التوبة - إزاي أنقذ نفسي من سيطرة الذنوب؟ - مصطفى حسنى - برنامج حائر - نادي القراءة العملية
404
نعتذر , لا نستطيع ايجاد الصفحة المطلوبة

23 مايو 2018

التوبة - إزاي أنقذ نفسي من سيطرة الذنوب؟ - مصطفى حسنى - برنامج حائر

إزاي أنقذ نفسي من سيطرة الذنوب؟ برنامج حائر - مصطفى حسنى

شباب كتير محتارين وعايزين خطوات عملية علشان يسيبوا ذنب معين مسيطر عليهم، فخلينا مبدئيًا نشوف خطوات تشتغل بيها على نفسك مش على الذنب.

الأول محتاجين نعرف ان في ٣ عوامل بيكونوا السبب في الذنوب وهي:.

١- في ذنوب موجودة في عالمنا كلنا مشتركين فيها بتتعرض علينا.
٢- مع شيطان بيزين الذنوب دي في عيونا.
٣- مع قلب مستقبل للذنب ومناعه ضعيفه او قوية قصاده.

طب احنا مش بنملك المجتمع ولا الشيطان! لكن بنملك جهاز المناعه بتاعنا، اللي بيسميها العلماء المتخصصين دايرة التأثير.

* طب العلماء جابوا الكلام ده منين او فهموه منين؟

- فهموه من حديث النبي ﷺ لما قال:
" تُعْرَضُ الْفِتَنُ عَلَى الْقُلُوبِ كَالْحَصِيرِ عُودًا عُودًا فَأَيُّ قَلْبٍ اُُشْرِبَهَا( بمعنى استقبلها ) نُكِتَ فِيهِ نُكْتَةٌ سَوْدَاءُ وَأَيُّ قَلْبٍ أَنْكَرَهَا نُكِتَ فِيهِ نُكْتَةٌ بَيْضَاءُ حَتَّى تَصِيرَ عَلَى قَلْبَيْنِ، عَلَى أَبْيَضَ مِثْلِ الصَّفَا فَلَا تَضُرُّهُ فِتْنَةٌ مَا دَامَتْ السَّمَاوَاتُ وَالْأَرْضُ، وَالْآخَرُ أَسْوَدُ مُرْبَادًّا كَالْكُوزِ مُجَخِّيًا لَا يَعْرِفُ مَعْرُوفًا وَلَا يُنْكِرُ مُنْكَرًا إِلَّا مَا أُشْرِبَ مِنْ هَوَاهُ".
- علشان تشتغل على المناعه بتاعتك (بعيدًا عن نوع الذنب اللي مسيطر عليك هو ايه) خلينا متفقين إن في شوية حاجات بتقوي الإنسان قدام الذنوب وتخليه عنده نوع من الصلابة قدام الفتن.

١- إقرأ واسمع عن الجنه والنار كتير.

ده اللي سيدنا النبي ربَا الصحابه عليه، القرآن المكي اللي اخد الصحابة من الجاهلية للإسلام كان أغلبه آيات عن ربنا وعن الجنة والنار، فأسمع كتير وإقرأ كتير عن الجنه والنار وأجمل حد إتكلم عنهم هو الشيخ الشعراوي في تفسيره لآيات الجنة والنار في القرآن ( هتلاقي كتير فيديوهات ليه على السوشيال ميديا ابحث عنها واسمعه).

٢- إقرأ كل يوم اسم جديد من اسماء الله الحسنى.

اسماء الله الحسنى بتنقلك من انسان منشغل بالمخلوق لإنسان منشغل بالخالق،.. فتبدأ تربط اللي قريته بالأكوان وتشوف أثر ربنا حواليك زي مثلا لما تفهم معاني الرحمه وصورها تبدأ عينك تلقط صفات ربنا قبل ما تلقط المخلوقين وهكذا، المشغول بصفات ربنا بيبدأ يشوف الأكوان بعين الباحث عن الله سبحانه وتعالى،.. فعندك مثلًا كتاب لإنك الله ل د.على بن جابر الفيفي أو ال د.محمد بكر اسماعيل ليه كتاب عن اسماء الله الحسنى برضه وغيره كتير دور وهتلاقي.

(ويا سلام لو معاهم حبة اذكار مثلا " لا إله إلا الله " لإنها بتنتشل القلب من الضعف قال ﷺ "چددوا إيمانكم بلا إله إلا الله"، فهي أحسن عملية صيانه للقلب الضعيف )

٣- الفرار من مجتمع الذنب.

فِرّ من مجتمع الذنب اللي بيسيطر عليك واترك صحبة الذنب والمكان اللي بتغرق فيه مع الذنب ده تنفيذًا لوصية ربنا لما قال في سورة الكهف
 "وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا "
ترك الذنب محتاج صبر إنك تكون بتشتغل وبتطور نفسك وعندك طموح دي عبادة من ضمن العبادات و ربنا بيوصينا اننا مانسمعش كلام النفوس الآمارة بالسوء علشان مانقعش في دايرة الذنب دي، فإنت كده بتقوي مناعتك وشغال على نفسك اللي بتملكها بالسماع والقراءة عن الجنة والنار،بالسماع والقراءة عن اسماء الله الحسنى مع ذكر لا إله إلا الله والفرار من مجتمع الذنب.

ده كان ملخص للخطوات العملية اللي ذُكرت في الحلقة ف يلا نختم بالدعوة الحلوة اللي تساعدنا في انتشالنا من أوحال الذنوب.

حلقة  السجن داخل الذنب - حائر - مصطفى حسني




" اللهم صلي وسلم وبارك على حبيبنا محمد كما ينبغي لقدره ومقداره العظيم، ربي انا العبد الذي فعل الذنوب وصده ضعفه ان يتوب، أخرجتني خطايَيا من الوقوف بساحتك ولم يبقى ملاذ ولا إنقاذ إلا بعنايتك فخذ بيدي إليك، ربي قد اثرتني إسائتي وصرت مشهورًا عند أهل السماء بخطيئتي فأذن يا لطيف بنجاة عبدك الضعيف وفك اسري من سطوة نفسي فقد جئتك يكسوني ثوب الفقير راجيًا عفوك يا ملك يا قدير والحمد لله يارب العالمين ".

كتبها لكم : Mariam Muhammed

شارك المقال

0 تعليق

جميع الحقوق محفوظة لـ نادي القراءة العملية | تصميم :