نادي القراءة العملية نادي القراءة العملية

7خطوات تعملها عشان يبقى عندك بيزنس ناجح !


1/ دور على مشكله معينه انت بتعانى منها او الناس بتعانى منها و شوفلها حل و طبقه على نفسك ولو نجح قدمه للناس ، سواء خدمه او منتج .
2/ ابدا صغير مش عيب و اتعلم اقرا كتب عن البيزنس فى مجالك كتير  و طبقها ، خليك صبور ، و استمثر فى وقتك اكتر ما تستثمر فلوس ، افتكر ديما ان اهم استثمار تستثمره فى حياتك هو استثمارك فى نفسك . 
3/ ابدا بفلوس قليله  و لما يجيلك دخل منها حتى لو صغير وفره  عشان تطور و تكبر البيزنس بتاعك قدام ، ده افضل كتير من ما تستلف من صحابك او تعمل قرض و غيره ، الحل ده محتاج حد صبور جدا بس حل عملى جدا.
4/ قبل ما تاخد اى خطوه جديده او كبيره لازم تفكر فيها كويس جدا جدا جدا ، السرعه مش مطلوبه دلوقتى خالص ، البيزنس محتاج صبر ونفس طويل ، افتكر ديما ان خطوات صغيره مستمره افضل بكتير من الكمال المستحيل ، امشى خطوه وحده فى كل مره و لكن بإتقان جدا و هتفرق معاك جدا فى المستقبل. 
5/ لما يجى وقت عليك و عايز تكبر البيزنس بتاعك ، اعمل الخطوه دى و لكن من فلوس المكسب اللى كسبته من البيزنس ، اوعى تكبر البيزنس بتاعك من فلوس تانى غير المكسب حتى لو هتصبر كتير مش مشكله .
6/ اختار الناس اللى تشتغل معاك بحرص جدا ، إختار فريق قوى و ناس مخلصه و استمثر فيهم و يساعدوك فى البيزنس يكبر ، خد بالك لأن اكبر غلطه ممكن توقعك انك تختار ناس غلط او مش مخلصين ، عشان كده خليك حريص جدا جدا و انت بتبنى فريقك و الناس اللى تعمل بيزنس معاها. 
7/ اتعلم ديما بإستمرار،  شوف ايه اللى ناقصك و اتعلمه سواء كان مهاره معينه او لغه معينه او كتاب معين . من اكبر اسباب فشل اى بيزنس هو عدم التجديد.  مستعجلش خالص انك تبدا بيزنس و انت لسه مش متعلم المهارات اللى ناقصاك عشان تنجح ، خد وقتك براحتك ، و كل دقيقه هتسثمرها فى تطوير نفسك هتعود عليك بأضعاف فى المستقبل. 
المصدر / Brain Tracy's  Success Newsletter 

التعليقات



جميع الحقوق محفوظة

نادي القراءة العملية

2016