"تايهه ومحبط ومش عايز اكمل"

"تايهه ومحبط ومش عايز اكمل"
    كلنا عارفين ان ربنا خلق لكل واحد فينا ميزه ، و ميزتك بتظهر لما بتعمل الحاجه اللى بتحبها ، الحاجه اللى بتلاقى نفسك و بتبدع فيها ، الحاجه اللى بتصحيك من النوم و مش بتحس بالوقت و انت بتعملها ، ده بإختصار تعريف من تعريفات " الشغف " بس الشغف لوحده مش كفايه !

    لان اول مشكله هتقابلك بعد ما تعرف شغفك انك مش هتعرف تبدا ازاى و تتميز فى المجال ده ، و هنا بتبدا تبص لكل الناس اللى سبقتك و اللى سابو بصمه كبيره فى المجال ده و بقو مشهورين، او تقول مين هيسمعنى و يسيب كل الناس دى! و افكار كتير من هذا القبيل .. طيب ايه الحل فى موقف زى ده ؟

    سر المعادله = " Category + niche + sub-niche "
    مثلا حد شغفه فى المطبخ و الاكل ، هيروح فين جمب الشيف شيربينى و غيرهم ، الحل هنا انك تتخصص فى المجال ده ، بمعنى تبقى تخصص اكلات مشويه ، بردو هتلاقى منافسه ، يبقى الحل تخصص فى التخصص نفسه ، انت متخصص فى المشويات انك احلى واحد بيعمل فراخ مشويه..

    مثال تانى ، واحد بيحب مجال الفيتنس و اللياقه ، ده كده مجال واسع كده و مش هيعرف يكون مميز وسط العمالقه اللى فى المجال ده، الحل هنا التخصص، يختار مثلا تحصص الدايت ، هيلاقى منافسه بردو ، يعمل اخر خطوه وهى تخصص فى التخصص ، و يكون تخصصه الأخير دايت للناس اللى مش عندها وقت تروح جيم كده هيبقى محدد و عارف الشريحه بتاعته و هيكون مميز فى المجال ده .

    مثال تانى، حد بيحب الماركتينج جدا، وده مجال واسع وكبير جدا ومليان مصادر يعمل ايه عشان يتميز؟

    هيتخصص بقى يعنى مثلا

    Category = Marketing

    Niche = Digital Marketing

    Sub-niche = Social Media Marketing

    لما تعمل كده هتوفر وقت و مجهود كتير و هتكون مخصص لحل مشكله معينه و هتكون مميز فيها .

    هتلاقى الحل و السر فى الفيديو ده




    لو عندك سؤال تقدر تسيبه فى تعليق تحت المقاله .


    " حتى نعود كما كنا امه اقرا " 
    نادى القراءة العملية
    كاتب ومحرر اخبار اعمل في موقع نادي القراءة العملية | بوابتك للتعلم الذاتى .

    إرسال تعليق