صحى قلبك و اعرف شغفك بخطوات عمليه - نادي القراءة العملية
404
نعتذر , لا نستطيع ايجاد الصفحة المطلوبة

10 مايو 2017

صحى قلبك و اعرف شغفك بخطوات عمليه


 خطوات عمليه هتساعدك انك تلاقى شغفك.


قبل ما نتكلم عن الشغف وحلاوته وسحره خلينا الاول نطبق بعض الخطوات العمليه اللى من خلالها هتقدر تجاوب على الاسئله وتوصل لشغفك.

مبدئيا الشغف مكانه القلب ، فلازم ترجع تعيد الارتباط ما بين قلبك تانى مش يكون عقلك بس المتحكم ، اعمل توصيل مع قلبك عشان تعرف تسمعه و يوجهك و دى بدايه اى قصه شخص ناجح وهى انه مشى ورا قلبه.

بس خلينى اسالكم سؤال وتجاوبو بصراحه.

 " هل انت مرتبط اكتر بقلبك ولا بعقلك فى الوقت الحالى ؟ "





الصوره دى للاسف بتعبر عن حال ناس كتير اوى مننا , قلبنا كان مسيطر جدا واحنا صغيرين وكل ما بنكبر العقل بياخد مكان القلب لحد ما القلب بيختفى اصلا !

بس خلينا ناخد آيه من كلام ربنا عز وجل فى القرآن الكريم

 " أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا "


فكر فى الايه دى شويه وعيد حساباتك تانى.



و ده هياخدنا لاول خطوه و هى:

1/ اقرا قصص نجاح كتير هتلهمك
و هتشوف الناس بظروف اصعب منك و نجحو ازاى و هتطلع بمليون فكره
و فى أيه فى القرأن " و كلا نقص عليك من انباء الرسل ما نثبت به فؤادك ... "

طب ليه مهم نقرا قصص نجاح كتير ؟ لان الواقع بره اغلبه سلبى ومحبط جدا وغالبا هيتريقو عليك , وهنا هيجى دور قصص النجاح هتلاقى ناس فى نفس ظروفك ويمكن اصعب ونجحو لما هتقرا القصص دى قلبك هيطمن وهتتعلم منهم كتير .


2/ هات ورقه و قلم و اعمل " happiness list " قائمه السعاده بتاعتك

وتكتب فيها كل الحاجات اللى بتفرحك حتى لو اكله بتحبها او مثلا لو لقيت ربع جنيه ف جيبك فى وقت الاجره فيه جنيه و ربع لما تكون مدايق اختار حاجه من القائمه دى واعملها و هتعرف ان مفتاح سعادتك فى معاك . افتكر ديما ان الهدف من كل الخطوات دى ان قلبك يصحى تانى

3/ هات نوت بوك و سميه " the gratitude journal " قائمه الشكر و اكتب فيها كل يوم قبل ما تنام اى حاجه حلوه حصلتلك النهارده او نعمه بتشكر ربنا عليها ، كده بتدرب عينك انها تشوف نعم ربنا عليك " لئن شكرتم لازيدنكم "

4/ و اهم خطوه فيهم بقى هى التجربه , على راى احمد مكى لما قال " مش يمكن لما اجرب اطلع بعرف " هتعرف نفسك وامكانياتك بالتجربه مش من مقاله او كتاب او غيره .. جرب ثم جرب ثم جرب

اخيرا بقى حط نفسك مع ناس عندها شغف لانهم هيساعدوك جدا بدل المجتمع المحبط اللى عايش فيه ، الناس دى هتكون عزوه و ضهر ليك دول هتلاقيهم فى عيله نادى القراءه العمليه.


طبقو الخطوات دى و ادعولى عشان تعرف تجاوب على الاسئله فى المقالات القادمه :)

" اسمع لصوت قلبك "

من سيشن : practical steps to find your passion "




شارك المقال

0 تعليق

جميع الحقوق محفوظة لـ نادي القراءة العملية | تصميم :