نادي القراءة العملية نادي القراءة العملية

7 أسرار تساعدك فى تعلم اللغة الانجليزية بطلاقة للمبتدئين " الطريقة الثانية "

نادى القراءه العمليه - اتعلم انجليزى


هنتكلم النهاردة عن قاعدة مهمه جداً , فى سلسله مقالات " اتعلم إنجليزى بطريقة طبيعية من غير فلوس "

القاعدة الرابعة : مهمة جدا و هي

 التعلم بعمق

"Deep learning"

يعني ايه اتعلم بعمق؟

يعني انت لو سمعت الكلمة او الجملة مرة او اتنين كدة انت متعلمتهاش و هتنساها و هيبقي صعب عليك تستخدمها في حياتك او تنطقها صح ..

طيب اعمل ايه؟؟

الحل في انك تكرر السماع كتير جدا 30 مرة علي الاقل و طبعا ده ال احنا متعودناش عليه في المدرسة الى بتعلمك كل يوم قاعدة جديدة و كلمات جديدة من غير ما نكررها علشان كدة بننساها و بيبقي صعب علينا نستخدمها.


علي سبيل المثال يعني لو انت عندك دروس صوتية بتسمعها مطلوب منك تسمع كل درس 30 مرة علي الاقل , طبعا اكيد بتقول ان 30 مره كتير اوى , ازاى هقدر اسمع نفس الدرس 30 مره , احب اقولك ارجع اقرا المقاله اللى شرحنا فيها القاعده التالته من هنا وهتعرف ازاى تقدر تسمع الدرس اكتر من 30 مره كمان.

وبعد كده تبدا فى الدرس الى بعده كل يوم تسمع مرتين لمدة اسبوعين و لو لسة صعب عليك تنطق كرره اسبوع كمان او اتنين

لحد ما تنطق الدرس زي ما بتسمعه و لما تنطقه كدة انت اتعلمته بعمق و عمرك ما هتنساه و هتقدر تستخدمها في اي وقت حتي لو كنت عارف كلمات الدرس و حافظها بردو كررها لان حفظك ليها مش معناه انك بتنطقها صح. وطبعا وانت بتسمع لو قابلت كلمه جديده اتعلمها بالطريقه الحديثه اللى شرحناها فى المقاله دى ازاى تحفظ كلمات جديده ومتنسهاش .


مثلا لو انت هتتعلم الماضي البسيط فانت هتسمع ال point of view و دي هنتكلم عنها في مقالة لوحدها و دي عبارة عن دروس من خلالها بتتعلم قواعد اللغة بطريقة طبيعية من غير ما تذاكرها . وتقدر تقرا المقاله دى اللى بتشرح القاعده الثانيه وفيها طلب غريب جدا .

و لما تكررها كتير جدا, القاعدة و كلمات الدرس هتثبت في عقلك من غير ما تذاكر و تحفظ او تعمل مجهود كل ال هتعمله انك هتسمع الدرس كتير جدا و تكرره لمدة اسبوعين او اكتر لحد ما يثبت في عقلك . وهى دى الطريقه الطبيعيه اللى هتكتسب بيها اى لغه فى الدنيا ;)


نصيحه مهمه :

 حاول تطبق قاعده التعلم بعمق فى كل حاجه عايز تتعلمها مش بس الانجليزى , لو قدرت تطبق القاعده دى فى كل حاجه بتتعلمها فى حياتك هتلاقيك اتقنك العلم والمهاره اللى بتحاول تتعلمها جدا وهتكون احسن واحد فى مجالك ;)

الخطوة العملية : اتعلم بعمق من تكرار سماع الدرس 30 مرة او اكتر لحد ما تنطقه زي ما سمعته.


المصدر :

AJ HOGE " 7 RULES TO SPEAK EXCELLENT ENGLISH"



التعليقات



جميع الحقوق محفوظة

نادي القراءة العملية

2016