تعليم اللغة الانجليزية للمبتدئين " السر الثاني " - نادي القراءة العملية
404
نعتذر , لا نستطيع ايجاد الصفحة المطلوبة

18 مارس 2018

تعليم اللغة الانجليزية للمبتدئين " السر الثاني "



 سلسلة مقالات "7 أسرار تعلم اللغة الانجليزية بطلاقة للمبتدئين "


بعد ما عرفنا القاعدة الاولى وهى اننا نتعلم الكلمات فى جمل مش كلمات فردية. " رابط المقالة الاولى "

القاعدة الثانية هى مفاجأة لناس كتير

" أوعى تفكر فى قواعد اللغة "


"Don't study grammar rules "


واحنا فى المدرسة كان دايما يتقالنا ذاكروا القاعدة دى و احفظ القاعدة دى في المدرسة او الجامعة او حتى الكورس و ده من اكبر الاسباب إلى بتكرهنا فى اللغة و تحسسنا انها صعبة مع انها مصنفة انها اسهل لغة.


سؤال يثبت ان الطريقة دى مش صح هل تعلم القواعد بالطريقة دى علمك قواعد اللغة هل بقيت بتتكلم إنجليزى زى العربى و انت بتتعلم الانجليزى بطريقة ميس مرفت مع ان ليك سنين بتتعلم ؟


طيب ليه مش بتتكلم إنجليزى ؟


لان و انت بتتعلم بالطريقة دى تركيزك كله بيبقى على تحليل اللغة اكثر من ممارستها و الطريقة دى كويسة لو انت بتكتب لان عندك وقت تفكر فى القاعدة قبل ما تكتبها لكن لو انت بتتكلم مش هتلاقي وقت للتفكير وإلا هتبقى بطئ جدا فى الكلام .

طيب انا عايزة اتكلم إنجليزى زى العربى..


ازاى متحدثي اللغة الاصليين بيتعلموا قواعد اللغة ؟؟



المتحدث الاصلى للإنجليزى مبيتعلمش قواعد اللغة إلا علشان يكتب اومال ازاى بيتكلم إنجليزى بطلاقة و انا مش قادر أتكلم أصلا ؟؟

هقولك بالظبط زى ما حضرتك اتعلمت العربى و انت صغير محدش جه و علمك قواعد النحو و إلا كنت هتكرها ومش هتتعلم بردو لكن انت قعدت تسمع العربي كتير جدا و بعدين لما كبرت نطقت و هى دى بالظبط الطريقة إلى هنتعلم بيها إلانجليزى انك تسمع و تقرا إنجليزى صح كتير جداً.

متقراش كتب قواعد الانجليزى اقرا كتب بسيطة و سهلة فى البداية و هكذا الاستماع متسمعش حاجات صعبة اسمع حاجات سهلة و مفهومة. وبعد كده ذاكر جرامر براحتك لانه مهم جدا ..

طيب ايه ده اومال هنتعلم قواعد اللغة ازاى من غير ما نذاكرها ؟

هو ده بالظبط بقى اللى هنتكلم فيه فى باقى المقالات ,

ازاى تكتسب قواعد اللغة بطريقه طبيعيه عن طريق ("Point of view stories")

رابط تحميل الكورس: إضغط هنا للتحميل مباشرة من جوجل دريف


الخطوة العملية النهاردة :

اقرا كتب سهله واسمع حاجات كتير سهلة وممتعة ليك ومتذاكرش جرامر فى الفترة دى , اجل الجرامر لبعد كده

اقرا قصه حقيقيه وتجربه مع القواعد وكورس Power English 

رابط تحميل الكورس: إضغط هنا للتحميل مباشرة من جوجل دريف


اهم مقالات نادى القراءه العملية 

لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "


شارك المقال

0 تعليق

جميع الحقوق محفوظة لـ نادي القراءة العملية | تصميم :