نادي القراءة العملية نادي القراءة العملية

احدث 7 قواعد لتعلم الانجليزى والتحدث بطلاقه " القاعدة الثانيه " Power English





بعد ما عرفنا القاعدة الاولى وهى اننا نتعلم الكلمات فى جمل مش كلمات فردية فى سلسله مقالات

" احدث 7 طرق لتعلم الانجليزى والتحدث بطلاقه "


القاعدة الثانية هى مفاجأة لناس كتير

 " أوعى تذاكر قواعد اللغة "

 "Don't study grammar rules  "



واحنا فى المدرسة كان دايما يتقالنا ذاكروا القاعدة دى و احفظ القاعدة دى في المدرسة او الجامعة او حتى الكورس و ده من اكبر الاسباب إلى بتكرهنا فى اللغة و تحسسنا انها صعبة مع انها مصنفة انها اسهل لغة.


سؤال يثبت ان الطريقة دى مش صح هل تعلم القواعد بالطريقة دى علمك قواعد اللغة هل بقيت بتتكلم إنجليزى زى العربى و انت بتتعلم الانجليزى بطريقة ميس مرفت مع ان ليك سنين بتتعلم ؟


طيب ليه مش بتتكلم إنجليزى ؟

لان و انت بتتعلم بالطريقة دى تركيزك كله بيبقى على تحليل اللغة اكثر من ممارستها و الطريقة دى كويسة لو انت بتكتب لان عندك وقت تفكر فى القاعدة قبل ما تكتبها لكن لو انت بتتكلم مش هتلاقي وقت للتفكير وإلا هتبقى بطئ جدا فى الكلام .


طيب انا عايزة اتكلم إنجليزى زى العربى..

 ازاى متحدثي اللغة الاصليين بيتعلموا قواعد اللغة ؟؟



المتحدث الاصلى للإنجليزى مبيتعلمش قواعد اللغة إلا علشان يكتب اومال ازاى بيتكلم إنجليزى بطلاقة و انا مش قادر أتكلم أصلا  ؟؟
هقولك بالظبط زى ما حضرتك اتعلمت العربى و انت صغير محدش جه و علمك قواعد النحو و إلا كنت هتكرها ومش هتتعلم بردو لكن انت قعدت تسمع العربي كتير جدا و بعدين لما كبرت نطقت و هى دى بالظبط الطريقة إلى هنتعلم بيها إلانجليزى انك تسمع و تقرا إنجليزى صح كتير جداً.


متقراش كتب قواعد الانجليزى اقرا كتب بسيطة و سهلة فى البداية و هكذا الاستماع متسمعش حاجات صعبة اسمع حاجات سهلة و مفهومة. وبعد كده ذاكر جرامر براحتك لانه مهم جدا ..


طيب ايه ده اومال هنتعلم قواعد اللغة ازاى من غير ما نذاكرها ؟



هو ده بالظبط بقى اللى هنتكلم فيه فى باقى المقالات ,
ازاى تكتسب قواعد اللغة بطريقه طبيعيه عن طريق ("Point of view stories")


الخطوة العملية النهاردة :

اقرا كتب سهله واسمع حاجات كتير سهلة وممتعة ليك ومتذاكرش جرامر فى الفترة دى , اجل الجرامر لبعد كده

اقرا قصه حقيقيه وتجربه مع القواعد وكورس Power English 

التعليقات



جميع الحقوق محفوظة

نادي القراءة العملية

2016