نادي القراءة العملية نادي القراءة العملية

خطوات عمليه تساعدك انك تكون محاضر وتؤثر فى الناس





ناس كتير اوى شغفها انها تتكلم قدام الناس وتاثر فيهم , و نفسهم يبداو يحولو الشغف و المهاره دى لمصدر دخل ليهم بس مش عارفين يبداو ازاى !


تعالى الاول احكيلك تجربتى مع الموضوع ده ..

انا من صغرى كان بيخطفنى اى حد الاقيه بيتكلم قدام الناس وبياثر فيهم , وناس كتير كانت بتقولى انت عندك ” الموهبه ” فانك تقدر تحفز وتاثر فى الناس , بس وقتها مكنتش عارف هبدا ازاى ؟ .و لما كنت اسال اى حد يقولى اقرا كتب فى الموضوع ده و مهارات العرض والتقديم وغيره , بس كنت بلاقى الكلام حلو بس نظرى و انا عايز اتكلم من قلبى , وكنت مؤمن جدا ان اقرب طريق عشان تاثر فى الناس وتسيب بصمه هو انك تتكلم من قلبك توصل لقلبهم .

و كنت تايهه زى ناس كتير دلوقتى , بتحب تتكلم قدام الناس بس شايفه الموضوع محتاج كورسات و كتب كتير و هما مش معاهم فلوس او يقولو مين هيسمعنى انا بس , اكيد مش هقول حاجه تفيد الناس , و افكار كتير زى دى هتطلع فى الاخر مجرد اوهام هتختفى اول ما تبدا فى تنفيذ الخطوات اللى هقولهالكم فى المقال ده

لحد ما عرفت سر المهنه زى ما بيقولو وبدات فى التطبيق على طول والحمدلله حاليا بقيت بمارس شغفى ده بكل حريه وبيجيلى منه دخل كمان وربنا جعلنى سبب فى انى اسيب اثر واضيف قمه لحياه الناس ^_^

ودى صور ليا و انا بتكلم فى ايفنتات قدام اى عدد من الاشخاص ..





هقولكم فى المقال ده ازاى تبدا , و هوفر عليكم كتب نظرى كتير وهديكم الزتونه

نركز بقى فى الخطوات اللى هوضحها دلوقتى و بعد المقال نبدا نطبق على طول لان ” نور العلم يكتمل بالتطبيق ”

1\ فكر ايه اكتر مجال حابب تسيب فى بصمه او رساله , او تحل فيه مشكله معينه .

و حدد رسالتك بالظبط و شوف هى بتحل مشكله ايه عند الناس او هتساعدهم يحققو ايه و ابدا جهز محاضره صغيره كده و اعرضها لاقرب الناس ليك سواء اهلك او صحابك و شوف تعليقاتهم ايه .مش لازم يعنى تبدا كبير , ابدا باللى حواليك وخليك شغوف وانت بتتكلم عن الموضوع ده واتكلم من قلبك توصل لقلوب الناس .

2\ ابنى مصداقيه بين الناس !

دلوقتى انت لسه محدش يعرفك , ولا حد عارف انت بتقدم ايه , بكل بساطه ابدا اعمل براند لنفسك , عرف الناس رسالتك و خليهم يجو يسمعوك , اعمل فيديوهات واعرض عليها رسالتك , ولما الناس هتسمعك سواء عن طريق الفيديو او فى محاضره و تاثر فيهم , ساعتها بس هتبدا تتعرف فى المجال ده و بقى معاك شهادات من الناس دى انك شخص عندك رساله او بتحل مشكله معينه ولما تلمس قلوبهم كده انت بنيت مصداقيه ^_^

3\ اعمل مدونه او اكتب مقالات

عرف النااس ازاى يحلو مشاكلهم اللى انت متخصص فى حلها دى عن طريق مقالات بافكارك الجديده وحاول تقدم حلول عمليه واقعيه عشان الناس اللى تقرالك تحس انك بتقدم حاجه جديده فعلا . اوعى تقع فى فخ انا مش عندى حاجه اقدملها للناس او انا مش خبير ولسه مبتدا , بكل بساطه ما دام بتعرف تحل للناس مشاكلهم يبقى انت خبير بالنسبالهم ^_^

4\ كون شبكه علاقات قويه جدا .

دى من اكتر الخطوات اللى هتساعدك انك توصل للناس بسرعه , اخر قانون فى شبكه العلاقات بيقول ” مش مهم انت بتعمل ايه المهم مين يعرفك ومبسوط انه يعرفك ” لان لو معنكش شبكه علاقات قويه و مؤثره هتلاقى الطريق طويل ومحدش هيسمع عنك , فاسعى من دلوقتى انك تدور على شبكه علاقات و تبينها قبل ما تحتاجها ” Give first. Build it, before you need it. ”

5\ متبقاش طماع !

بمعنى انك لسه مبتدا , اعمل محاضرات كتير فى الاول مجانا, قدم للناس حلول عمليه بالعلم اللى عندك , غيرلهم حياتهم من غير اى مقابل , وهتكون بالنسبالهم قدوه وهيتمنو يخدموك بعد كده لانك غيرتلهم حياتهم او حليتلهم مشكله كانو بيعانو منها. بعد ما تعمل كده خش على الخطوه اللى بعدها اعمل محاضرات بس بفلوس قليله متبصش للفلوس دلوقتى خالص وبص ديما انك تضيف قيمه للناس والفلوس هتيجى كتير بعد كده , اطمن ^_^

6\ خليك نفسك واتكلم من قلبك

بمعنى انك لو انت شخص بتهزر , هزر عادى , لو انت شخص بتوصل المعلومه بشكل بسيط كمل زى ما انت , اوعى تقلد حد , و لازم تعرف نقطه مهمه جدا , انك عشان تكون محاضر في مليون طريقه مش طريقه وحده بس او اسلوب واحد بس , خليك باسلوبك وخليك على طبيعتك واتكلم من قلبك , مهاره التحدث قدام الناس مش بتكتسب من الكتب , دى مهاره عمليه محتاجه ممارسه كتير وتطوير مستمر , ومش محتاجه شهادات , خلى اعتمادك من الناس وشهادتك هى الاثر اللى هتسيب فى الناس وبس


طبق الخطوات دى و ادعيلى ولو عايز معلومات اكتر شوف الفيديو ده

لو عندك اى سؤال ده الاكونت بتاعى Ahmed Sysy

بالتوفيق

التعليقات



جميع الحقوق محفوظة

نادي القراءة العملية

2016