ريادة الاعمال : 7خطوات تعملها عشان يبقى عندك بيزنس ناجح ! - نادي القراءة العملية
404
نعتذر , لا نستطيع ايجاد الصفحة المطلوبة

الثلاثاء، 14 نوفمبر 2017

ريادة الاعمال : 7خطوات تعملها عشان يبقى عندك بيزنس ناجح !

ريادة الاعمال :  بيزنس ناجح !


ريادة الاعمال والبدء فى البيزنس الخاص بك اصبح امر لا مفر منة لزيادة دخلك وتنويع مصادر دخلك.


وهنتكلم فى المقالة دى عن 7 خطوات عملية لو طبقتهم هيبقى عندك بيزنس ناجح ومصدر دخل ثابت

1/ دور على مشكله معينه انت بتعانى منها او الناس بتعانى منها و شوفلها حل و طبقه على نفسك ولو نجح قدمه للناس ، سواء خدمه او منتج .

اى شخص فى الدنيا مستعد يدفع اى مبلغ عشان مشكلتة تتحل وحياتة تتغير , اقولك اول شخص تفكر فى مشاكلة مين ؟ 
انت ! فكر فى مشاكلك انت , ودور لها على حل عملى وهتلاقى ناس كتير جدا شبهك بتدور على حل عملى للمشكلة دى . 

وقتها تقدر تقدملهم الحل وتبدا البيزنس الخاص بيك . 

2/ ابدا صغير مش عيب !

 اتعلم اقرا كتب عن البيزنس فى مجالك كتير و طبقها ، خليك صبور ، و استمثر فى وقتك اكتر ما تستثمر فلوس ، افتكر ديما ان اهم استثمار تستثمره فى حياتك هو استثمارك فى نفسك .

3/ ابدا بفلوس قليلة


و لما يجيلك دخل منها حتى لو صغير وفره عشان تطور و تكبر البيزنس بتاعك قدام ، ده افضل كتير من ما تستلف من صحابك او تعمل قرض و غيره ، الحل ده محتاج حد صبور جدا بس حل عملى جدا.

4/ قبل ما تاخد اى خطوه جديده او كبيره لازم تفكر فيها كويس جدا جدا .


 السرعه مش مطلوبه دلوقتى خالص ، البيزنس محتاج صبر ونفس طويل ، افتكر ديما ان خطوات صغيره مستمره افضل بكتير من الكمال المستحيل ، امشى خطوه وحده فى كل مره و لكن بإتقان جدا و هتفرق معاك جدا فى المستقبل. 

5/ لما يجى وقت عليك و عايز تكبر البيزنس بتاعك


 متخفش وتوكل على الله وكبر البيزنس بتاعك و لكن من فلوس المكسب اللى كسبته من البيزنس ، اوعى تكبر البيزنس بتاعك من فلوس تانى غير المكسب حتى لو هتصبر كتير مش مشكله .


6/ اختار الناس اللى تشتغل معاك بحرص جدا 

 إختار فريق قوى و ناس مخلصه و استمثر فيهم و يساعدوك فى البيزنس يكبر ، خد بالك لأن اكبر غلطه ممكن توقعك انك تختار ناس غلط او مش مخلصين ، عشان كده خليك حريص جدا جدا و انت بتبنى فريقك و الناس اللى تعمل بيزنس معاها. 


7/ اتعلم ديما بإستمرار.


 شوف ايه اللى ناقصك و اتعلمه سواء كان مهاره معينه او لغه معينه او كتاب معين . من اكبر اسباب فشل اى بيزنس هو عدم التجديد. مستعجلش خالص انك تبدا بيزنس و انت لسه مش متعلم المهارات اللى ناقصاك عشان تنجح ، خد وقتك براحتك ، و كل دقيقه هتسثمرها فى تطوير نفسك هتعود عليك بأضعاف فى المستقبل. 

المصدر / Brain Tracy's Success Newsletter

شارك المقال

جميع الحقوق محفوظة لـ نادي القراءة العملية | تصميم :