5 أدوات لازم تعرفها لو عندك بيزنس اونلاين . - نادي القراءة العملية
404
نعتذر , لا نستطيع ايجاد الصفحة المطلوبة

14 مارس 2017

5 أدوات لازم تعرفها لو عندك بيزنس اونلاين .




فى المقالة دى هنتكلم عن أدوات و مواقع مهمة جدا هتساعدك تزود الدخل بتاعك و تنظم شغلك اونلاين !


دلوقتى احنا بقينا فى عصر جديد جدا , عصر " الديجيتال " وهو ان كل حاجه دلوقتى اتحولت ديجتال والعالم كله انفتح على بعضه عن طريق الانترنت , يعنى انت تقدر توصل الخدمه او المنتج بتاعك للعالم كله لو قدرت تحول المنتج او الخدمة دى "ديجيتال"

ومبقاش اى حد دلوقتى يقدر يستغنى عن الانترنت , واى بيزنس لسه معتمد على الطرق القديمه , بيكون مش مواكب العصر خالص , ومحدش يقدر ينكر اهميه النت دلوقتى فى التسويق و خاصة " السوشيال ميديا "

يلا نبدا فى الادوات و المواقع .

1- Mailchimp

واحد من اهم المواقع الموجوده حاليا فى عالم ال " E-mail Mareketing " واخر احصائيه بتقول ان اكتر من 80%

من ال B2B او ال B2C بيستخدمو الايميلات كانوع مؤثر جدا من التسويق للبيزنس بتاعهم .


انت كمان لو عندك بيزنس لازم تستخدم الطريقه دى عشان البيزنس بتاعك يكبر وينجح اكتر .


و Mailchimp عليه اكتر من 15 مليون مستخدم , مع العلم ان هناك مواقع تانى كتير بتقدم نفس الخدمه بس الموقع ده يبقى افضلهم لاسباب كتير منها :

* دعم فنى 24 ساعه وسريع جدا , يعنى هتلاقى اجابات على اسئلتك باسرع وقت .

* بدا من 2001 وكل فتره بيطور من نفسه وبيقدم خدمات مميزه لكل العملاء.

* بيكون مجانا للمشتركين اللى عندهم اقل من 2000 مشترك , واللى مش بيبعتو اكتر من 12000 ايميل شهريا.




2. HubSpot

خلينا نبدا كلام عن الموقع ده بالمقوله اللى ديما بيقولوها

" From attracting visitors to closing customers, HubSpot brings your entire marketing funnel together.
"
لما يجى الكلام عن التسويق و متابعه العملاء بتوعك يبقى لازم تستخدم الموقع ده. لانه بيساعدك ف الاتى : 

Blogging
SEO
Social Media
Website
Lead Management
Landing Pages
Calls-to-Action
Marketing Automation
Email
Analytics

موقع مفيد جدا و خلى كل الادوات اللى ممكن تحتاجها فى السوشيال ميديا فى مكان واحد .



Hootsuite 3

مفيش شك ان السوشيال ميديا بيلعب دور كبير جدا فى نجاح اى مشروع مهما حجمه او الصناعه اللى هو فيها .

الموقع ده بقى بيساعدك انك تخلص شغل السوشيال ميديا كله فى وقت قليل جدا , وده بيساعدك طبعا انك توفر وقت كتيييير جدا .


بدل ما تفتح الفيس بوك وتنزل بوست , وبعدين تروح على تويتر وبعدين على انستجرام وغيرهم من مواقع السوشيال ميديا ,


Hootsuite بقى بيساعدك تعمل كل ده من مكان واحد بس .

Google Analytics 4

خدمه من الخدمات اللى بتقدمها " جوجل " مجانا لاى حد . ولازم تستخدم " جوجل انالتيكس " كل يوم عشان تعرف البيونش بتاعك وصل لحد فين , وتحلل الجمهور المستهدف بتاعك حتى لو انت لسه بتبدا مشروعك .

" انالتكس " هتساعدك تعرف الحملات الاعلانيه بتاعتك وصلت لحد فين , انهى حمله اعلانيه حققت الهدف وانهى فيهم اللى ممكن تلغيها ومميزات تانى كتير ..



. KISSmetrics 5


" Track, analyze and optimize your digital marketing performance. See what’s working and what’s not, across all campaigns, mobile and web.


زى ما هما موضحين فى الجمله دى , بيساعدك تتعقب الزائر اللى هيجو لموقعك ده , وتعرف عنهم كل حاجه وتحسن من اداء حملتك الاعلانيه ..






لو حابب تنضم للجرب الخاص بينا اضغط هنا هنساعدك تدرس اللى بتحبه من بيتك " نادى القراءه العمليه "



شارك المقال

0 تعليق

جميع الحقوق محفوظة لـ نادي القراءة العملية | تصميم :