كيفية الخشوع فى الصلاة - مصطفى حسنى - برنامج حائر - نادي القراءة العملية
404
نعتذر , لا نستطيع ايجاد الصفحة المطلوبة

21 مايو 2018

كيفية الخشوع فى الصلاة - مصطفى حسنى - برنامج حائر

مصطفى حسنى - برنامج حائر - كيفية الخشوع فى الصلاة

إزاي أستحضر قلبي وأخشع في الصلاة ؟ 

من الحاجات اللي بتحيرنا هي إزاي نكون من الخاشعين فى الصلاة ؟! ونكون من الناس اللي ربنا قال عليهم

 " قَدْ أَفْلَحَ الْمُؤْمِنُونَ * الَّذِينَ هُمْ فِي صَلَاتِهِمْ خَاشِعُونَ "

تعالى اعرف اربع حاجات تساعدك على الخشوع في الصلاة وهي:

١- اجتهد انك تصلي في أول الوقت.

- الصلاة في أول الوقت فيها أدب مع الله.. أدب مع النداء (حي على الصلاة) وسيدنا النبي ﷺ قالنا: " إن الله وملائكته ليصلون على الصف الأول". 
فبيكون فيه خير وبركة وأنوار بتنزل على أهل البكور اللي بيروحوا بدري.
ف يلا جرب انك تصلي في أول الوقت هتفرق معاك في المعاني اللي قلبك هيستقبلها.

٢- فرغ عقلك وقلبك للصلاة.

- لو بتعمل حاجه مهمة جدًا جدًا أو في حاجه كبيرة شغلاك ممكن تخلص في دقايق، خلصها.. زي مثلًا الجوع.. قال رسولنا ﷺ " لا يصلين أحدكم بحضرة طعام ولا وهو يدافع الأخبثان ".
( الأخبثان يعني عايز تدخل الحمام ) الحاجات دي هتخليك عايز تصلي بسرعه علشان انت جعان مثلا فهتفقد تركيزك في الصلاة.

٣- سمع نفسك صوتك بآيات جديدة.

- من وصايا أهل الخبرة لينا والعلماء قالولنا إن لما تصلي في سرك من غير ما توضح مخارج الكلام والحروف ده مايعتبرش قراءة.. فإنت محتاج تسمع بصوتك كلام واضح (وحتى في الصلاة السرية ده مش هيكون صلاه جهريه لانك بتسمع نفسك مجرد صوت تسمعه انت بس)

اللي بيصلي ب سورة ثابته زي الإخلاص مثلا بقاله سنين.. السورة بقت في العقل اللاواعي عنده فبيقولها وهو مابيفكرش فيها بالتالي بيسرح في حاجات تانيه وهو بيقرأ.. فإنت محتاج تحفظ آيات جديدة أو سور قصيرة من جزء عمَّ مثلًا وتبدأ تصلي بيهم بحيث تكون مركز أكتر في الصلاة.

٤- النظر موضع السجود.

بعض الناس بتغمض عينيها في الصلاة وده أجازُه الإمام النووي في كتاب الأذكار لكن احنا عايزين نصلي زي سيدنا محمد بالظبط ﷺ قالنا: "صلوا كما رأيتموني أُصلي". فسيدنا النبي كان مش بيرفع عينه من موضع سجوده في الصلاة، لإن صلاة النبي اللي علمهاله سيدنا جبريل وعلمه ينظر في موضع السجود ف ده تعليم ربنا لجبريل لسيدنا محمد ﷺ.

فجرب كام اسبوع كده هتلاقي عينك اخدت على النظر في مكان سجودك. 
ولزيادة في التركيز.. وانت راكع بتنظر على إبهام رجليك.. وفي السجود بتنظر لأرنبة الأنف.. ووقت التشهد بتنظر على اصبع السبابه اليمين.

- جرب تطبق الخطوات العملية اللي فاتت دي علشان تقدر تكون من الخاشعين في صلاتهم.

يمكنك مشاهدة حلقة الخشوع فى الصلاة - مصطفى حسنى - حائر :



و يلا نختم بدعوة حلوة كده تساعدنا في القرب من ربنا.
" اللهم صلي وسلم وبارك على حبيبنا محمد كما ينبغي لقدره ومقداره العظيم، أحمدك ربي أن شرفت أذني بسماع ندائك وأوقفتني بين يديك في الصلاة بين أحبابك، چئت إليك أطمع في شريف نظرتك وأن تقبل بقلبي عليك وأنا واقفٌ في حضرتك، أعوذ بك من شر نفسي ومن شر كل قاطع يقطعني عنك، وأشغلني بك يا مولاي عن كل شاغل يشغلني عنك، اللهم آنس قلبي بذكرك ولساني بشكرك وأذكرني عندك إنك خير الذاكرين، اللهم أذقني حلاوة قربك وألقي عليَ محبةً مِنك حتى أقف في الصلاة غير معرضٍ عنك، وفرحني مِنك بلأمن والآمان وقلبني بين الشوق إليك والسرور بك، وهبني أُنسً بك وبمناچاتك يا من به فرح كل حزين وأنس بمناچاته المستوحشين يا ذا الچلال والإكرام يارب العالمين "

كتبها لكم:   Mariam Muhammed

شارك المقال

0 تعليق

جميع الحقوق محفوظة لـ نادي القراءة العملية | تصميم :