‎ بوابتك للتعلم الذاتى

موقع كورسيرا (Coursera) أهم كورسات اونلاين ليك - تعلم كيف تتعلم

موقع كورسيرا (Coursera) أهم كورسات اونلاين ليك - تعلم كيف تتعلم
يحتوي هذا الموضوع على:
    كورسات كورسيرا
    أهم كورسين على "موقع كورسيرا - Coursera" لكل شخص على وجهه الارض مهما كان مجالك!

    هتلاقي في المقالة دى: شرح مفصل لكورسيرا وازاى تتعلم من اكبر الجامعات في العالم مجانا!

     لما حد بيسالنى أفضل كورسات اون لاين على موقع كورسيرا؟

    ابدا بكورس ايه اون لاين؟ او ايه أفضل الكورسات اللى اتعلمها اون لاين؟

    المفروض اساله عن مجاله واقوله اسال مختصيين فى مجالك يرشحولك افضل الكورسات، ولكن انا عندى اجابة مختلفة قبل ما اقول الجملتين اللى فاتو دول، وهما كورسين أساسيين على موقع كورسيرا لكل فرد فى العالم ايا كان مجاله.


     1/ كورس "Learning How To Learn" من منصة "Coursera"

     و ده كورس مصنف من افضل الكورسات الاونلاين فى العالم، تجاوز عدد طلابه حاجز المليون ونص طالب من جميع انحاء العالم!


    Learning How to Learn - موقع كورسيرا

    لان من اسمه كده بيعلمك ازاى تتعلم بشكل صحيح بنصائح وخطوات عملية، ازاى عقلك بيشتغل، ازاى تتعامل مع التسويف او التاجيل، ازاى تفهم طرق التفكير، ازاى تفهم وتحفظ وتتعمق فى اى علم وكنوز تانى كتيير.

    لازم تحجز فيه وتدرسه بتركييز جدا مهما كان مجالك او تخصصك او الحاجة اللى بتحاول تتعلمها!

    وده لينك الكورس: https://goo.gl/brJ0qN

    هتقولى عندى مشكله مع الانجليزى، هقولك الكورس مترجم عربى ابسط ياعم. وخطوات الترجمة مشروحة فى الصورة دى.

    Learning How to Learn - موقع كورسيرا

     الكورس التانى بقى هو ابن عم الكورس ده واخوه الصغير وبيكملوا بعض بس لازم تبدأ بالكورس الأول، وبعدين تدخل على الكورس ده!

    2/ كورس "Mindshift: Break Through Obstacles to Learning and Discover Your Hidden Potential" 

    هيعلمك ازاى تتغلب على عوائق التعلم، وازاى تتميز فى مجالك جدا، وتكتشف قدراتك كلها، وازاى تستخدمها صح ايا كان سنك أو مجالك.

    وده لينك الكورس: https://goo.gl/e8zsAi

    هتقابلكم مشكله وهى ان الكورسات دى بفلوس، بس احنا مصريين ومفيش حاجه بتقف معانا.

    اقرأ أيضاً:  كورسات اونلاين أساسية ممكن تبدأ بيها أيا كان مجالك! (كلهم مجانا)

    تقدر تحصل على كل كورسات كورسيرا مجانا من غير الدعم المالى كمان من هنا

    كورسيرا عملت حاجه اسمها الدعم المالى وده معمول للطلبه الغلابه ال زي حالتنا كده بتقدم عليه وبتاخد الكورسات والشهاده ببلاش.

    طب نعمل ده ازاى هتلاقو الخطوات كلها فى المقاله دى: كيف تحصل على الدعم المالى بشهادات معتمدة من موقع كورسيرا.

    او شوف الفيديو على قناتنا على اليوتيوب "كيف تحصل على الدعم المالى بشهادات معتمدة من موقع كورسيرا"


     قبل ما انسى هتاخد الشهادات دى معتمدة من جامعة McMaster University فى كندا.

     وانت قاعد فى بيتك  لو اخدت الكورسين دول تقدر بعدها تدرس اى حاجه فى الدنيا وانت مطمن، وهتكون مميز عن ناس كتييير جدا، دول هما الاساس و الخطوه الاولى منشن وشير لصحابكم واتعلمو مع بعض.

    لو عايز تعرف ايه هو موقع كورسيرا وازاى تسجل عليه وتاخد كورسات اون لاين من كورسيرا شوف الفيديو ده

    للحصول على الكورس المجانى عن "ازاى تتميز فى سوق العمل ومجالك". اضغط هنا
    لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "
    Ahmed Sysy
    @مرسلة بواسطة
    مؤسس نادي القراءة العملية، ومتخصص فى صناعة المحتوى، وتحسين محركات البحث "SEO" أسعى لمساعدة مليون شاب لبداية رحلة التعلم الذاتي


    1. كيف اقدر اسجل في موقع كورسيرا بضبط

      ردحذف
      الردود
      1. شوفي الفيديو ده في طريقة التسجيل علي كورسيرا بالتفصيل
        https://www.youtube.com/watch?v=GYnth9cABuk

        حذف
    2. طب أنا حاليا في كورس تعلم كيف تتعلم مرحله الassigment بتاعة الاسبوع الاول ومش فاهمه الخطوة دي في اجابات للاسئلهة دي ولا ايه ويعني ايه peer grading

      ردحذف
      الردود
      1. اه بتجاوب على الاسئلة ، peer grading دى درجات بتديها لزمايلك فى الكورس وهما كمان بيراجعوا اجابات ويدولك درجة بناء عليها

        حذف
    3. طب ادي درجات ليهم ازاي واعرف انهم ادوني درجتي ازاي !؟ وكمان طالبين دلوقت فاينال بروجكت وانا مش عارفه مفروض يتعمل ايه !؟ وكمان في خط التقدم بتاعي معمولي علامه صح فوقبها علامه صح للاسبوع الاول بس لكن التاني والتالت لا كدا تمام ولا ايه !؟ وعايزين forum دا هوا الفاينال بروجكت صح!؟

      ردحذف
    4. عايز حل ال final project في كورس learn how to learn

      ردحذف