نادي القراءة العملية نادي القراءة العملية

احدث 7 قواعد لتعلم الانجليزى والتحدث بطلاقه " القاعدة الثالثه "Power English


هنكمل مع بعض سلسلة مقالات :  احدث 7 قواعد لتعلم الانجليزى والتحدث بطلاقه , Power English

القاعدة التالتة  و هى :

" استمع اولا "

"Listen first"


دى اهم قاعدة فى قواعد تعلم إلانجليزى علشان تتعلم صح بلاش تقرا كتب اسمع إنجليزى كتير الاول و مفهوم علشان متزهقش و تتعب لاننا قولنا هنتعلم بطريقة طبيعية.
يعنى هتتعلم إنجليزى بودنك مش بعيونك زى ما كنت بتتعلم ف المدرسة

" Learn with your ears, not with your eyes "

لما اتعلمنا فى المدرسه كنا بتعلم عن طريق الكتب الدراسيه الممله ولما كنا بنسمع انجليزى كان بيكون قليل جدا وبنطق غلط زى " مس ميرفت الشهيره " فعشان كده لما بنتكلم انجليزى بيكون تلوث مش انجليزى.
وفى جمله بتقول :

" To speak well, you must listen a lot "

عشان تتكلم كويس لازم تسمع كتيرر.

ولكن فى شروط لازم تكون موجوده فى اى حاجه هتسمعها عشان تسمع صح .
هما 3 شروط بس :

  • مفهوم وسهل 
  •  ممتع 
  •  كرر الى بتسمعه كتييييييييييييير.
مهاره الاستماع تعتبر مفتاح سحرى عشان تتكلم كويس , ولما تسمع كتير مش بس هتحسن النطق , انت كمان هتزود حصيلتك اللغويه من كلمات اللغه وزى ما اتفقنا لو قابلتك كلمه جديده هتحفظها فى جمله او عباره مش كلمه لوحدها.
لازم تسمع انجليزى تكون فاهمه لانك لو مفهتمش يبقى متعلمتش اى حاجه وهتكون حافظ مش فاهم , ثانيا لازم يكون ممتع بالنسبالك يعنى اسمع لحاجات بتحبها ممكن برامج طبخ او ماتشات او اغانى او مصارعه او افلام او كتب صوتيه اهم حاجه اللى هتسمع  يكون ممتع بالنسبالك عشان تقدر تحقق الشرط الثالث وهو التكرار انه يكون متكرر وتسمعه كتير جدا.
الطريقة الـ بنقدمهالك طبيعية بتعتمد على انك تسمع إنجليزى كتير من ساعة ل 3 ساعات ف اليوم علشان تتكلم بطلاقة قضي معظم وقتك و انت بتسمع صح لان زى ما بتسمع هتنطق. وافتكر ديما عشان تتكلم انجليزى بشكل صح لازم تسمع انجليزى  كتير من اهل اللغه الاصليين ويكون متحقق فيهم ال3  شروط اللى ذكرناها.
ركز على الاستماع ثم الاستماع ثم الاستماع, بس لا تنسى الشروط والطريقه اللى شرحناها فى اول المقاله.

الخطوه العمليه :

اختار حاجه سهله تبدا بيها وتسمعها كتير , ممكن قصص صغيره او رويات لسن 20 سنه, لو صعبه عليك دور على حاجه اسهل زى قصص الاطفال وهكذا . واشترى هاند فرى جديد وحمل الدروس على الموبايل بتاعك واسمع انجليزى ممتع كل يوم فى اى وقت على الهاند فرى بتاعك.

التعليقات



جميع الحقوق محفوظة

نادي القراءة العملية

2016