كيفية الصلاة الصحيحة - استقبال القبلة - افهم صلاتك

كيفية الصلاة الصحيحة - استقبال القبلة - افهم صلاتك

    هل استقبال القبلة من شروط صحة الصلاة؟


    عمرك سالت نفسك قبل كده هل استقبال القبلة من شروط الصلاة الصحيحة؟

     طب ليه لازم نصلى كلنا فى فى اتجاه قبلة موحده ؟


    تعالو نشوف القصه دى مع وهنعرف بعدها ليه بنصلى فى قبلة معينه وايه قصتها و فايدتها و ازاى نستقبل القبلة ..

    ابتدى اليوم بشلة اصحاب قرروا يقضوا اليوم مع بعض, وفي وسط الضحك واللعب والجو الحلو سمعوا المُأذن " الله اكبر الله اكبر"

    فقال واحد منهم " يا شباب يلا نصلي وبعدين نكمل لعب"
    وبالفعل راح ثلاثه منهم اتوضوا علشان يستعدوا للصلاه ولما رجعوا , بدأت الحيره
    فسالوا" فين اتجاه القبله؟؟"

    فواحد من اصحابهم اللي مكنوش مهتمين اوى انهم يصلوا رد " مش لازم القبله انتو بتصلوا لربنا ولا للكعبه؟! ما تصوا في اي اتجاه  وتخلصوا عايزين نكمل"
    ظهرت  الدهشه على وشوش اصحابه ورد واحد منهم وقال "  دا اللي هو ازاي يعني لازم القبله يا ابنى والا الصلاه تكون باطله "

    رد قالهم " والله انا ما عرفلكم حال منين بتقولوا انكم بتعبدوا ربنا مش الكعبه وازاي اذا مصلتوش نحية الكعبه الصلاه تكون باطله؟!! ما هو كده مفيش فرق ما بينكوا وبين اللي كانوا بيعبدوا وبيصلوا للاصنام."

    في وسط حاله زهول من اصدقائه رد واحد منهم وقال" ايه اللي بتقوله دا الموضوع مش كده"
    فرد وقاله " امال الموضوع ايه؟ ومتحاولش تقولي  ربنا قال اقنعني بالعقل."

    تنهد صديق وقال" بص يا سيدي .. الكعبه دي اول بيت وضع للناس ,, اول بين للعباده ااقصد ها .. من ايام سيدنا آدم عليه السلام وبعد كده سيدنا ابراهيم اعاد بناءه رممه يعني بلغتنا احنا.

    اولًا اول خريطه اترسمت للعالم رسمها الادرسي سنه 1154 

    كان الجنوب فوق والشمال تحت والكعبه في النص جيه الغرب بعد كده قلبوا الاتجاهات فبقى الشمال فوق والجنوب تحت  وبردو فضلت الكعبه في النص يعني هي مركز الارض.

    ثانيا بقى تخيل موقف زي اللي احنا كنا لسه في من شويه دا وعايزين نصلي وطبعا مفيش حاجه موحده بقى ماهي مش فارقه !


     فكان الوضع ان كل واحد هيصلي في اتجاه اللي يصلي نحية الشمال علشان الجو حلو واللي بقول لا انا برتاح للشرق واللي يقول انا هصلي اتجاه الغرب يمكن ربنا يكرم بهجره.... طيب وبعدين فين الوحده؟؟؟
    فلما يكون لينا كمسلمين ايًا كان مكانك وانت بتصلي ,,, انت هنا اخوك في اليابان وواحد في بريطانيا كلكوا بتصلوا وجهتكوا واحده اتجهكوا واحد.

    فكر معايا كده لما تكون حاجه زي كده مستقره في قلبك اول حاجه هتيجي في دماغك ايه وانت واقف قدام ربنا او حتى وانت قاعد تفكر ..؟؟ الوحده والثبات هتفكر اننا دين مش بيتغير ولا بيتبدل بتغير المكان ولا الزمان والميول والاهواء  ولا ايه ؟.

    ظهر على وش صاحبهم علامات الرضا والامان وبعد دقايق من السكوت والحيره ما زالت على اتجاه القبله,, سمعوا واحد منهم بيقول " اول مره افكر ليه واحنا بنقول الفاتحه بنقول اياك نعبد واياك نستعين اهدنا الصراط المستقيم,, ليه دايما بالجمع يعني مش ليه اياك اعبد اياك استعين اهدني الصراط المستقيم."

    رد صديقه " ربنا يفتح عليك , نفس الوقت اللي انا بصلي فيه هنا في واحد تاني على دائره عرض تانيه بيصلي معايا ,,, كلنا واخدين نفس القبله فانا بدعي للي بيصلي معايا سواء كان جنبي في صف كتفه في كتفي او في بلد تانيه او حتى على دائره عرض تانيه .... نفس المبدا الوحده والثبات."

    فرد واحد من اللي مكنوش مهتمين انهم يصلوا" وغير فكرة الوحده والثبات انا بتخيل دلوقتي اني واقف بقول يارب اياك نعبد واياك نستعين وانا ولا بعبد ولا بستعين دا هما اللي جنبي اللي بيعبدوا وانا زي البغبغان بردد وخلاص ومش مركز في اللي بقوله.... "

    قطعه صاحبه " وهتركز ازاي في حاجه مش فاهمها , احنا طول عمرنا بنقول الفاتحه و اول حاجه بنحفظها لكن حد منا حاول في يوم يفهمها؟؟"

    رد صديقه" للاسف لا  انا فعلا نفسى اعرف معانى كل آيه بقولها فى سوره الفاتحه , احنا لازم نبحث عنها  ,و ربنا يغفر لنا تقصيرنا".

    مشوا الباقين علشان يتوضوا واقاموا جميعًا الصلاه مستحضرين القبله متفقين على تدبر سورة الفاتحه في اقرب وقت ييسره الله لهم.


    Ahmed Sysy
    @مرسلة بواسطة
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق