علامات الطلاق وكيفية التعامل معه بصورة صحيحة - نادي القراءة العملية
404
نعتذر , لا نستطيع ايجاد الصفحة المطلوبة

13 يونيو 2018

علامات الطلاق وكيفية التعامل معه بصورة صحيحة

علامات الطلاق وكيفية التعامل معه بصورة صحيحة

ماهو تعريف الطلاق: 

الطلاق هو إنفصال زوجين عن بعضهما بطريقة منبثقة من الدين الذي يدينان به، ويتبع ذلك إجراءات رسمية وقانونية. وقد يتم باتفاق الطرفين، أو بإرادة أحدهما، وهو موجود لدى العديد من ثقافات العالم.

- امتي يكون من حقي اطلب الطلاق ؟

مبدئيا إحنا طبيعة حياتنا كبني آدمين إن إحنا نختلف، ربنا بيقول كده :

" وَلَوْ شَاءَ رَبُّكَ لَجَعَلَ النَّاسَ أُمَّةً وَاحِدَةً ۖ وَلَا يَزَالُونَ مُخْتَلِفِينَ * إِلَّا مَنْ رَحِمَ رَبُّكَ ۚ وَلِذَٰلِكَ خَلَقَهُمْ ۗ " .

علامات الطلاق:

1- لو الراجل مدمن مخدرات ورافض يتعالج .
2- إن الزوج يكون مهين ومالوش كبير . الضرب كله جريمة عند العلماء ، وسيدنا النبي قال لايضرب خياركم ، وقال ايضا :
 " إني احرج عليكم حق الضعيفين اليتيم والمرأة " .

واللي بيضرب له 3 اسباب :

أ- راجل غلبان ومش قادر علي الست وبتغلبه في النقاش .
ب- راجل طيب وجدع وكريم ومحترم بس عنده كده موضوع معين بيستفزه مايقدرش يقف فيه سواء اهانة ليه أو لأهله مثلا .
ج- النوع اللي حذر منه سيدنا النبي الضراب . يعني ايه يعني اللي بيضرب الست ومالوش كبير لمايتدخل للعيلة وبيدافع عن فكرة الضرب دي .

- ايه اللي ممكن يقال للأولاد أثناء خطوات الطلاق او الإنفصال ؟

تساؤل محير جدا عند الناس المحترمة اللي عيالها بالنسبة ليها بني ادمين وأرواح قد يفقدوا الثقة في الحياة كلها وفي الجواز والحب والاستقرار وفي فكرة الأبوة والأموة ، سيدنا النبي عليه الصلاة والسلام قال : " كلكم راع وكلكم مسؤل عن رعيته ". ، وسيدنا النبي قال :" إن لأهلك عليك حقا.

فلو كبار في الجامعة مثلا أومتخرجين أو أيا كان بنجبهم وبنكلمهم إزاي إن إحنا عايزين نحافظ علي الأحترام والود مابينا وده مابقاش ينفع بينا تحت سقف واحد وبنقولهم الأسباب لأن الكبار ماينفعش تبيعلهم أسباب هشة عشان يدرك إن أنت صادق معاه ، وأهم حاجة تتفقوا معاهم بعد ماتطلقوا العيشة هتبقي إزاي بعد كده عشان يتطمنوا إن هيبقي في استقرار في حياتكم .

أما لو أطفال إبتدائي مثلا أو أكبر أوأصغر مهم جدا ماتقولهمش إن إحنا هنتطلق إلا لما تكونوا قررتوا .. مش هنتطلق وبعدين بكرة اتصالحنا الموضوع مش هش للدرجة دي ، وقت اخذ القرار قاعدة مقدسة علي السفرة كلنا مع بعض الا اذا كان في طفل فيهم عنده انهيار شديد لازم نعالجه الاول ونكلمه علي جنب وبعدين نجيبه ونقعد ، ومهم جدا

1- الوضوح في المستقبل : يا أولاد احنا بنحب بعض او كنا بنحب بعض بس مش عارفين نكمل مع بعض لكن عايزينكوا تطمنوا هتعيشوا في البيت الفلاني مع بابا او ماما وهنشوفكوا بالطريقة الفلانية - لأن الأولاد بالنسبة ليها الطلاق يعني انهيار الاطفال بتفكر بالعاطفة بس .
2- مهم جدا ان احنا نقنع الاطفال ان مش هما السبب .
3- احتواء مشاعر الغضب و الاحباط .
4- الاجابة علي كل التساؤلات و ازاي هنتقابل والخروجات ولما يبقي في عزومة في الweek end هنروح ولالا .

- ههل من حقي ارد بالمثل إذا استخدم الطرف الآخر أساليب ظالمة لسلب حقي عند الطلاق ؟ 


هناك فارق بين القوة في الحق والتدني . حافظ علي حقك واستخدم كل الأساليب المشروعة والجأ للقانون وحافظ علي حدود حقك و ده اللي القانون والشريعة كفلتهولك ولكن ماتخسرش نفسك عشان تكسب معركة .

قال تعالي : " ﻭَﺇِﺫَﺍ ﻃَﻠَّﻘْﺘُﻢُ ﺍﻟﻨِّﺴَﺎﺀَ ﻓَﺒَﻠَﻐْﻦَ ﺃَﺟَﻠَﻬُﻦَّ ﻓَﺄَﻣْﺴِﻜُﻮﻫُﻦَّ ﺑِﻤَﻌْﺮُﻭﻑٍ ﺃَﻭْ ﺳَﺮِّﺣُﻮﻫُﻦَّ ﺑِﻤَﻌْﺮُﻭﻑٍ ۚ ﻭَﻟَﺎ ﺗُﻤْﺴِﻜُﻮﻫُﻦَّ ﺿِﺮَﺍﺭًﺍ ﻟِّﺘَﻌْﺘَﺪُﻭﺍ ۚ ﻭَﻣَﻦ ﻳَﻔْﻌَﻞْ ﺫَٰﻟِﻚَ ﻓَﻘَﺪْ ﻇَﻠَﻢَ ﻧَﻔْﺴَﻪُ ۚ " .

- إزاي احافظ علي رقي العلاقة بعد الطلاق ؟


في أوقات الفراق تظهر معادن الأخلاق - قال الله تعالي :

" ﻭَﺇِﺫَﺍ ﻃَﻠَّﻘْﺘُﻢُ ﺍﻟﻨِّﺴَﺎﺀَ ﻓَﺒَﻠَﻐْﻦَ ﺃَﺟَﻠَﻬُﻦَّ ﻓَﺄَﻣْﺴِﻜُﻮﻫُﻦَّ ﺑِﻤَﻌْﺮُﻭﻑٍ ﺃَﻭْ ﺳَﺮِّﺣُﻮﻫُﻦَّ ﺑِﻤَﻌْﺮُﻭﻑٍ ۚ " .

معروف يعني ماتعرف عليه الأسوياء من الأخلاق الحسنة .

" ﺍﻟﻄَّﻠَﺎﻕُ ﻣَﺮَّﺗَﺎﻥِ ۖ ﻓَﺈِﻣْﺴَﺎﻙٌ ﺑِﻤَﻌْﺮُﻭﻑٍ ﺃَﻭْ ﺗَﺴْﺮِﻳﺢٌ ﺑِﺈِﺣْﺴَﺎﻥٍ ۗ"

يعني ايه احسان يعني عطاء يليق بك لايتوقعه الطرف الآخر .

قال تعالي :" ﻗﻮﻟﻪ: (ﻓَﺈِﺫَﺍ ﺑَﻠَﻐْﻦَ ﺃَﺟَﻠَﻬُﻦَّ ﻓَﺄَﻣْﺴِﻜُﻮﻫُﻦَّ ﺑِﻤَﻌْﺮُﻭﻑٍ ﺃَﻭْ ﻓَﺎﺭِﻗُﻮﻫُﻦَّ ﺑِﻤَﻌْﺮُﻭﻑٍ ﻭَﺃَﺷْﻬِﺪُﻭﺍ ﺫَﻭَﻱْ ﻋَﺪْﻝٍ ﻣِﻨْﻜُﻢْ ﻭَﺃَﻗِﻴﻤُﻮﺍ ﺍﻟﺸَّﻬَﺎﺩَﺓَ ﻟِﻠَّﻪِ ﺫَﻟِﻜُﻢْ ﻳُﻮﻋَﻆُ ﺑِﻪِ ﻣَﻦْ ﻛَﺎﻥَ ﻳُﺆْﻣِﻦُ ﺑِﺎﻟﻠَّﻪِ ﻭَﺍﻟْﻴَﻮْﻡِ ﺍﻟْﺂﺧِﺮِ) .

 ﻗﺎﻝ ﺍﻟﻠﻪ ﺗﻌﺎﻟﻰ‏:‏ ‏{‏‏ﻭَﻣَﻦ ﻳَﺘَّﻖِ ﺍﻟﻠَّﻪَ ﻳَﺠْﻌَﻞ ﻟَّﻪُ ﻣَﺨْﺮَﺟًﺎ ﻭَﻳَﺮْﺯُﻗْﻪُ ﻣِﻦْ ﺣَﻴْﺚُ ﻟَﺎ ﻳَﺤْﺘَﺴِﺐُ ﻭَﻣَﻦ ﻳَﺘَﻮَﻛَّﻞْ ﻋَﻠَﻰ ﺍﻟﻠَّﻪِ ﻓَﻬُﻮَ ﺣَﺴْﺒُﻪُ ﺇِﻥَّ ﺍﻟﻠَّﻪَ ﺑَﺎﻟِﻎُ ﺃَﻣْﺮِﻩِ ﻗَﺪْ ﺟَﻌَﻞَ ﺍﻟﻠَّﻪُ ﻟِﻜُﻞِّ ﺷَﻲْﺀٍ ﻗَﺪْﺭًﺍ‏} ‏

كتبتها لكم : Menna Yasser

شارك المقال

0 تعليق

جميع الحقوق محفوظة لـ نادي القراءة العملية | تصميم :