فن الكروشيه وكيف تتعلم الكروشية للمبتدئين و المحترفين .
فن الكروشيه
من اكتر الفنون الممتعه
والمبهجة واللى مؤخرا انتشر كورسات كتييير فيها وبدأ يزيد الابداع عن سابقه.
ما هو فن الكروشيه ؟
احد فنون الحياكة بالابره
وابرة الكروشيه بتكون
معكوفه بشكل مميز واسمها سنارة
وبنستخدم خيوط صوف او قطن
او حرير او خيط التشيرت المعروف باسم الكليم.
وفي المقال دا جمعتلكم
بعض المصادر لتعليم الكروشيه من الصفر مع توضيح محتواها ورايي فيها.
1/ هنبدأ اول حاجه باول مصدر انا اتعلمت منه:
(قناة كافيه كروشيه ) على
اليوتيوب
ودا اول كورس فيها لتعليم
الكروشية للمبتدئين.
(هتلاقوا في الكورس دا
فيديوهات بالادوات والغرز الاساسية واساسيات الكروشيه بشكل عام)
انا بحثت عن كذا مصدر
تاني للاساسيات عربي وانجلش بس مافيش حاجه عجبتني اكتر منه بسبب الشرح المبسط فيه
وعشان كده مش هحط مصادر غيره للاساسيات .
وممكن بعد ما تخلصوه على
نفس القناة تجربوا كروشيه ورود من هنا عشان تدربوا فيها ايدكم ع الغرز اكتر
كروشيه ورود - قناة
كروشيه كافيه : من هنا
خلصنا اول كورس واتعلمنا
الاساسيات ودربنا ايدنا شوية؟
نيجى للخطوة التانية .
2/ عادة اكتر حاجة بتكون
صعبه على اي حد بيتعلم الكروشيه فى البدايه هو ان مبيكنش عنده صبر للمشاريع محتاجه
شغل ووقت كتير.
وعشان كدا جبتلكم كام
مصدر هتلاقوا عليهم مشاريع بسيطه متاخدش منكم وقت كتير وعمليه وشكلها مبهج
وهتديكم احساس بانكم عملتوا حاجه كبيرة.
موقع رام كروشيه
(موقع باترونات مكتوبه
بالعربي والانجليزي مش فيديوهات لكنها مكتوبه باسلوب سهل يفهموا اللى اخد الكورس
بتاع الاساسيات من كافيه كروشيه)
لينك الموقع : موقع رام كروشيه.
خلصنا الحاجات البسيطه
ودربنا ايدنا واستوعبنا الغرز اكتر وبقينا عارفين نشتغل بيها؟
ندخل ع التقيل بقى
3/ هنا مصادر لحاجات
مختلفه ومشاريع اكبر زي اللبس والشنط ولبس الاطفال والدمى والاحذية وباشكال مختلفه
وحلوة جدا
- كروشيه اطفال : من هنا
- كروشيه شنط : من هنا
- كروشيه دمى : من هنا
- كروشيه احذية : من هنا
- كروشيه ملابس : من هنا
فيه كمان الكورس ده من edumefree لتعليم الكروشيه من
الصفر للاحتراف
وممكن يغنيكم عن
الفيديوهات اللى فوق دي كلها
للحصول على الكورس تعليم الكروشيه من الصفر للاحتراف من هنا
دي بعض الحاجات اللى ممكن
تفيدكم وانتوا بتشوفوا وتجربوا هتلاقوا حاجات تاني افضل واكتر وهتعرفوا تختاروا
القنوات اللى تتابعوها على يوتيوب.
وبجانب دا شوفوا جروبات
على الفيس خاصه بالكروشيه وانضموا ليها وتابعوا صفحات بردو وحاولوا طول الوقت
تخلوا الحاجه اللى حابين تتعلموها قدام عينكم بكل الطرق.
وفي النهايه اتمنى اكون
افدتكم ولو بحاجه بسيطه
وربنا يوفقكم وتبدعوا :)
اهم مقالات نادى القراءه العملية
- - نادى القراءه بيقدم ايه ؟
- - اختبار MBTI اعرف شخصيتك
- - ازاى تغير حياتك من الفيس بوك
- - 6 نصائح لتتميز فى الجامعه وسوق العمل
- حول موبايلك لمدرسة متحركة تدرس فيها اللى بتحبة
لو حابب تنضم للجروب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "