القائمة الرئيسية

الصفحات

تحميل كورس power english كامل مجانا وشرح كيفية التعامل مع الكورس

تحميل كورس power english كامل


اتكلمنا فى المقالة اللى فاتت عن افضل كورس انجليزى للمدرس رقم 1 فى العالم "AJ Hoge"

تقدر تشوف المقالة من هنا هتلاقى فيها كمان رابط تحميل الكورس مجانا: رابط المقال

والفيديو ده بشرحلك فيه ازاى تذاكر الكورس وتستفيد منه اقصي استفادة.


طيب بداية كده تعالوا نعرف تفاصيل صغيرة عن كورس power English!

كورس power English ده من أعظم الحاجات اللي ممكن تستخدمها في تحسين ال listening للناس اللي مستواها 
( pre intermediate - intermediate )

الكورس ده عامله العظيم Aj Hoge واللي شغلته إنه Language acquisition scientist أو زي بنقول عالم إكتساب لغة فتخيل واحد عالم إكتساب لغة عامل كورس انجليزى زي ده، هيكون حجم الإستفادة منه قد إيه

من الحاجات الجميلة في الكورس ده إنه كلامه واضح جدا وكمان بيخليك self motivated ويعرفك أزاي متزهقش وأنت بتتعلم أو وأنت بتسمع إنجلش 

محتويات كورس Power English

1- المحتوى "content":

الكورس 30 فولدر كل فولدر 3 auidos خاصين بموضوع واحد 

أول أوديو: ده ال main أوديو اللي بيتكلم فيه عن موضوع أساسي

تاني أوديو: ده بيطلعلك فيه الكلمات الصعبة او الجديدة في أول أوديو ويقولك ال definition بتوعهم ويحطهم في جمل بحيث عقلك يكتسبهم بسهولة ومينساهمش ( عالم إكتساب لغة بقي )

تالت أوديو: ده المرحلة التالتة لأنه عبارة عن ستوري فيها الكلمات الجديدة اللي شرحهالك فوق في تاني أوديو وبتكون لذيذة وشيقة وبكده يكون طَبَع الكلمات دي في ذهنك ويخليها جاهزة للإستخدام كمان.

أنا عن نفسي من الكلمات اللي مش ناسيها من الكورس ده هي كلمة Vivid

- أزاي بقي أستخدم الكورس عشان أطلع منه بأفضل إستفادة؟

الموضوع بسيط لكن محتاج شوية صبر بس وأنت هتشوف نتيجة عظيمة، والحمد لله بقالي 3 سنين شغال بيه مع ال students بتوعي وفعلا الفرق هايل من بعد ما مشيوا علي الخطوات دي:-

1- أول خطوة هي أنك تشتغل علي جزء ال Comprehension ( الفهم ) عن طريق أنك تسمع ال main audio حوالي 2 ل 3 مرات بحيث تكون فهمته وطلعت الكلمات الجديدة وعرفتها

2- تاني خطوة أنت هتسمع ال main audio بشكل عادي جدا مرة وأتنين وتلاتة وأنت مش مركز معاه خالص بمعني أنك في المواصلات مثلا وحاطط الهيد فونز مثلا او بتغسل مواعين حتي وبتسمعه وأنت مش مركز معاه حوالي 10 ل 20 مرة ... أو أكتر أو أقل حسب إستيعابك كشخص.

لا يفوتك أيضا:  كيف تتعلم الانجليزية فى 15 دقيقه يوميا!

ليه بنعمل ده؟

عشان كده أحنا بنلعب علي جانب ال Subconscious ( العقل اللاواعي ) بتاعك إنه يحلل الأصوات الموجودة في الأوديو ويستوعبها كويس عشان يقدر يتعامل معاها بعدين ويخرجها في ال output اللي هيكون ال speaking

عارف لما تيجي تسمع أغنية كده حلوة وبتحبها ... هل بتحفظها ؟ بتقعد تتعب في نفسك وتكتبها وتحفظ وتحفظ وتكتب؟ لا خالص أنت بتشغلها مرة وأتنين وعشرة وهوب تلاقي نفسك حفظتها .. مش كده ؟ ياتري مين اللي عمل ده؟

هقولك ده ال subconscious بتاعك العزيز

نفس الفكرة أنت طبقتها وأنت طفل صغير كنت بتسمع أصوات غريبة عليك وعقلك بدأ يحللها ومع الوقت بقيت بتتكلم عربي زي الفل من قبل ما تعرف يعني إيه " نحو " أصلاً

( ملحوظة: خد بالك إن ال listening بيأثر بشكل كبير علي ال speaking بتاعك بالإيجاب وهتلاحظوا ده قدام شوية )

3- خلصنا سماع ال main أوديو وفهمناه وبعدين سمعناه وأحنا مش بنبذل أدني جهد ؟

حلو هنيجي نسمعه بقي وأحنا مركزين معاه حوالي مرات ومشغلين ال conscious بتاعنا ( عقلنا الواعي ) هتبصوا تلاقوا أنكم عارفين جزء كبير جدا من الأوديو ! وعقلك بيعمل anticipation للكلام قبل ما يتقال! 

عشان عقلك اللاواعي تكفل بالمهمة بنسبة كبيرة توصل ل 80% من والمرحلة اللي بعده كانت تقفيل ال 100% وتأكيد عليها

4- خدوا بالكم أحنا كل ده في ال main audio لسه

فهمنا الفيديو وسمعناه كتير لدرجة أننا شربناه شُرب كده؟

يبقي ده معاد الخطوة الرابعة وهي أنك تبدأ تصُب تركيزك علي تحليل الأصوات بنفسك وبتركيز وده عن طريق أنك بتسمع الأوديو حوالي 5 مرات (واكيد كل المرات دي مش لازم تكون ورا بعض يعني) وانت مركز في نُطق الكلمات الصح وهو بيقولها وأزاي قالها وال intonation بتاعته في الكلمة كانت أزاي والجملة كمان أزاي وأحاول أقلد زي ما هو بيقول بالظبط وأحرك لساني مش اكون مجرد مستمع وبس

ممكن حد يقول يالهوي لما هقعد كل ده في اول اوديو بس أمال هعمل إيه في الباقي ولا هعملهم أمتي ؟

ج: بص يا سيدي الفكرة في تعلم الإنجلش عموما او أي لغة وخصوصا ال listening skill هي ال quality قبل ال quantity يعني لما أسمع حاجة واحدة كتير جدا أحسن ما أسمع مليون حاجة مرة واحدة ..وصلت ؟

4- بعد كده هندخل علي تاني أوديو وده بسيط جدا هنسمعه 10 مرات بتركيز بس عشان الكلمات تثبت في ذهني بس واحاول طبعا أحرك لساني معاه في نطقها كل اما اتقدم في عدد المرات وانا بسمع

5- اخر حاجة هتسمع الستوري اللي فيها الكلمات الجديدة دي حوالي 5 مرات عشان تركز وتفهمها + و 10 وانت مش مركز معاها زي ما قولنا فوق كده..


تحميل كورس power english كامل رابط مباشر:

تم رفع الكورس على ميديا فاير على 6 أجزاء منفصلة بشكل منظم وتحميل سريع ومجاني





تحميل كورس power english برابط مباشر



او ممكن تدخل على جوجل دريف برابط مباشر وتحمل الكورس من هنا: https://bit.ly/35okifu

وكده مبروك أنت طلعت بفايدة جبارة من فايل واحد بس والموضوع ده لو خد معاك اسبوع ولا أسبوع ونص 
ولا حتي أسبوعين في الفايل الواحد مش مشكلة المهم انك تلاقي نتيجة 
ودي الطريقة للنتيجة المثالية في وقت أقل بكتير عن العادي

كل ده عن طريق تجربة وخبرة 3 سنين للموضوع فجربوا وأنتم مطمنين ... وخدوا بالكم الموضوع محتاج عزيمة بس وإصرار شوية وتحديد هدف هو أنت بتتعلم ليه لأن نسبة كبيرة من الناس عادة بتكسل تعمل ده لأنهم معندهمش هدف محدد من اللي بيعملوه

المقطع الثالث بقى قصه قصيره عاوزك تسمعها وتجاول بسرعه حتى لو بكلمه واحده هو نفسه هيقولك جاوب اجابه صغيره مش عاوزك تجاوب حاجات كبيره والقصه دي هتعلمك جرامر بسهوله عن طريق deep learning فمتركزش ف ازاي هو عمل الجمله وكده

ال pdf فيها كل كلامه اللي بيقوله فلو مش عارف تلقط كلام منه من الاستماع بس ممكن تفتح ال pdf وانت بتسمعه وهيبقى الموضوع سهل وهيفرق معاك ان شاء الله..

هنا هتلاقى أهم 7 طرق لاكتساب اللغة بطريقة صح: قواعد اكتساب اللغة من هنا

By: Amir Mohamed
Ahmed Sysy
Ahmed Sysy
مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي

تعليقات

60 تعليقًا
إرسال تعليق
  1. فين اللينكات لو سمحت ؟

    ردحذف
    الردود
    1. اتفضل
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  2. الله يجزيك الخير يا أحمد على المقالة طيب لو بدي وصل لمرحلة اقرأ كتب انكليش او اخد كورسات بالانجليش قدي نسبة الاستفادة من الكورس

    ردحذف
    الردود
    1. جزانا واياكم ، اه هيفيدك جداا لو مستواك متوسط

      حذف
  3. لو سمحت محتاج من شرح لكورس flow ضرورى عشان اعرف اذاكرو صح بالله عليك ضرورى محتاج تشرحلى

    ردحذف
  4. لو سمحت انا كل اللي عاوزه اعرف اتكلم ولما اسمع حد او حاجه افهم وهم بيتكلموا الكلام السريع ده !! هيفدني الكورس ده؟ اوصل للمرحلة دي

    ردحذف
    الردود
    1. يبقى هو ده الكورس اللى هيفيدك جدا ويحقللك الهدف ده

      حذف
  5. انا دخات علي الينك اللي انت حتيطه بس ملقتش حاجه داخل مجلد بور انجليش

    ردحذف
    الردود
    1. من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  6. بس لو انا ماافهم انجليزي الا قليل ينفع معي خذا كورس بليز جوبني

    ردحذف
    الردود
    1. جربي ممكن يكون مستواكى مناسب
      ولو مش مناسب فى كورسات تانية للمبتدئين

      حذف
  7. شكرا أستاذ، عندي أمر سبب لي قلق: وهو أن المعلم A.J HOG يبيع الكورس هذا بمائة دولار، السؤال: هل هو يمنع تحميل الكورس عبر روابط أخرى مجانية أو لا يمنع؟ أنا متردد من فترة بسبب هذا، أرجو التوضيح إذا عندكم جواب، وشكرا.

    ردحذف
    الردود
    1. لا يمنع بالطبع هناك من اشتري هذا الكورس ووفره للطلبة بالمجان

      حذف
    2. بس هوا كاتب فى بداية ملف المقدمة
      These lessons are sold only on our website, EffortlessEnglishClub.com. If you bought
      these lessons somewhere else, you have an illegal copy. Please notify us and we will
      take immediate legal action against the seller. Thank you.
      فإيه رأى حضرتك فى الكلام ده؟

      حذف
  8. نزلتة وخلصت اول درس فعلا جميل وفكرتة جديدة شكرااااااا

    ردحذف
    الردود
    1. ممتاز جدا ، برافو عليك انك بدأت في الكورس علي طول
      نتمنالك التوفيق

      حذف
  9. عايز اللينك بعد اذن حضرتك

    ردحذف
    الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
    2. عايزة اللينك لو سمحتوا

      حذف
  10. بارك الله فيك وجزاك الله خيرا معلومات مفيده جدا ورائعه للغايه استفدنا منها كتير احييك واستمر فى مسيره العطاء ربنا يوفقك ومن نجاح لنجاح ان شاء الله

    ردحذف
    الردود
    1. شكرا جدا علي كلامك الجميل ، ربنا يكرمك ويوفقك

      حذف
  11. رابط التنزيل من فضلك

    ردحذف
    الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  12. جزاك الله خيرا في البداية
    ولكن رابط الكورس اللي حضرتك حاطه ده رابط ل power english وليس effortless english
    ياريت لو رابط كورس effortless english وجزاك الله خيرا :)

    ردحذف
  13. الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  14. الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  15. الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  16. لو سمحت هو شرح كل الفيديوهات باللغه الانجليزيه ..!؟ + لو سمحت اللينك

    ردحذف
    الردود
    1. اه بالانجليزي هى ملفات صوتية مش فيديو ومعاها pdf

      اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  17. السلام عليكم اللينك لو سمحت

    ردحذف
    الردود
    1. اتفضل
      من هنا
      https://drive.google.com/drive/u/0/folders/0B-h3YzPzOt4ed0ZIc3NXWWV6M0U

      حذف
  18. السلام عليكم... اي لهجة بيحكي بريطاني ولا أمريكي؟

    ردحذف
  19. السلام عليكم... اي لهجة بيحكي بريطاني ولا أمريكي؟

    ردحذف
  20. لو سمحت اللينك ليه مش بيفتح ممكن تقول الخطوات انى افتحه

    ردحذف
  21. هو حضرتك ممكن تنزلهم على يوتيوب احسن اصلى مش فاهمة هنا حاجة ولا عارفة انزله

    ردحذف
  22. استاذ احمد حضرتك انا بدخل على صفحة التحميل بيقولى ان المالك فقط اللى من حقة يفتح الفيديوهات دى ياريت الرد ضرورى

    ردحذف
  23. الفولدر 1 و6 مش موجودين

    ردحذف
  24. انا بنزله ع الموبايل ويرجع يقولي تعذر فتح الملف ممكن لينك احمل منه ع الموبايل

    ردحذف
    الردود
    1. من هنا
      https://www.facebook.com/groups/1448170135228609/permalink/1911912148854403/

      حذف
  25. الردود
    1. اتفضل
      من هنا
      https://www.facebook.com/groups/1448170135228609/permalink/1911912148854403/

      حذف
  26. الردود
    1. عليكم السلام ورحمة الله وبركاته

      حذف
  27. الردود
    1. اتفضل
      https://www.prceg.com/2018/07/power-english-course.html

      حذف
  28. انت رائع يا بطل شكرا لك

    ردحذف
  29. لو سمحت نا مش عارفه اجيب اي حاجه علشان اتعلم الانجليزي نا مش لاقيه كل لما بدخل ع حاجه بيجيلي خاجه تاني

    ردحذف
  30. أ/أحمد
    آجى هوج كاتب فى بداية ملف المقدمة
    These lessons are sold only on our website, EffortlessEnglishClub.com. If you bought
    these lessons somewhere else, you have an illegal copy. Please notify us and we will
    take immediate legal action against the seller. Thank you.
    فإيه رأى حضرتك فى الكلام ده؟
    ياريت تجاوبنى لإن الموضوع ده مهم جدا بالنسبة ليا
    وشكرا :)

    ردحذف
    الردود
    1. ياريت لو حضرتك تقول لي الرد عشان لسه هبدا لاني سمعت نفس الكلام فمكملتش

      حذف

إرسال تعليق