84, 85, 86, 87, 88, 89, 90 and 91

    سادس وسابع يوم
    من كتاب English Vocab Pre-intermediate
    Units 13, 14, 15, 16 and 17

    الأسبوع الحادي عشر

    أول خمس أيام
    هتذاكر من كتاب English Vocab Pre-intermediate
    Units 18, 19, 20, 21, 22, 23, 24, 25 and 26

    سادس وسابع يوم
    من كتاب Phrasal Verbs in Use
    Units 19, 20 and 21

    الأسبوع الثاني عشر

    أول أربع أيام
    هتذاكر من كتاب English Grammar in Use
    Units 19, 20, 21, 22, 23, 24 and 25

    باقي الثلاث ايام
    من كتاب English Vocab Pre-intermediate
    Units 33, 34, 35 and 36

    الأسبوع الثالث عشر

    أول أربع أيام
    هتذاكر من كتاب English Vocab Upper-intermediate
    Units 21, 22, 23, 24, 25, 26, 27 and 28

    باقي الثلاث ايام
    من كتاب Phrasal Verbs in Use
    Units 22, 23, 24 and 25

    الأسبوع الرابع عشر

    English Grammar in Use هتذاكر من كتاب
    Units, 26, 27, 28, 29, 30, 31, 32, 33, 34, 35, 36 and 37

    الأسبوع الخامس عشر

    اول 3 ايام
    هتذاكر من كتاب English Vocab Pre-intermediate
    Units 90, 91, 92, 93, 94 and 95

    باقي الاربع ايام
    من كتاب English Vocab Upper-intermediate
    Units 69, 70, 71, 72, 73, 74, 75, 76 and 77

    الأسبوع السادس عشر

    English Grammar in Use هتذاكر من كتاب
    Units 38, 39, 40, 41, 42, 43, 44, 45, 47, 48, 49, 50, 51 and 52

    الأسبوع السابع عشر

    English Vocab Upper-intermediate هتذاكر من كتاب
    Units 78, 79, 80, 81, 82, 83, 84, 85, 86, 87 and 88

    الأسبوع الثامن عشر

    Phrasal Verbs in Use هتذاكر من كتاب
    Units 26, 27, 28, 29, 30, 31, 32, 33, 34 and 35

    الأسبوع التاسع عشر

    English Grammar in Use هتذاكر من كتاب
    Units 53, 54, 55, 56, 57, 58, 59, 60, 61, 62, 63, 64, 65, 66, 67 and 68

    الأسبوع العشرون

    هتذاكر من كتاب English Grammar in Use
    121, 122, 123, 124, 125, 126, 127, 128, 129, 130, 131, 132, 133, 134, 135 and 136

    في البداية الموضوع هيبقي مش سهل ولكن بعد اول اسبوعين هتلاقي كل شوية الموضوع اسهل وهتلاقي استيعابك زاد مع كل شهر يعدي المهم تلتزم بالجدول و تذاكر كل يوم.

    احنا مخلصناش كل الكتب كده ولكن كنت مضطر التزم بوقت معين علشان الناس تنجز وتتعلم، عموما التعلم عملية مش بتنتهي انت عايز توصل لمرحلة انك تتكلم وتكتب وتنطق كويس والخطة هتبقى مناسبة جدًا لكده في الوقت المتاح و ربنا يوفقكم جميعًا.

    الكتب الأربعة مرفوعين pdf على جوجل درايف تقدر تدخل تصفحهم وتحملهم من الرابط التالي
    كتب تعليم الانجليزي للمستوى المتوسط - Learning English Intermediate

    ولو عايز الكتب مطبوعة بجودة عالية ألوان أو أبيض وأسود هتلاقيها في مكتبة فاست برنت وعنوانها ( بين السرايات أمام باب تجارة جامعة القاهرة اسفل مطعم كوك دور مكتبة فاست برنت ممر الصاوى تانى محل يمين ) أو أطلبها شحن لمحافظتك من صاحب المكتبة Ayman Mohamed Gouda​ او اخوه وليد جوده​ بيشحنوا لأي مكان.

    وفي تطبيق مجاني للأندرويد إسمه ELSA Speak بيساعدك تتعلم النطق السليم في الإنجليزية، ممكن تعمل معاه محادثات جاهزة علشان تشوف نطقك وتسمعه، وممكن تكتب له جملة و هينطقها ليك و بعدين تنطقها انت وراه ويقولك نطقك صح كام في الـ %.
    كل يوم استخدمه في وقت فراغك أو وإنت بتذاكر الخطة كإنه لعبه وانطق معاه كلمات الاول وبعد كدا جمل، وبيحتاج اتصال بالانترنت عشان يشتغل.

    - إلي هنا نكون قد انتهينا من سرد خطة المستوى المتوسط لتعلم اللغة الانجليزية، ويبقى فقط أن تبدأ بها وتجتهد لتخطي هذه المرحلة وتكون على استعداد للبدء بخطة المحادثة والتي سنذكر لك تفاصيلها في المقال القادم بإذن الله.
    ( مع ملاحظة انك تستطيع البدء بخطة المحادثة بعد شهرين من اتباعك خطة المستوى المتوسط )

    أكونت مستر مايكل على الفيس بوك: Michael Youssef
    لو لسة محصلتش على الكتيب المجاني واللى بيتكلم عن التعلم الذاتى وازاى تبدأ رحلتك فى الكورسات الاونلاين بشكل مؤثر وفعال، تقدر تحصل عليه مجانا من هنا: لينك تحميل الكتاب
    ولو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادي القراءة العمليه "
    Mariam Muhammed
    @مرسلة بواسطة
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق