تعلم اللغة الانجليزية بطلاقة للمبتدئين ! " السر الاولى " - نادي القراءة العملية
404
نعتذر , لا نستطيع ايجاد الصفحة المطلوبة

الأحد، 18 مارس 2018

تعلم اللغة الانجليزية بطلاقة للمبتدئين ! " السر الاولى "

تعلم اللغة الانجليزية

اذا كنت تبحث عن:

تعلم اللغة الانجليزية للمبتدئين
 كيف تتحدث الانجليزية بطلاقة مجانا
 تحدث الانجليزية بطلاقة مجانا قنوات تعليمية
نصائح لتعلم اللغة الانجليزية بطلاقة

اسئله كتير عن تعلم اللغه الانجليزيه زى :

  • أفضل النصائح لتعلم اللغه الانجليزية ؟
  • ازاى اتعلم انجليزى بسرعه وبطريقه سهله وممتعه ؟
  • كيف اتعلم الانجليزى من الصفر للاحتراف ؟
  • ازاى انطق انجليزى بشكل صحيح وافهم الافلام اللى بشوفها ؟

من النهارده و لمده اسبوع متواصل هنشرح مع بعض أحدث 7 قواعد عشان تتكلم انجليزى طبيعى وتلقائى زى الاجانب.

طبعا كلنا نفسنا نتعلم انجليزى و نتكلم زى الأجانب ونفهم طريقة كلامهم السريعة و نقدر نفهم اى فيلم من غير ترجمه , وعشان نوصل للمستوى الجميل ده يبقى لازم تغير الطريقة القديمه اللى اتعلمت بيها انجليزى خالص, فتح مخك معايا بقى وركز فى اللى جاى..

القاعدة الأولى :

تعلم جمل وعبارات, اوعى تحفظ كلمات فردية لوحدها .

" .Learn English phrases, not individual words "

طبعا دى قاعده غريبه شويه , وغير الطريقه اللى متعودين عليها في المدارس اننا نحفظ كل كلمة لوحدها ونفضل نكررها كتير في كشكول خارجى ونحفظ كلمات كتير وكلنا ما شاء الله ايام ثانوى كان عندنا حصيلة كلمات كثيرة جدا ولكن بعد الامتحان بتنسى كل الكلمات دى ومش بتعرف تستخدمها.

تعالو ناخد مثال على الطريقة القديمة الغلط , كلمه مثلا زى كلمه " Hate " نفترض ان دى كلمه جديده عليك وانت عايز تحفظها, لو بالطريقه الغلط بنفضل نكرر الكلمه ونشوف معناها بالعربى " يكره " ونكتب hate يعنى يكره حوالى 50 مره :D

تعالو بقى نشوف على الطريقة الجديدة, وقدامك الجمله دى , " John hates Ice-cream " وانت عايز تحفظ كلمه hate , هتيجى هنا تطبق القاعده الجديده وتحفظ الجملة كلها . وهتبحث عن معنى الكلمة في القاموس الانجليزى الاول عشان ده هيزود معرفتك باللغه اكتر و فهتلاقى معناها " Does not like " 


طب ايه فايدة القاعده دى انى احفظ الجملة أو العبارة كلها ؟


1. العبارة أو الجملة بتديك معنى

لانها بتكون جوه قصص فبيكون سهل على العقل أنه يفتكرها. زى الجمله اللى ذكرناها فوق " John hates Ice-cream" لما تحفظ العبارة كلها هتفتكر القصه كلها وهتفتكر مين "جون" وهتفتكر انه مكنش بيحب الايس كريم.


2. بتتعلم قواعد اللغة وازاى تستخدم الكلمة دى صح طبيعى وتلقائى من غير مجهود.

ولما تيجى تكتب الجملة في الامتحان هتكتبها صح " John hates Ice-cream " انما لو حفظت الكلمة لوحدها هتلاقى نفسك بتكتبها زى ما حفظتها hate من غير ما تضيف ال S وهنا بتعمل غلطات من غير ما تحس لانك حفظتها غلط, انما لو حفظتها في جملة هتكتبها صح بالقاعدة اللغوية وهتستخدامها صح .

افتكر دايما القاعده الاولى دى وابدأ ذاكر واتعلم بيها , احفظ جمل وعبارات مش كلمات فردية , وهتلاقى الجرامر بتاعك اتحسن وهتعرف تستخدم الكلمات صح و مش هتنساها لانها دخلت عقلك جوه قصه بتحبها.
الخطوة العملية : ابدا هات نوت بوك و قلم و كل ما تقابلك كلمة جديدة احفظها بالطريقة الجديدة.
رابط تحميل الكورس: إضغط هنا للتحميل مباشرة من جوجل دريف

الطريقة التانية : زهقت من كتر ما بتذاكر الجرامر ومش عارف تستخدمه. الطريقه دى هتحل المشكله
الطريقة الثالثة : اتعلم بودانك مش بعينيك. بس بشروط اعرفها من المقالة دى
الطريقة الرابعة : ازاى اتقن اللى بسمعه وانطق صح . طبق القاعدة دى وادعيلى
الطريقة الخامسة : ازاى اتعلم جرامر من غير ما اذاكرة. !
الطريقة السادسة : ايه نوع الماتريل اللى اذاكرها .؟
الطريقة السابعة : أهم طريقة فيهم


المصدر: AJ HOGE " 7 RULES TO SPEAK EXCELLENT ENGLISH"

اقرا قصه حقيقيه وتجربه مع القواعد وكورس Power English 

رابط تحميل الكورس: إضغط هنا للتحميل مباشرة من جوجل دريف
أهم مقالات نادى القراءه العملية 

لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "

شارك المقال

جميع الحقوق محفوظة لـ نادي القراءة العملية | تصميم :