كورسات اون لاين - أفضل المواقع التعليمية العربية والاجنبية.

كورسات اون لاين - أفضل المواقع التعليمية العربية والاجنبية.
    أفضل المواقع التعليمية للكورسات الاونلاين

    كورسات اون لاين من أفضل المواقع التعليمية للكورسات الاونلاين العربية والاجنبية.

    انتشر فى الفتره الاخيره مفهوم التعلم الذاتى واهميتة و فى المقالة دى تتعرف على مواقع التعلم الذاتى و اهمية التعلم الذاتى

    ده مش اعلان مشروب مياه غازية او مشروب طاقه زى ما انت فاكر .! :D
    ده اعلان عن المووكس و مواقع كورسات التعليم اونلاين.

    -ايه ال MOOCs ده يا كبير؟ ده اختصار ل  Massive Open Online courses.


    يعنى باختصار ده اللى احنا بنسميه عندنا , التعليم الاونلاين.

    - مواقع كورسات اون لاين يعنى ايه ! 

    - يعنى انت تقدر تتعلم اى علم او مجال فى الدنيا من اكبر جامعات العالم ببلاش كل المطلوب منك
     " كمبيوتر او لاب توب + وصله نت + نية صادقه للتعلم  " 

    -  بجد الكلام ده ؟ طب انت جربته ؟

    اه جربته تعالى احكيلك حكايتى باختصار مع التعليم الاونلاين والتعلم الذاتى , كنت فى اخر سنه فى الكليه ومكنتش بحب الكليه خالص عشان كلامها كان كله نظرى ومكنتش بستفيد حاجه , وكنت فاكر انى بكره العلم والتعليم, بس كنت غلطان لانى اكتشفت ان اى شخص فى الدنيا بيعشق التعلم بس لو اتقدمله صح بطريقه عملية ممتعة.

    وده اللى حصل معايا لما عرفت كنز " التعلم الذاتى & moocs" قلت هجربه واشوف هلاقى المجالات اللى نفسى اتعلمها ولا لا , وبالفعل لقيت كل المجالات, ومكنتش مصدق وانا قاعد فى بيتى انى بتعلم من جامعات وناس مكنتش احلم بيهم .

    وبدات اغير استخدامى للنت بدل ما اضيع وقتى على الفيس بقيت بقرا واذاكر اونلاين, كورس ورا كورس , كتاب ورا كتاب , بقيت شاطر جدا فى مجالى واتعلمت حاجات متعلمتهاش فى 4 سنين جامعه. 

    واتفتحت عينى على مجالات اوسع مسمعتش عنها قبل كده , واتعلمت مجال زى "الديجتال ماركتينج" لوحدى من بيتى من غير ولا مليم وبقيت شغال فى اكبر الشركات فى المجال ده وده كله بفضل ربنا اولا ثم كنز التعليم اونلاين ثانيا.
    و ده كورس من أفضل كورسات الديجيتال ماركتنج وهيخليك برنس " إضغط هنا عشان تشوفه "


    * ايه الحلاوه دى , طب انا كمان نفسى ابدا واتعلم بس معرفش مواقع ولا عارف ابدا ازاى ؟

    - عيب عليك تقول كده و نادى القراءة العملية موجود , هما اصلا  موجودين عشانى وعشانك وعشان كل طالب جامعى يدرس اللى بيحبه ويتميز فيه . عملوا مكان كامل تقدر تتعلم فيه اى مجال بتحبه اونلاين ببلاش , وبيتابعو معاك خطوه ب خطوه لحد ما بتكون صنايعى فى مجالك. 

    طب لو الانجليزى بتاعى وحش وعايز اتعلم ؟

    مواقع عربية للكورسات الاون لاين :

    1- منصه "ملقتى الدارين" 
    2- منصة " رواق "
    3- منصة " إدراك " مقاله بتشرح منصه ادارك من الالف الى الياء من هنا 
    4- منصة " مهاره "



    و دول أفضل ١٠ منصات عربية للكورسات الاونلاين

    اما بقى لو الانجليزى بتاعك كويس وده اللى لازم تشتغل عليه وتطور من نفسك منه يبقى هتدرس بالانجليزى من اكبر جامعات فى العالم

    مواقع اجنية للكورسات الاون لاين :

    1- منصة " Udemy ": و دى مقاله كاملة تعلمك ازاى تحجز على يوديمى خطوه بخطوه

    2- منصة " coursera "  ادخل هنا هتعرف ازاى تجصل على الدعم المالى وشهادته موثوقه من كورسيرا مجانا
    3- Shaw Academy
    4- Lynda
    5- Future learn : مقاله بتشرح الموقع خطوه بخطوه
    6- edX : مقاله بتشرح الموقع خطوه بخطوه


    يلا ابدا ومتكسلش واختار مجال تكون شغوف بيه ونفسك تتعلمه واستعين بالله واتعلم من بيتك 


    <3
    ولو محتاج ناس وبيئه ايجابيه تشجعك , يبقى اهلا بيك فى نادى القراءة , كلمنا على رسايل الصفحه وخليك واحد من عيله النادى <3
    او ممكن تنضم للجروب ده عملناه مخصوص عشان نتابعكم وتدرس اللى بتحبه من بيتك ومتكسلش لينك الجروب اضغط هنا 






    Ahmed Sysy
    @مرسلة بواسطة
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق