العمل الحر - Freelancing - نادي القراءة العملية
404
نعتذر , لا نستطيع ايجاد الصفحة المطلوبة

الأحد، 2 أكتوبر 2016

العمل الحر - Freelancing

العمل الحر - Freelancing

ايه هو الـ العمل الحر او الـ Freelancing ؟؟


ببساطة هو عبارة عن شغل خاص بيك من غير مدير انت بتكون مدير نفسك بيكون على الإنترنت 
تقدر تشتغل الشغل ده من اي مكان في العالم عن طريق جهاز كمبيوتر مكتبي او لابتوب او سواء تابلت .

ماهى مميزات العمل الحر أو الـ Freelancing ؟؟

  •  الحرية الكاملة 
  •  انت تعمل في ما تحب
  •  غير مرتبط بمكان 
  •  ربح غير محدود ( مقرون بشغلك )
  •  يتيح لك شريحة اكبر من العملاء

* أشياء يجب معرفتها عن العمل الحر او الـ Freelancing 

1- هتشتغل لوحدك كتير جدا .
2- هتحتاج كمبيوتر او لابتوب .
3- هتنعزل عن العالم .
4- عشان تنجح في العمل الحر يجب ان تنظم وترتب حياتك .
5- يجب عليك تقييم نفسك وتحديد مواعيد عملك ( انت تراقب نفسك - انت مدير نفسك ) .
6- لازم يكون عندك انضباط في حياتك .
7- هتتعامل مباشرة مع عملائك بدون وسيط .
8- لازم تتعلم مهارة التفاوض لإنك انت اللي بتحدد السعر اللي هتبيع بيه خدماتك .
9- السعر متوقف على تقييمك كـ Freelancer في الموقع اللي شغال فيه بمعنى ان كل ما زاد تقييمك على الموقع من العملاء كل ما     تقدر ترفع سعر خدماتك .
10- مفيش دخل ثابت - السعر بيتحدد على حسب الشغلانة وعدد ساعات العمل فيها .
11- في العمر الحر انت بتتلقى التعليقات على شغلك من العميل مباشرة .
12- لازم تكون دائم الإطلاع على الاشياء اللي بيكون عليها الطلب كتير في مجالك .
13- قبل ما تاخد خطوة انك تشتغل في العمل الحر لازم تتأكد ان أهلك وأصدقائك بيدعموا قرارك .
14- العمل الحر بيحتاج وقت كتير جداً .
15- انت اللي هتبحث عن العملاء بنفسك وتجذبهم إليك بشغلك .
16- قبل ما تسيب شغلك العادي ابدأ شغل في العمل الحر قبل 6 شهور من استقالتك من وظيفتك لإن ده هيسهل عليك فرصة الحصول على عملاء .


سر النجاح في العمل الحر

السر في تعاملك معاه كأنه شركتك وانت المدير بتاعها وانت المسئول الوحيد عن كل ماهو متعلق بالشركة دي .

قائمة بمنصات العمل الحر

  1. Elance
  2. Upwork
  3. Freelancer
  4. Guru
  5. Ifreelance
  6. People per hour
  7. Tuts plus jobs
  8. Pro blogger
  9. Freelance writing gigs
  10. Smashing jobs
  11. Fiverr
  12. Freelanced
  13. Freelance-writing-jobs-online
  14. Pitch me
  15. Text broker
  16. Art wanted
  17. 99Designs
  18. Simply hired
  19. Tutor
  20. Authentic jobs
  21. Design crowd

منصات عربية 

  1. مستقل
  2. خمسات
  3. نبش
  4. بيكاليكا
  5. Soundeals
  6. زينانو
  7. خدمات

شروط العمل الحر 

1- اوعى تكذب على العملاء .
2- اوعى تغش العملاء .
3- كن سريع الإستجابة للعملاء .
4- اتصل بخدمة عملاء الموقع اللي بتشتغل فيه لو واجهتك مشكلة .
5- ما تنسخش شغل حد تاني وإلا هيتم طردك من الموقع .
6- كن على اتصال دائم بالموقع عن طريق تطبيق الموبايل والايميل .

ادوات وتطبيقات مساعدة للـ Freelancer 



  1.  بتحتاج عقود تضمن حقك وحق العملاء فبالتطبيق ده تقدر تستورد عقود وبنود من مئات العقود ( Beagle ) .
  2.  اداة إدارة الحسابات المالية للمؤسسات الصغيرة ومثلها العمر الحر ( Wave Accounting ) .
  3.  تخزين الملفات ( DropBox ) .
  4. انشاء قوائم بالمهام التي يجب عليك اتمامها ومتابعة تنفيذها ( Wunder List ) .
  5.  تطبيق لإدارة الوقت وتنظيمه بيديلك 25 دقيقة تنفذ فيها اللي عليك و 5 دقايق راحة وبعدين تبدأ تاني 25 دقيقة   ( Focus Booster ) .
  6.  علشان بتتعامل مع عملاء أجانب فهتحتاج التطبيق ده  ( ترجمة Google ) .

* ملحوظة : 

عشان تقدر تسحب ارباحك من الموقع لازم تربطه بحسابك في Cash U او PayPal 
   كمان لازم تربط حساب Cash U او PayPal بـ بطاقة فيزا مسبوقة الدفع زي بطاقة Payoneer *




Written by : Mohammad Badawi

شارك المقال

جميع الحقوق محفوظة لـ نادي القراءة العملية | تصميم :