تعليم اللغة الانجليزية للمبتدئين " السر السادس"

تعليم اللغة الانجليزية للمبتدئين  " السر السادس"
    تعلم اللغة الانجليزية بطلاقة للمبتدئين

    تكملة سلسلة مقالات " تعلم اللغة الانجليزية للمبتدئين "


    طبعا كلنا نفسنا نتكلم انجليزى زى الأجانب ونفهم طريقة كلامهم السريعة و نقدر نفهم اى فيلم من غير ترجمه , وعشان نوصل للمستوى الجميل ده يبقى لازم تغير الطريقة القديمه اللى اتعلمت بيها انجليزى خالص, فتح مخك معايا بقى وركز فى اللى جاى..

    النهاردة هنتكلم عن القاعدة السادسة والقاعدة دى مهمة و بتقول

    " Use real English materials "

    القاعدة دى بتطلب منك أنك تستخدم منهج صح وانت بتتعلم إنجليزي أياً كان سنك فانت ليك على الاقل 4 سنين بتتعلم انجلش بس انت لسة عندك مشكلة في انك تتكلم إنجليزي زى متحدثين اللغة الاصليين و ده بسبب انك مش بتستخدم منهج صح.

    انت لما بتستخدم كتب المدرسة انت بتذاكر الكتاب مش بتذاكر إنجليزي و ده مش هيساعدك انك تتكلم الي هيساعدك فعلا انك تتعلم إنجليزي نستخدمه في يومنا في المحادثات بنسمعها في الافلام و الاغانى كدة انت هتقدر تفهم المتحدثين و تقدر تتكلم زيهم كمان.

    طيب المناهج دى اعرفها ازاى؟؟ هقولك..

    1\ لما تيجى تقرا متقراش الكتب المدرسية اقرا قصص قصيرة سهلة و ممتعة لان الكتب دى مش مفيدة و مش هتعلمك الي انت محتاجه اقرا قصص مغامرات او اى حاجة بتحبها و لو مقدرتش تفهم انزل بالسن بتاغ القصص يعنى هتجيب قصص ل 15 سنة لو لقيتها صعبة اقرا قصص ل 10 سنين و هكذا لحد ما تفهم ال بتقراه.

    2\ لما تيجى تسمع هتطبق نفس الكلام هتسمع قصص قصيرة و ممتعة و اهم حاجة تكون فاهم الي بتسمعه علشان تنطقه صح و بلاش تسمع كلام معقد و مش بنستخدمه فى الكلام في اول ما تبدا علشان مش هتكمل و ركز اكتر ع الاستماع لانه بيمثل 80% من عملية تعلمك للغة.


    3\ استخدم مجلات و صحف يومية اتفرج على افلام اجنبي اسمع اغاني و تكون بردو مفهومة ليك لان هو ده الي انت بتستخدمه فى محادثاتك اليومية .

    بعد ما تستخدم المنهج الصح 6 شهور هتكون قادر انك تفهم متحدثين الغة الاصليين و كمان هتقدر تتكلم زيهم و طبعا مع تطبيق باقى القواعد باذن الله.

    وهتلاقى قصة نجاح فى اخر المقالة لطلبة اتعلمت من الكورس ومستواهم فى الانجليزى اتحسن جدا.

    الخطوة العملية :

    ارمى كتب المدرسة او الكورسات اللى ملهاش لزمة و ابتدئ استخدم مناهج صح.

    رابط تحميل الكورس: إضغط هنا للتحميل مباشرة من جوجل دريف


    أهم مقالات نادى القراءه العملية 

    لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءة العملية "

    Ahmed Sysy
    @مرسلة بواسطة
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق