كيف تتعلم الانجليزية فى 15 دقيقه يوميا !

كيف تتعلم الانجليزية فى 15 دقيقه يوميا !
    كيف تتعلم الانجليزية بدون معلم ؟


    هنتعلم النهارده خطوات وطرق لتعلم اللغة الانجليزية لوحدك بدون معلم !

    اللغة الانجليزية اصبحت من اهم المحاور فى حياتنا سؤاء فى العمل او حياتنا اليوميه لذلك عليك ان تتعلم انجليزي 

    علشان كده الشغل الشاغل للكل دلوقتي انه يعرف ازاي اتعلم انجليزي بشكل صحيح مش بسرعه !  
    لان فكرة السرعه هي اكبر كدبه ممكن حد يكدبها علينا في حياتنا
    لان ببساطه احنا لسه بنتعلم في لغتنا الام لحد النهارده ايًا كانت اعمارنا علشان ناخد لغة تانيه وتكون بمثابة اللغه الام عندنا فاحنا هنفضل نتعلم طول عمرنا الفكره اننا هنبدا نتعلم صح بنفس الطريقه اللي اتعلمنا بيها العربي 
    لان دي الطريقه اللي ربنا خلق مخنا بيشتغل بيها او بيستقبل المعلومه بالاخص اللغات بيها . 

    طيب ازاي ممكن اتعلم انجليزي صح؟

    بداية الاجابه هي اننا نعرف هو ازاي العقل البشري ممكن يتعلم لغه؟
    ازاي اتعلمنا لغتنا الام ؟

    لو ركزنا شويه مع اي طفل هنلاقي ان مراحل تعلم الكلام كالاتي :

    سنه تقريبا بيسمع بس negative listening  يعني بيسمع من غير اي رد فعل مش بيرد
    طيب اللي بيسمعه دا بيروح فين بيتخزن في ال sub conscious اللاوعي 
    وبعدين بنلاقيه بيبدا ينطق الكلام متلغبط شويه بيقول كلمتين شويه
    بيبدا ينطق صح ويقول جمل كامله صح ولاحظوا ان مفيش طفل عمره يغلط في التذكير والتانيث
    ولا بيغلط في الماضي والمضارع علي الرغم من عدم استيعابه اصلا للفكره . 

    ولا احنا كبالغين نعرف قواعد المضارع والماضي والمستقبل والفاعل والمفعول ونائب الفاعل
     بس بنتكلم عربي صح " الناس اللي بتتكلم عربي مش اصحاب اللكنات" 

    طيب دا حصل ازاي ؟

    دا حصل من اللي كان بيسمعه اكتسب اللغه بقواعدها كده زي ما هي وبعدين بقى بيدخل المدرسه وبيبدا يفهم دا جيه منين وليه وعلشان ايه بس الكلام دا بعد ما يكون متقن تماما للغه بيبدا يتعلم الكتابه واسباب ان الفاعل مرفوع وووو الي اخره.

    طيب دا ينفع بقى اعمله في الانجليزي او اي لغه عايز اتعلمها؟؟

    طبعا , اصلا مينفعش تعمل غير كده.

    طيب انفذ ازاي ؟ 

    اهم حاجه في اكتساب لغه جديده هي الممارسة المنتظمة 
    بمعني ان مينفعش امشي على سطر واسيب سطر 
    تاني اهم حاجه هي ال   negative listening اسمع كتير حتى اذا مش فاهم اسمع كتير 
    حتى اذا مش مركز في اللي بيتقال وهتقرا الترجمه اسمع واول ما هتبدا في المرحله اللي بعدها هتجني ثمار اللي كنت بتسمعه دا .

    طيب هنفضل negative عالطول ؟

    اكيد لا  

    بعد كده هنبدا نختار  scene من فيلم من الافلام اللي نحبها او كل يوم تبدا تحدد لنفسك على سبيل المثال 3 دقايق بالكتير ويكون معاك ال script الخاص بيهم وتبدا تسمع وتقلد بالظبط وتسجل لنفسك وتسمع وتقارن صوتك بصوت ال speaker الحقيقي
    طيب انا هعرف منين انا صح ولا غلط ؟؟
    ما انت هتسجل لنفسك وانت بتقلد الصوت الحقيقي وهتقارن ايه الفرق بين الصوتين .

    و دى مقاله كامله بتشرح ازاى تتعلم من الافلام بطريقه صحيحه وممتعه جدا 



    طيب احنا ممكن ننظم الدنيا اكتر ونخليها على هيئه جدول ؟؟؟
    اه ممكن جدا 
    كل يوم هنحدد لنفسنا فيلم نشوفه  اي فيلم ونركز مع الترجمه والاحداث بتاعته عادي جدا 
    هنحدد 15 دقيقه ممارسه ال 15 دقيقه دول هنقسمهم على ال 3 

    الخطوات هتكون كالاتى :

     اننا هنجيب كشكول خاص بينا كده وبالانجليزي وهنبدا نجيب  ال scene المعين دا اللي هو 3 دقايق مش اكتر بس ممكن اقل اذا ال 3 دقايق كتير او فيهم كلام كتير  وهنبدا نطلع الكلمات الجديده علينا فيه ونعرف معناها مش بالعربي هننسى العربي تماما في التعليم لان مينفعش تتعلم لغه بلغه ايًا كانت اسبابك شوفلها رسمه , مثلها , غنيها اي حاجه المهم عربي لا . 

    وبعدين هناخد الكلمات الجديده دي وهحاول احطها في جمل واتكلم بيهم واستخدمهم  واسمع التسجيل ماشي معانا طول الوقت دول كده تاني 5 دقايق اخر خمس دقايق اننا هنقلد ال scene دا ونسجل ونسمع نفسنا ونقارن اداءنا باداء الspeaker الاصلي .

    طيب مع الوقت هنبدا ال 15 دقيقه دول يكونوا نص ساعه 10 دقايق نسمع و10 دقايق
     نعرف الكلمات وندخلها في جمل و10 دقايق نقلد 

    ومع الوقت هنبدل وممكن ندخل الكتابه في المووضع ونبدا نتعلم ازاي نكتب صح  وقدام شويه نبدل فكرة اننا نقلد بفكرة اننا نتلكم من نفسنا باستخدام الكلمات الجديده ونعمل مناقشات.

    كل حد مننا هيقدر يبدا في دا وينفذه لوحده 
    بس الاجمل ان يكون في مجموعه من الايجابين اللي يقدروا ينفذوا دا مع بعض ويتابعوا بعض. 

    اخيرًا وليس اخرًا ياريت كلنا نفتكر ان الانجليزي هو تاني اسهل لغه على مستوى العالم واحنا بنتكلم تاني اصعب لغه على مستوى العالم فالموضوع سهل متكبرهوش او تديله اكبر من حجمه.

    وبالتوفيق وربنا يكرم الجميع

    مقالات ذات صله : 

    1/ كيف تتقن الانجليزيه من الافلام 

    2/ استخدم اليوتيوب لتحسين نطقك فى الانجليزيه

    3/ احدث 7 طرق لاكتساب اللغه من المدرس رقم 1 فى العالم

    للحصول على الكورس المجانى اضغط هنا

    لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "


    Ahmed Sysy
    @مرسلة بواسطة
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق